Забава
Новиот „Џејмс Бонд“ ќе претрпи промени во последна минута
Долго време го чекаме враќањето на Даниел Крег како Џејмс Бонд, кој последен пат се појави во улога на тајниот агент 007 во Spectre („Спектре“) во 2015 година. Сега сме на три месеци од излегување на новото продолжение со наслов No Time to Die („Нема време да се умре“).
Но, работите сè уште може да се променат во процесот на правење на филмот. Ханс Цимер во No Time to Die наводно е донесен како нов композитор, односно автор на музиката за филмот.
Германскиот композитор и оскаровец Ханс Цимер ќе го замени Ден Ромер за кого во јули 2019 година беше најавено дека ќе биде автор на музиката за филомот.
Њујоршки „Варајати“ (Variety) објави дека Ромер бил разрешен минатиот месец од страна на „Еон продукција“ – продукциската компанија која стои зад филмовите за Џејмс Бонд – поради креативни разлики и Цимер сега презема одговорност за музичката страна на нештата.
Меѓутоа, имајќи предвид дека No Time to Die е на три месеци од светската премиера, а и дека Ханс Цимер е зафатен со други филмови, како, на пример, Wonder Woman 1984 и Top Gun: Maverick, њујоршки „Варајати“ навестува дека тој ќе добие одредена помош за да се осигури дека филмот ќе излезе на време. За тоа да се случи, музиката, најверојатно, ќе треба да се заврши до средината на февруари, па така тој би можел да ги ангажира поранешните соработници Бенџамин Волвиш („Блејд ранер 2049“, „Скриени фигури“) или Лорн Белф („Невозможна мисија 6“, „Тајните војници од Бегази“) да му помогнат.
Под претпоставка дека сите овие информации се точни, тогаш ова ќе биде првпат во историјата на овој филмски серијал еден композитор да е заменет за време на постпродукција. Што се однесува до филмовите за Бонд во ерата на Даниел Крег, Дејвид Арнолд се справуваше со постигнување на должностите за „Казино Ројал“ и „Квантум на Солас“, а Томас Њуман за „Скајфол“ и „Спектре“.
Новиот филм од серијалот за англискиот таен агент Џејмс Бонд со наслов No Time to Die („Нема време да се умре“) во кој Даниел Крег се појавува во улогата на агентот 007 ќе се појави во киносалите за неколку месеци.
Својата светска премиера ќе ја има на 3 април во Лондон како што е традиција – сите премиери на овие филмови да бидат во главниот град на Велика Британија. Во САД филмот ќе почне да се прикажува од 8 април.
Ликот на тајниот агент со кодирано име 007 и овој пат ќе го толкува Даниел Крег. Тоа ќе биде негово петто по ред појавување во улогата на Џејмс Бонд, но според соопштението на продуцентите – и последно. Уште од сега продуцентите трагаат по нов актер за следните филмови.
No Тime To Die е 25. по ред од овој исклучителен и единствен во историјата серијал од филмови направени за еден ист лик, а кој почна во 1962 година.
Ликот на главниот негативец овој пат го толкува оскаровецот Рами Малик.
Режисерот Кери Џоџи Фуконага во најновиот филм задржува многу од ликовите и актерите од претходниот филм Spectre.
Ликот на шефот на Бонд, М, и овој пат го толкува Ралф Фајнс. Во улогата на секретарката Манипени, пак, ќе се појави Натали Харис, а Бен Варешо ќе биде Q (Кју), експертот за специјалните тајни играчки за агентот 007. Во филмот се враќа ликот на поранешниот агент на ЦИА, Феликс Лајтер, лик што го има во романите на Јан Флеминг, писателот што го има измислено Џејмс Бонд. Во најновиот филм овој лик ќе го игра Џефри Рајт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.