Забава
Лоши навики кои ги „убиваат“ бубрезите
Докажано е дека здравјето на бубрезите е од клучно значење за здравјето на коските, бидејќи бубрезите филтрираат токсини кои ги прават коските послаби со стареењето. Но, освен за здравјето на коските, бубрезите се клучни за целокупното здравје на луѓето.
Бубрезите се меѓу најважните органи во човечкиот организам, а некои од дневните навики, кои ни се чинат сосема банални, можат многу да им наштетат.
Не пиете доволно вода
Бубрезите, како и другите органи, имаат потреба од вода. Недостатокот на вода може да доведе до послаб проток на крв во бубрезите, што ќе ги спречи да ги исфрлаат штетните материи преку урината.
Јадете премногу сол
Со конзумирање премногу сол може да му се наштети на целиот организам, а не само на бубрезите. Сепак, поради тоа што најголемата количина сол оди во бубрезите, се случува тие да станат најизложени на таа нездрава навика. Преголемо количество на сол во телото ги активира бубрезите, што може да доведе до дехидрација и недостаток на вода во телото што е неопходно за правилно функционирање на целиот организам.
Премногу протеини
Протеините се неопходни за нашиот организам. Оние кои активно се занимаваат со спорт, односно оние кои активно работат на зголемување на мускулната маса, се особено запознаени со тоа. Сепак, претерувањето со протеини негативно ќе влијае на здравјето на бубрезите.
Премногу алкохол и цигари
Алкохолот и цигарите немаат корист за здравјето на луѓето. Тие се штетни за целиот организам, вклучувајќи ги и бубрезите. Може да доведат до слаб проток на крв во бубрезите, што може да го блокира исфрлањето на токсините од телото, за што се задолжени бубрезите.
Премногу кофеин
Иако конзумирањето кофеин има здравствени придобивки, треба да ја ограничите дозата на максимум 3 кафиња на ден за да го зачувате здравјето на бубрезите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) „Едвај ги чекам коментарите дека ова не е Кејт и е двојник“: дел од коментарите за најновата снимка на принцезата од Велс
Во последно време на социјалните мрежи кружат многубројни теории, а се однесуваат на здравствената состојба на принцезата од Велс, Кејт Мидлтон, која пред три месеци се повлече од јавноста поради закрепнувањето по операцијата.
Јавноста беше прилично загрижена за нејзината состојба и оттаму многуте теории. Сепак, сè пропадна бидејќи Кејт била видена додека пазарелa. Сега се појави видео, кое покажува дека Кејт е сосема добро.
Во тренирка, без шминка и со пуштена коса, таа одеше покрај Вилијам носејќи чанта од продавницата. Безгрижно разговарале, а според говорот на телото, изгледале прилично опуштено и безгрижно.
View this post on Instagram
Секако, веднаш под видеото имаше коментари на луѓе што тврдат дека Кејт на видеото не оди покрај принцот Вилијам.
„Едвај ги чекам коментарите дека ова не е Кејт и е двојник, лош фотошоп и слично.
„Ова не е Кејт“, беше друг коментар.
„Ова е нејзиниот двојник!
„Таа навистина не личи на неа!
„Изгледа како старо видео!
Луѓето очигледно не може да се смират, ниту да се задоволат, па сигурно ќе има многу вакви коментари додека војвотката официјално не се појави во јавноста, што се очекува во текот на велигденската недела.
Забава
Кралското семејство има доверба од граѓаните и покрај теориите на заговор, покажува анкета
Повеќе од половина од луѓето во Велика Британија виделе теории на заговор на социјалните мрежи за отсуството на Кејт Мидлтон од јавниот живот, но тоа не ја поткопа довербата на јавноста во кралското семејство, покажуваат анкетите на YouGov.
Истражувањето покажува дека 51 процент од луѓето на интернет виделе дискусии за теории за нејзиното отсуство, 44 отсто велат дека не виделе, а 5 отсто од испитаниците тврдат дека тоа не е сигурно.
На социјалните мрежи Katespiracies (Заговори за Кејт) варираат тврдења дека таа закрепнува. Некои се пошегуваа дека била исфрлена од кралското семејство.
Други теоретичари на заговор, како што тврди „Дејли мејл“, ги користеле социјалните мрежи за да ја наклеветат принцезата, па дури и американската старлета Ким Кардашјан објавила фотографија со натпис „На пат да ја најдам Кејт“.
Кејт се појави во јавноста откако претходно јавно се извини за преработената фотографија, која беше објавена на Денот на мајката, што исто така предизвика бес и разни теории на заговор во медиумите и на интернет.
Според „Скај њуз“, кралското семејство сепак ја задржало довербата на жителите на Велика Британија.
Девет отсто од анкетираните велат дека помалку ѝ веруваат на принцезата од Велс бидејќи таа отсуствува од јавниот живот, но исто толку ѝ веруваат повеќе од порано.
Многу повеќе испитаници, 68 отсто, тврдат дека нивното мислење не е променето во последните месеци.
Во текот на викендот принцот и принцезата од Велс беа видени како купуваат во продавница на помалку од еден километар од нивната резиденција во близина на замокот Виндзор.
Забава
„Меган Маркл е нарцис кој го контролира принцот Хари“
Меган Маркл, војвотката од Сасекс, е нарцис кој контролира и доминира над слабиот принц Хари, според биографот на британското кралско семејство, Сали Бедел Смит.
Во својата нова книга „Џорџ VI и Елизабет: Бракот што ја спаси монархијата“, Бедел Смит ја спореди Меган со Американката Волис Смит, која го натера кралот Едвард VIII да абдицира во 1936 година бидејќи не можеше да се ожени со двапати разведената Смит, пишува „Тајмс“.
Едвард потоа беше наследен од Џорџ Шести, татко на кралицата Елизабета Втора, а кралското семејство никогаш не му прости за неговата абдикација, што, според Бедел Смит, тие го сметаа за предавство.
Авторот ги споредил ситуациите на кралевите Едвард и Џорџ со несогласувањата меѓу принцот Вилијам и принцот Хари и истакнал дека и во двата случаја „се појавила Американка што ја променила динамиката“. Меган наводно се судрила со Вилијам откога се омажила за Хари во 2018 година.
„Во некои аспекти, Меган и војвотката од Виндзор, Волис Смит, имаат слични квалитети: многу нарцисоидни, контролирачки и доминантни. И ако ги прочитате писмата на Дејвид (Едвард) до неговата претходна љубовница, можете да видите колку е слаб и колку му требаше доминантна жена, а Хари е донекаде ист“, тврди Бедел Смит.
„Тајмс“ пишува дека врската меѓу Вилијам и Хари е сериозно затегната откога тие наводно одбиле да се појават заедно на церемонијата на доделување награди во чест на принцезата Дијана минатата недела. Џорџ и Едвард, како Вилијам и Хари, беа блиски извесно време, но односите меѓу нив се заладија по абдикацијата и наводното поврзување на Едвард и Волис со нацистите, вели биографот.
„Поинаку е. Хари никогаш нема да биде крал. Но, мислам дека има слични чувства на предавство, кои водат до тоа Вилијам да му биде особено лут на својот брат и тоа со добра причина“, вели американската авторка.