Забава
Почина најстариот човек на светот, имаше 123 години
Апаз Илиев, кој тврдеше дека е најстариот човек во светот, почина на возраст од 123 години. Тајната на долгиот живот на Апаз е млекото и изворска вода, а јадел исклучиво зеленчук од неговата градина. Тој спиел најмалку 11 часа на ден, избегнувал да гледа телевизија и не пушел.
„Доживеа промени на епохи и генерации, исчува осум деца, 35 внуци и повеќе од 20 правнуци. Тој секогаш беше љубезен човек кој го сакаше животот, во што се уверив повеќепати кога се сретнувавме”, напиша Јунус-бек Јевруков(55), претседател на Република Ингушетија, во рамките на Руската Федерација.
Апаз работел од својата седма година и започнал како овчар. Во Руската граѓанска војна (1917-1922) се борел за Црвената армија, а кога започнала Втората светска војна мислел дека е премногу стар за да се бори како 45-годишник.
Пред крајот на војната Сталин со други ингуши и чеченци го протерал во Казахстан, каде што живеел многу сиромашно.Тој исто така бил возач на трактори, па така ја запознал неговата сопруга, која исто така возела трактори, а која почина во 2014 година.
Тајната на неговиот долг живот е избегнување телевизија. Тој не пиел и не пушел, ниту, пак, одел на лекар, освен кога на возраст од 121 година имал операција. Јадел свеж зеленчук од неговата градина. Пиел само млеко и изворска вода и спиел најмалку 11 часа на ден.
Тој, наводно, ги имал сите негови природни заби. Доколку неговите документи биле сочувани, тој би го надминал Јаронецот Џиромон Кимура, кој почина на 116 години и 54 дена.
Но, вака овој случај нема да биде запишан во Гинисовата книга на рекорди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.