Забава
Новинарка го откри потсмешливиот прекар што Иванка ѝ го дала на Меланија
Меланија Трамп својата поќерка Иванка ја нарекувала Принцеза, а пак, таа, ѝ го дала прекарот Портрет затоа што малку зборува.
Нивните прекари беа откриени во новата книга The Art of Her Deal: The Untold Story of Melania Trump, биографија на Меланија Трамп, напишана од новинарката на „Вашингтон пост“, Мери Џордан.
Во книгата е прикажан напнатиот однос помеѓу првата дама и ќерката на Трамп од неговиот прв брак, која денес работи како негова советничка.
„Ја слушнаа Меланија дека Иванка ја нарекува Принцеза“, пишува Џордан.
Таа додава дека Иванка на маќеата ѝ дала прекар Портрет затоа што зборувала толку често колку и портретот, делови од книгата пренесува „Њујорк тајмс“.
Белата куќа ги негира тврдењата во книгата.
„Овие тврдења се далеку од вистината, а ‘Вашингтон пост’ и издавачите требаше да ги проверат фактите во канцеларијата на Иванка, тие требаше да го знаат тоа“, рече заменикот на портпаролката, Џуд Деер.
„Хит-книгите како оваа служат само за поттикнување непостојни интриги и не се достојни за хартијата на која се отпечатени“, продолжи тој.
Кабинетот на Мелани соопшти дека авторката на книгата не им доставила целосен список на податоци што треба да ги проверат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.