Забава
Оливија Вајлд го откри рецептот за прелив за салата како одговор на наводите на поранешната дадилка
Оливија Вајлд сподели рецепт за прелив за салата откога наводна измислица предизвика кавга меѓу актерката и нејзиниот поранешен сопруг Џејсон Судекис.
Режисерката на „Не грижи се, драга“ (38) рецептот го сподели во „Инстаграм-приказна“ во вторникот вечерта, два дена откако поранешната дадилка откри дека Оливија и Џејсон се скарале кога тој сфатил дека го подготвила нејзиниот „специјален прелив за салата“ за сегашното момче Хари Стајлс.
Оливија го сподели во форма на извадок од романот Heartburn на Нора Ефрон, авторката на „Кога Хари ја запозна Сали“, за кој се смета дека е верзија на нејзината разделба од поранешниот сопруг и познат новинар Карл Бернстин.
Рецептот за винегрет од црвено вино вклучува сив пупон-сенф, црвен вински оцет и маслиново масло и е речиси идентичен со оној што Оливија претходно го сподели со Food Network (мрежа за храна) како дел од инструкциите за тоа како да се приготви салата од печен лосос со тиквички и компири – иако во нејзината верзија додаде мед, кошер-сол и ситно сечкано чешне лук.
Оливија и Џејсон во понеделникот објавија заедничко соопштение во кое ја критикуваа поранешната дадилка на нивните деца за „лажни и злобни обвиненија“.
Тие возвратија кога нивната поранешна дадилка – која работеше кај нив повеќе од три години – даде интервју за „Дејли мејл“, во кое таа упати низа обвинувања, вклучително и едно за однесувањето на Џејсон во време на распадот на бракот со Оливија и рече дека тој ја отпуштил.
Поранешната двојка изјави за „Пејџ сикс“: „Како родители, неверојатно е вознемирувачки да дознаеме дека поранешната дадилка на нашите две мали деца се реши јавно да упатува такви лажни и злобни обвинувања за нас“.
Оливија и Џејсон исто така ја обвинија дадилката за „18-месечна кампања на вознемирување на саканите, блиските пријатели и на колегите, а со ова го достигнала својот врв“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.