Забава
„Не се грижи, драга“: Критичарите со мешани реакции по премиерата на филмот на Оливија Вајлд
Критичарите присутни на Филмскиот фестивал во Венеција ја дадоа својата пресуда за филмот на Оливија Вајлд, „Не грижи се, драга“ со Хари Стајлс и Флоренс Пју во главните улоги.
Психолошкиот трилер за кој деновиве многу се говори е фокусиран на Алиса и Џек, навидум совршена двојка која ја глумат Пју и Стајлс, чиј живот почнува да се распаѓа.
Премиерно беше прикажан вон конкуренција – односно во ненатпреварувачката селекција – на венецискиот фестивалот, каде Питер Бредшо од „Гардијан“ му даде на филмот две ѕвезди.
„Телеграф“ не се согласи со ваквата оценка, и му додели четири ѕвезди.
Бредшо го нарече филмот „неубедлива приказна за дистописко предградие која умешно фаќа идеи од други филмови без воопшто да разбере како и зошто функционирале“, рече тој.
„Тоа е филм што се наоѓа во пустина на неоригиналност – а пустината не цвета“.
Но, додека Алекс Ритман од „Холивуд репортер“ вели дека филмот генерирал солидни седумминутни овации, Брајан Винер од „Дејли мејл“ даде две ѕвезди, опишувајќи ја изведбата на Хари Стајлс како „механичка“ во споредба со неговата колешка Флоренс.
„Поголемиот проблем е што Don’t Worry Darling едноставно не е многу добар“, продолжи тој.
„За просечен филм, ова можеше да биде болно. Но, за среќа, тој на Вајлд е во голема мера фантастичен: еден вид сочна, но пристапна студиска продукција која целосно исчезна од 90-тите наваму.“
„Беспомошно, има ехо на многу подобри филмови, како што се класиците од средината на 70-тите „Сопругите на Степфорд“ и „Лет над кукавичкото гнездо“ и „Шоуто на Труман“ (1998).
Но, Роби Колин од „Телеграф“ има позитивно мислење за изведбата на Флоренс и навестувањето на Степфорд во овој, како што рече, цитрусно остар психолошки трилер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.