Забава
Овие хороскопски знаци сакаат да патуваат и се вистински авантуристи
Летото е за многумина најзабавното време од годината. Покрај морето и капењето, летните месеци се идеални и за патување и запознавање нови дестинации. Тоа е одлична можност да вкусиме нешто ново и да ги прошириме нашите хоризонти, да запознаеме интересни луѓе и да пробаме различни јадења. Повеќето луѓе сакаат да патуваат барем повремено, но дознајте кои се знаците на кои патувањето им е насушна потреба.
Стрелец
Ова се најголемите авантуристи во зодијакот кои не сакаат долго да се задржуваат на едно место. Тие копнеат по нови искуства, а не им е тешко да патуваат сами бидејќи ќе најдат интересни придружници по пат. Сакаат да посетуваат различни места, но најмногу ги привлекуваат далечните земји и култури. Сакаат вистински да го искусат местото што го посетиле и да ги запознаат обичаите, луѓето, храната и културата.
Водолија
Водолиите се исто така зависни од патување. Не сакаат рутина и досада, па со заминување на пат ќе се обидат да ја разбијат монотонијата на секојдневието. Сакаат да запознаваат други земји и култури, а најмногу се радуваат на нови познанства и интересни разговори. Не ги привлекуваат популарни и нагласени места, туку се поддржувачи на одење на необични и непознати дестинации каде што можат да стекнат уникатни искуства.
Близнаци
Близнаците не поднесуваат досада. Кога се дома, се чувствуваат како нешто да им фали. Сакаат промени, интересни места и нови луѓе, а особено уживаат во посета на знаменитости и музеи кога патуваат. Тие не се поддржувачи на далечни дестинации, па затоа претпочитаат да патуваат почесто, но на пократки релации. Сакаат да посетат што повеќе места и не остануваат на ниту едно предолго за да не им здодее.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хит панталони за пролетва: ги издолжуваат нозете
Широките панталони се идеални за пролетен изглед бидејќи одлично одат со романтични блузи, топови и широки сакоа. А доколку изберете ваков тип на бели панталони, даваат ефект на долги нозе и вита линија.
Широките панталони може да се носат во разни ситуации, од лежерни излегувања до елегантни настани, а тајната на добриот изглед е во нивното комбинирање со соодветни модни парчиња и додатоци. Но, пред сè, треба да ги пронајдете вистинските, модел што ѝ одговара и на вашата фигура.
Моделот со средно висока половина ја истакнува силуетата, а самиот крој создава ефект на долги нозе. Покрај тоа, овој модел на панталони во бела боја е идеален за комбинирање со клучните пролетни трендови.
Совршено се вклопуваат со сандали на потпетици.
Забава
Никол Кидман ги изненади фановите со промена на имиџот
Оскаровката Никол Кидман се пофали со својата промена на имиџот на својот инстаграм-профил.
56-годишната актерка ја покажа својата нова боб-фризура заменувајќи ги препознатливите долги кадрици.
Обожавателите во коментарите го пофалија нејзиниот нов изглед, а многумина напишаа дека актерката изгледа помладо.
„Безвременски“, „Ја сакам твојата коса“, „Време беше“, „Изгледаш фантастично“, се дел од коментарите.
Сепак, имаше и такви што беа разочарани од новата фризура.
„Каде ти се локните?“, „Извини, но воопшто не личиш на себе“, „Никогаш не би помислил дека ова е Никол“, напишале тие.
Забава
Real tribute – симфониски концерт на Тина Тарнер на 1 јуни во Скопје
Ексклузивниот концерт, кој го има пропатувано речиси целиот свет, конечно, и во Македонија.
Рок симфонијата Simply the best, посветена на кралицата на рокенролот и музичката икона Тина Тарнер, ќе биде изведена на 1 јуни во арената „Борис Трајковски“ со повеќе од 40 луѓе на сцената.
Тина Тарнер беше славна по своите бурни, енергични сценски изведби и по моќниот вокал, често нарекувана кралица на рокенролот и музичар што остави неизбришлива трага во светот на музиката, забавата и културата. Неисцрпна инспирација е за многумина, а нејзината важност се чувствува и кај генерациите што доаѓаат.
Присутните ќе имаат можност да уживаат слушајќи ги највлијателните и најпознати хитови, како што се Proud Mary, What’s Love got to do with It, Simply the best, We don’t need another hero и многу други. Добро познатите балади ќе ги разнежнат сите присутни, а брзите ритми ќе ги подигнат сите на нозе, вели организаторот.
Рок-симфонијата е посветена токму на неа, а на неа ќе се изведуваат и песни од бендови, како „Ганс анд роузес“, „Дип парпл“, „Еј-си/Ди-си“, како и познати дуети, кои ја одбележаа светската кариера на Тина. На 1 јуни публиката ќе има можност на еден поинаков начин да ја почувствува енергијата на легендарната Тина.
Тина Тарнер беше една од најголемите рок-пејачки на сите времиња и така и ќе остане запаметена.
Сите оние што сакаат да доживеат ноќ исполнета со многу енергија и страст може уште веднаш да ја купат својата влезница.
Влезниците се пуштени во продажба.