Забава
Принцезата Шарлин е подготвена да се врати дома, вели принцот Алберт
Среде многуте шпекуции во врска со стабилноста на нивниот брак, принцот Алберт од Монако даде интервју за продолжениот престој на неговата сопруга во Јужна Африка и кога очекува таа да се врати.
„Тајмс“ објави претходно оваа недела дека во Франција, соседот на Монако, се појавија шпекулции за наводен крај на бракот на суверенот на кнежеството, принцот Алберт, и неговата сопруга, принцезата Шарлин, родена во Зимбабве. Весникот пишува дека со недели таблоидите и весниците шпекулираат дека нивниот брак е пред распаѓање.
Наспроти шпекулциите, принцот Алберт постави солиден фронт и за магазинот „Пипл“ рече дека принцезата Шарлин е желна да се врати дома и се надева дека ќе може да го стори тоа порано од очекуваното. Тој возврати на извештаите кои сугерираат дека брачните проблеми – а не здравствените – ја држат настрана.
Интервјуто доаѓа по веста дека Шарлин е во стабилна состојба откако во средата вечерта била итно префрлена во болница на северниот брег Квазулу-Натал. Фондацијата на принцезата Шарлин соопшти: „Нејзиното Височество принцезата Шарлин од Монако беше итно пренесена во болница со амбулантна кола доцна во средата навечер, откако колабираше поради компликации од тешката инфекција на увото, носот и грлото, од која се зарази во мај. Нејзиниот медицински тим потврди дека принцезата е стабилна.“
Принцот Алберт и принцезата Шарлин последен пат беа јавно видени заедно во Монако на 26 јануари. Два месеца подоцна Шарлин замина за Јужна Африка, нејзината родна земја, каде што беше шампионка во пливање пред да се вљуби во Алберт за време на Олимпијадата во Сиднеј во 2000 година – што доведе до брак една година подоцна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кристофер Нолан и неговата сопруга Ема ќе добијат почесни титули витез и дама
Британскиот режисер Кристофер Нолан и неговата сопруга и продуцентка Ема Томас ќе добијат почесни титули витез и дама за нивните заслуги во филмската уметност.
Признанието за нивните заслуги доаѓа по наградуваниот филм „Опенхајмер“ за таткото на атомската бомба. Филмот освои седум „Оскари“ оваа година, од кои две освои Нолан. Тој претходно беше номиниран за шест награди „Оскар“ за преиспитување важни работи во својот филмски опус, но никогаш не доби „Оскар“ за режија сè до годинешната награда.
Нолан беше номиниран за истата награда за филмовите Memento, Inception и Dunkirk.
Со текот на годините Томас работеше со Нолан на сите негови главни филмови, од 2020 година.
Нолан и Томас се запознале на Универзитетскиот колеџ во Лондон, а моментно ја водат продуцентската компанија „Синкопи“.
Титулите витез и дама се доделуваат на церемонија во Бакингемската палата во присуство на кралот, но Чарлс во моментот не ги извршува своите должности поради болест. Листата со препораки за награди ја состави британскиот премиер Риши Сунак.
Забава
„Тој се откажува од барањето за старателство“: судската битка на Анџелина и Бред е при крај
Годинешната битка за развод на Бред Пит и Анџелина Џоли, конечно, привршува. „Дејли Ммл“ дознава дека актерот се откажал од барањето за заедничко старателство над нивните деца.
Извор за „Дејли Мејл“ изјавил дека парот, кој од 2016 година води битка за старателство на суд, моментно се во преговори и, конечно, се поблиску до ставање крај на правната драма.
Иако Бред првично бараше заедничко старателство над нивните деца, извор сега тврди дека актерот повеќе не го бара тоа. Тоа значи дека Анџелина ќе го задржи старателството над децата, а тој ќе има право на посета.
Голем фактор во таа одлука е што некои од децата сега се возрасни. Медокс има 22, Пакс 20, а Захара 19. Шилон (17), Нокс и Вивиен (15) сè уште се малолетни. Се верува дека постарите деца имаат лоши односи со Бред и бидејќи се возрасни во очите на законот, тие веќе не се опфатени со никакви аранжмани за старателство.
