Забава
Кралицата испрати ретка порака до возачот на Формула 1, Луис Хамилтон
Кралицата испрати топла порака до британскиот возач Луис Хамилтон, кој неодамна влезе во историјата на Формула 1 по бројот на освоени шампионски титули, а голем број навивачи повикуваат спортистот да биде прогласен за витез, пренесуваат британски весници.
Кралицата во неделата му честита на светскиот шампион за освојувањето на турското гранд при со твит споделен на твитер -рофилот на кралското семејство.
Монархот напиша: „Честитки за седумкратниот освојувач на титулата светски шампион во Ф1, Луис Хамилтон, со рекорден број победи на трки, какво неверојатно достигнување!“
Хамилтон веднаш одговори на пораката: „Каква неверојатна чест. Ви благодарам многу“.
Добрата желба на фановите наиде на критики на некои од корисниците на „Твитер“, кои тврдат дека возачот на Формула 1 никогаш не треба да биде витез и дека тој избегал во Монако поради законите за даноци во Велика Британија.
Сепак, овие тврдења не се докажани.
Многу други ги отфрлија шпекулациите дека тој се обидува да избегне плаќање данок во Велика Британија и ѝ се заблагодарија на кралицата што му оддаде признание на неговите достигнувања.
Некои навивачи дури ја повикаа крлицата да му понуди на Хамилтон витештво за претставување на нацијата во спортот.
Претседателот на Моторспорт Велика Британија, Дејвид Ричардс, и парламентарната група на сите партии за Формула 1, му напишаа писмо на премиерот Борис Џонсон среде кампањата Хамилтон да биде прогласен за витез во новогодишните почести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.