Забава
Маргот Роби откри детали за жешките сцени во „Волкот од Волстрит“
Маргот Роби откри колку била нервозна додека снимала жешка сцена со Леонардо ди Каприо во „Волкот од Волстрит“.
Австралиската ѕвезда се катапултира во центарот на вниманието глумејќи ја сопругата на Џордан Белфорт, Наоми, во филмот на Мартин Скорсезе од 2013 година.
Австралиската актерка, која многумина ја нарекуваат најубава жена на светот, имала голема трема пред снимањето интимна сцена со познатиот холивудски актер и за дополнително да се охрабри, испила неколку текили.
„Нема да ве лажам, испив неколку чашки текила пред да ја снимам таа сцена на подот. Бев многу, многу нервозна“, рече Роби во разговорот за BAFTA: A Life In Pictures нагласувајќи дека можеби само изгледала самоуверено, но воопшто не било така.
Роби за време на снимањето имала само 22 години, а нејзиниот партнер Ди Каприо бил 15 години постар. Станува збор за сцена што се одвива во детската соба и во која Роби, која ја портретира Наоми Лапаља, сопругата на Џордан Белфорт, се обидува да го испровоцира Ди Каприо покажувајќи го голото меѓуножје. Ова е една од најексплицитните сцени во и онака многу експлицитниот филм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.