Захара неодамна јавно се откажа од презимето на татко ѝ, а на Денот на таткото во 2020 година Пакс го нарече Бред „куче од светска класа, кој ги тера неговите четири најмали деца да треперат од страв“. „Ги претвори животите на моите најблиски во пекол“, напиша и додаде:
„Можеш да си кажеш себеси и на светот што сакаш, но вистината еден ден ќе излезе на виделина“.
Забава
Најопасните години од животот за секој хороскопски знак
Кои се најнестабилните фази во животот на сите хороскопски знаци и како да ги преживеете? Со помош на ѕвездената карта, сите знаци на зодијакот можат да се подготват навреме и да спречат непоправливи грешки кои се лесно можни во годините кои претставуваат пресвртница во нивните животи.
Астрологијата открива кои се најопасните години од животот
Овен
Речиси непробојниот Овен ризикува да изгуби самоконтрола на 19, 35 и 66 години. Во текот на овие значајни временски периоди, мора да одржувате критичка перцепција и емоционална флексибилност, тогаш сè ќе работи во ваша корист. По 45, типичен Овен ќе започне нов животен циклус, оставајќи ги зад себе сите пречки и таги од минатото.
Бик
За далекувидниот и одговорен Бик „фаталните пресвртници“ практично не се ни забележливи. Единствено на што треба да внимавате се промените кои се случуваат на 21, 27 и 38 години. Нерационалниот страв од новото и непознатото може да ве забави и блокира, а тоа не ви треба. Оди напред смело.
Близнаци
Штитениците на Меркур треба да обрнат внимание на датумите на годишнината. На 20 години ќе им биде тешко на многу Близнаци – во овој момент судбината почнува да ве тестира, искушувајќи ве на сите можни начини. Но, други тркалезни датуми ветуваат духовен напредок и материјален просперитет.
Рак
Соништата и надежите по правило се нереални – еве што ќе ги мачи типичните Ракови до 31 година. Нема потреба од очај, веќе на 35 години на вашиот животен хоризонт ќе се појават сосема опипливи перспективи. Главната работа е да не паднете во очај пред да наполните 40 години, а потоа кога ќе наполните 50 години, ќе се заблагодарите на судбината за многу благослови.
Лав
Лавовите се предодредени за многу пресвртни точки. Ќе мора да покажете волја на 22, 33, 36, 49, 55 и 76 години. Во исто време, секој успешно положен тест за сила ќе ви овозможи нови можности и дополнителни вештини.
Девица
Брзи подеми и болни падови ги чекаат типичните Девици на 17, 22, 24, 33, 44 и 48. Ова најмногу ќе се однесува на работата и финансиите. Но, по 55 години, многу претставници на знакот ќе се најдат на врвот на успехот и задоволството.
Вага
Опасните периоди на животот за Вагата паѓаат на 17, 24, 33, 40 и 48 години. Многумина ќе мора да го преиспитаат својот стил на комуникација за да избегнат проблеми и да преминат на следното ниво.
Шкорпија
Најопасните години од животот за Шкорпиите се 25, 34, 45 и 60. Во овие периоди, Шкорпиите очајно ќе се борат со самите себе, а внатрешната битка ќе се покаже како најтешкиот тест на судбината.
Стрелец
Стрелецот ќе мора да помине низ неколку животни лекции за да ја пронајде внатрешната рамнотежа и да ја пронајде вистинската смисла на животот. Подгответе се за ударите на судбината на 19, 33, 37, 39 и 50.
Јарец
За типичен Јарец, клучните пресвртници се поврзани со детството и староста: 8, 11, 15, 47, 51, 55, 61 и 79 години. Но, поголемиот дел од свесниот живот за конзервативните и одговорни претставници на знакот ќе биде стабилен.
Водолија
Водолијата во 12, 22, 24, 32, како и во 48 и 50 ја очекуваат судбоносни средби, познанства и настани. Главната работа не е да се заборави чувството за такт и барем малку дисциплина.
Риби
Различни изненадувања ќе се појават во личниот живот и професионалната сфера на Рибите на 13, 15, 25, 30 и 37 години. Дефинитивно е невозможно да се остане смирен на оваа возраст.