Забава
Поранешна асистентка на Харви Вајнштајн открива детали од договор за тајност што го потпишала откако го обвини за сексуален напад
Ровена Чиу повеќе не се плаши од Харви Вајншајн и неговите поданици.
Поранешната асистентка реши јавно да дискутира за наводната опседнатост со секс на посрамениот холивудски продуцент. Од нејзиниот дом во Северна Калифорнија, таа изјави за „Варајати“ дека не ѝ е грижа за кршење на договорот за доверливост бидејќи Вајнштајн во моментов има „поголеми проблеми“, алудирајќи на затворската казна.
Ровена е свесна дека постои ризик да биде тужена секој пат кога зборува за денот кога наводно Вајнштајн ја турнал во кревет и ѝ ги искинал хулахопките. Затоа таа сега работи за промена на законската регулатива во врска со постапување по жалби на вработени и договорите за неоткривање податоци по покренување жалби.
Ровена објаснува дека таа не го смета само Харви одговорен за неговите постапки, туку „системот што го овозможува ваквото однесување“.
Асистентката на поранешниот холивудски продуцент, која работела во неговата продукциска куќа Мирамакс, инсистирала тој да оди на сексуална терапија како дел од правниот документ – договор за неоткривање на информации (NDA) – што таа морала да го потпише кога го обвини за сексуален напад во 1998 година.
67-годишниот филмски магнат служи затворка казна од 23 години. Судот во Њујорк во март годинава го прогласи виновен за сексуален напад и силување.
Со откривање на содржини на изјавата за доверливост која таа ја има потпишано, Ровена директно ги прекршува условите на документот, но не мисли дека Вајнстин ќе „троши време или пари“ да ја тужи бидејќи тој сè уште има други судски предмети на кои треба да присуствува.
„111 жени проговорија против него, тој веќе беше на судење во Њујорк и му претстои уште едно судење во Лос Анџелес. Секако дека нема да троши време или пари да ме тужи. Јас неман пари, па што е поентата да ме тужи?“ вели Ровена во интервју за „Варајати“.
Таа тврди дека се борела за да се стават неколку клаузули во договорот што ќе помогнат во заштитата на идните вработени во „Мирамакс“, вклучително и барањето Вајнштајн да оди на сексуална терапија, како и промена на начинот на постапување со жалбите на вработените во компанијата.
Таа објасни: „Луѓе како Харви мора да одат на сексуална терапија, тој мора да признае дека има зависност од секс.“
„А тука се и корпорациите, тие конечно треба да го сменат начинот на постапување по жалби на вработените,“ вели таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мрачните страни на секој од хороскопските знаци
Секој хороскопски знак носи своја темна страна која може да биде предизвик, но нуди и можност за личен раст и развој. Разбирањето и прифаќањето на овие помалку светли аспекти на нашите астролошки профили може да ни помогне да станеме подобри верзии на себе.
Што се крие во сенката на секој хороскопски знак.
Овен: Импулсивност и агресивност
Овните се познати по својата храброст и енергија, но нивната импулсивност може да ги доведе во неволја. Тие се склони кон ненадејни реакции и понекогаш агресивно однесување кога работите не одат според нивниот план.
Бик: Посесивност и материјализам
Бикот ја цени сигурноста и удобноста, што може да ги доведе до прекумерна посесивност и материјализам. Тие имаат тенденција да акумулираат имот до тој степен што може да ги задуши другите аспекти од нивниот живот.
Близнаци: Неконстантност и дволичност
Близнаците се прилагодливи и комуникативни, но нивната способност да ги гледаат работите од различни перспективи може да ги направи непостојани, а понекогаш и со две лица, збунувајќи ги оние околу нив.
Рак: Преосетливост и манипулативност
Раковите се исклучително емотивни и сочувствителни, но нивната пречувствителност може да ги доведе до емоционална манипулација со цел да го заштитат своето ранливо срце.
Лав: Егоизам и доминација
Лавовите се родени како лидери и сакаат да бидат во центарот на вниманието, но нивното его може да прерасне во себичност и потреба да доминираат, што може да ги отуѓи другите.
Девица: Перфекционизам и критичност
Девиците се познати по тоа што се методички и аналитички настроени, но нивниот перфекционизам може да доведе до парализа на анализата и прекумерна критика кон себе и кон другите.
Вага: Неодлучност
Вагите се стремат кон хармонија и рамнотежа, но нивната потреба да им угодат на сите може да резултира со неодлучност. Исто така, нивната фасцинација со убавината може да ги наведе да прават површни проценки на луѓето и ситуациите.
Шкорпија: Опсесивност и одмаздољубивост
Шкорпиите се интензивни и страсни, но нивните длабоки емоционални вложувања можат да станат опсесивни. Кога се повредени, можат да бидат крајно одмаздољубиви.
Стрелец: Непромисленост и тактичност
Стрелците се познати по својата искреност и оптимизам, но нивната директност може да биде непромислена и да ги повреди другите. Исто така, нивната желба за слобода може да ги доведе до неодговорно однесување.
Јарец: Песимизам и непопустливост
Јарците се дисциплинирани и амбициозни, но нивната тенденција да го гледаат светот црно-бело може да ги направи песимисти и крајно непопустливи.
Водолија: Отсуство и студенило
Водолиите се иновативни и неконвенционални, но нивната потреба за индивидуалност може да ги направи емотивно отсутни и ладни, што го отежнува градењето длабоки врски.
Риби: Се жртвуваат и бегаат од реалноста
Рибите се сочувствителни и интуитивни, но нивната тенденција да се жртвуваат за другите може да ги истроши. Исто така, нивната желба да избегаат од реалноста може да ги доведе до нездрави облици на бегство.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.