Забава
Новиот трилер со Никол Кидман собра бројни фанови, многу жени би се телепортирале на филмската локација
По серијата „Големи мали лаги“, која на публиката ѝ се допадна поради заплетот и одличната актерска екипа, многумина едвај ја чекаа новата серија која се базира на книгата на истата авторка Лијана Мориарти – „Девет совршени странци“.
Серијата од осум продолженија што се прикажува на каналот „Хулу“ со својот претходник „Големи мали лаги“ има уште една поврзаност, актерката Никол Кидман. Во новата серија, оскаровката има клучна улога, а нејзе ѝ се придружуваат и други ѕвезди како Лук Еванс, Мелиса Мекарти, Мајкл Шенон, Реџина Хол, Боби Канавале и други.
Првите епизоди од новата серија открија колку е волшебна локацијата, вистинско место за одмор, па дури и можете да се сместите таму (ако имате вишок време и пари).
Покрај одличните имиња, вниманието на многу гледачи го привлече местото на дејствието – прекрасниот велнес-центар „Транквилум хаус“, кој го води директорката Маша (Никол Кидман).
Иако дејството во серијата се случува во Калифорнија (САД), епизодите всушност се снимени во областа на градот Бајрон Беј, што е околу осум часа возење од Сиднеј, Австралија.
Медиумите откриваат дека во непосредна близина на Бајрон Беј има прекрасен велнес-центар во реалноста, наречен „Сома“, основан од експертoт за трансцендентална медитација Гери Гороу и бизнисменот Питер Остик. Сместен во шума која се простира на два хектара, луксузниот имот има инфинити базен што можеме да го видиме во серијата, но и простор за медитација со купола.
Кој има доволно пари, време и волја може да се смести во овој центар, па дури и да го изнајми. Цените се движат од 2500 американски долари за викенд за едно лице, а тоа ги вклучува сите активности, оброци и сместување, како и пристап до ледени бањи со магнезиум и инфрацрвени сауни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Фустаните на принцезата Дијана изложени во Хонг Конг пред аукцијата
Светложолтата јакна обложена на рамениците и украсена со блескави златни копчиња, која ја носеше принцезата Дијана на патувањето во Хонг Конг во 1989 година, ќе биде една од шесте нејзини парчиња изложени во поранешната британска колонија пред аукцијата закажана за јуни.
Колекцијата на фустани, чевли и чанти на принцезата од Велс е изложена во трговскиот центар во Хонг Конг во следните 12 дена од четврток пред колекцијата да се пресели во Ирска до аукцијата на 27 јуни. Принцезата Дијана, која загина во сообраќајна несреќа во Париз во 1997 година, ја диктираше модата секогаш кога се облекуваше и излегуваше, рече Мартин Нолан, директор на аукциската куќа „Џулиен“ со седиште во Калифорнија.
Познатата јакна од нарциси на дизајнерката Кетрин Вокер би можела да достигне цена од 50.000 долари, а синиот вечерен фустан со ѕвездички би можел да достигне цена од 400.000 долари. Принцезата го носеше овој фустан од дизајнерот Мареј Арбејд на премиерата на „Фантом од операта“ во 1986 година во Вест Енд, Лондон.
Изложени е и вечерната тоалета со свила и тантела од дизајнерот Виктор Еделштајн и цветната тоалета на Кетрин Вокер, што Дијана ја носеше во 1991 година.
Еден од посетителите, 69-годишниот Фунг, се присетува како толпата се насобрала на улиците на Хонг Конг кога Дијана пристигнала во тој град во 1989 година. „Таа беше харизматична, грижлива и посветена на добротворната работа. Затоа е исклучително почитувана во Хонг Конг“, вели Фунг.
Во 2023 година аукциската куќа „Џулиен“ продаде вечерен фустан на принцезата Дијана за рекордни 1,14 милион долари.
Забава
Најдобри љубовници во зодијакот: четири знаци што немаат конкуренција
Дали сте љубопитни кои хороскопски знаци се огнени во креветот и маѓепсуваат со својот неодолив шарм и магнетна привлечност? Астрологијата ги открива тајните на сексуалната компатибилност.
Без разлика дали барате огнена страст или сензуална интимност, разбирањето на астролошките особини на вашиот партнер може да го однесе вашиот љубовен живот на нови височини.
Овие четири хороскопски знаци се познати по своите извонредни вештини во областа на интимноста:
1. Шкорпија
Шкорпиите се олицетворение на интензитет и страст. Со ненаситен апетит за задоволство ги оставаат без здив партнерите со своите заводливи вештини.
Нивната магнетна привлечност ги вовлекува другите во нивната мрежа на желби, каде што секој нивни допир го разгорува пламенот на страста. Во спалната соба Шкорпиите се бестрашни истражувачи, кои не се плашат да се нурнат во најдлабоките зони на интимност. Нивната интуитивна природа им овозможува да ги разберат желбите на партнерот создавајќи врска што го надминува физичкото.
2. Лав
Лавовите зрачат со самодоверба и во и надвор од спалната соба. Со својата магнетна харизма и енергија тие ги освојуваат партнерите со својот разигран и авантуристички дух. Лавовите сакаат да бидат во центарот на вниманието, а нивниот ентузијазам за задоволство нема граници. Во спалната соба тие зрачат со страст и креативност, а секоја средба ја претвораат во возбудлив спектакл. Со Лавовите очекувајте огномет и незаборавно искуство, кое ќе ве натера да сакате повеќе.
3. Бик
Бикот е синоним за сензуалност и уживање.
Како земјени знаци, тие се длабоко поврзани со физичкиот свет и уживаат во задоволствата што ги нуди. Бикот одлучно пристапува кон интимноста уживајќи во секој момент и препуштајќи им се на пофините работи во животот. Во спалната соба тие се внимателни љубовници, кои одвојуваат време да ја истражат секоја сензуалност и да ги исполнат желбите на партнерот. Со Бикот очекувајте фантастично искуство во креветот.
4. Вага
Вагите се мајстори за хармонија и рамнотежа. Со нивното шармантно однесување и силно чувство на емпатија тие без напор се поврзуваат со своите партнери на длабоко емотивно ниво. Во спалната соба Вагите им даваат приоритет на комуникацијата и заедничкото задоволство и создаваат безбедна и стимулативна средина за истражување. Тие се внимателни љубовници, кои секогаш се трудат да создадат чувство на хармонија и поврзаност што ја надминува физичката област.
Забава
Воз во Јапонија задоцнил 17 минути
Во Јапонија времето се почитува до тој степен што ако (по некое чудо) воз доцни неколку минути, патниците веднаш добиваат формално извинување.
Од Централната железничка компанија соопштуваат дека возот навреме пристигнал во Токио од Нагоја, но поаѓањето за Осака било привремено прекинато, а причината е повеќе од бизарна.
Имено, персоналот забележал змија од 40 сантиметри како се влече на подот во еден од вагоните.
Повеќе од 600 патници морале да се префрлат во друг воз бидејќи Шинкансен бил исклучен од мрежата, а змијата подоцна била фатена.
Властите истражуваат како таа завршила во возот.
„Тешко е да се замисли дека змија ќе влезе во вагон на една од станиците. Имаме правила, кои забрануваат внесување диви животни. И покрај ова, ние не го проверуваме багажот на патниците“, беше соопштено.