Забава
Наоми Кембел позираше топлес во Африка, со силна порака кон светот
Англиската манекенка Наоми Кембел (50) повторно покажа дека е неприкосновена дури и на возраст од 51 година, кога позираше за насловната страница на едно списание во Кенија.
Поранешниот топ-модел и поранешен ангел на „Викторијас сикрет“ се соблече топлес за снимање и покажа дека изгледа совршено и младешки.
Таканаречената Црна пантерка, која влезе во светот на моделството на 15-годишна возраст, сепак изгледа одлично за нејзините години, па многу жени ширум светот можат да и завидат на нејзиното згодно тело и убаво лице, а сите велат дека изгледа најмалку 10 години помлада.
Таа позираше за списанието „i-D“ во Кенија, каде што има куќа, па рече:
„Кога ќе ги видите овие слики, се надевам дека ќе видите дека Кенија е убава, дека Африка е убава“, рече Наоми.
View this post on Instagram
„Мислам дека луѓето сега навистина ќе го отворат својот ум и ќе почнат да сфаќаат дека вистинската убавина е во Африка. Има толку скапоцености, толку многу скриени тајни. Доаѓам овде од 1994 година и сè уште ги откривам работите“, истакна Црната пантерка.
„Горда сум што сум дел од снимањето со млади креативци, кои ја имаат мојата боја на кожа“, истакна таа.
View this post on Instagram
„Кога сум во Кенија, има денови кои се помалку хаотични од другите, но јас сум секогаш зафатена. Во моментов сум повнимателна поради ситуацијата со коронавирусот, но повторно ги посетив децата во сиропиталиштето што ги поддржувам, не сакав да ги изневерам. Сакам да досегнам што е можно повеќе луѓе. Сакам да ширам свест. Има дел од мене каде што, ако сакам нешто, сакам светот да знае за тоа“, рече Наоми и истакна колку е важно да им се помага на децата без родители.
Убавата манекенка е родена во Лондон. Нејзината мајка е од Јамајка, но никогаш не го запознала својот татко. Таа отсекогаш се занимава со хуманитарна работа и им помага на децата во сиропиталиштата ширум светот, претежно во Африка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.