Забава
Мадона е Мадона и прави што сака, а сега има ново момче играчка
Мадона сигурно ги има сите можни одговори на дилемата: зошто една ситница, како на пример возраст, би можела да му попречи на вашиот љубовен живот?
Папараците демнејќи пред хотелската соба на поп-ѕвездата во саботата во Мајами Бич, неколку часа пред почетокот на нејзиниот престој во Филмор (The Fillmore), ја сликаа во лежерна и интимна поза со својот резервен танчер, кој допатувал во Флорида со нејзиниот приватен авион.
Според медиумските извештаи, младиот човек е Ахламалик Вилијамс. Тој има 26 години а таа 61.
Вилијамс претходно беше виден како ја гушка Мадона на истиот балкон во ексклузивен хотел при посета на Флорида, дел од нејзината светска турнеја „Мадам Икс“ (Madame X).
Британски Сан (Sun) објави дека Мадона се „дружела“ со Вилијамс неколку месеци, но најновите фотографии укажуваат дека тие дефинитивно се оддалечиле од зоната на пријатели.
Тој изгледа дека му било супер удобно, а на терасата со нив била и ќерката на Мадона, Лурдес, која се појави во модна ревија на Арт Базел, пишува таблоидот Sun.
„Доколку врската не е озбилна, дали мама ќе ѝ го претстави Вилијамс на Лурдес? Хмм, не знаеме, затоа што Мадона е Мадона и прави што сака. И точка.“
Во меѓувреме, медиумите објавија дека таканаречената Material Girl се појавила доцна на нејзиниот концерт во саботата навечер, како и што се очекуваше.
Концертот, дел од турнејата „Мадам Икс“, требаше да започне во 10:30 но извори тврдат за британскиот таблоид дека почнало дури во 11:30.
Друга голема поплака, покрај доцнењето, беше и температурата. Диписник на Sun известува дека клима-уредите биле исклучени за да се задржи температурата топла со цел да помогне во повредата на коленото на Мадона. Оваа повреда ја принуди поп-ѕвездата да откаже неколку концерти.
Поп-кралицата, како што многумина ја нарекуваат, отсекогаш ја шокира јавноста со својот љубовен живот, а на списокот момчиња кои ги сакала досега се и 23-годишниот танчер Брахим Заилбат, неговиот 26-годишен колега Тимор Стефенс и 31-годишниот манекен Кевин Сампајо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.