Забава
Турнејата на Мишел Обама кога ја промовира својата автобиографија стана документарец
Промовирањето на Мишел Обама на својата автобиографија со наслов „Becoming: Мојата приказна“ – најпродаваната книга за 2018 година – се претвори во документарен филм за „Нетфликс“.
„Becoming, поглед зад сцената на турнејата во 34 града на поранешната прва дама, ќе почне да се прикажува на 6 мај“, се вели во соопштението на „Нетфликс“, објавено во понеделникот.
Документарецот е дел од договорот од 2018 година помеѓу „Нетфликс“ и продуцентската компанија Higher Ground, формирана од поранешниот американски претседател Барак Обама и неговата сопруга за изработка на содржини за стриминг-платформи.
Турнејата во 2019 и 2020 година вклучуваше јавни настани на големи концертни стадиони во САД и Европа, каде што Мишел Обама разговараше со публиката, како и изјави на Сара Џесика Паркер, Гејл Кинг и Стивен Колберт.
„Тие месеци што ги поминав патувајќи – средби и поврзување со луѓето во градовите од целиот свет – ја донесоа дома идејата дека она што го споделуваме заеднички е длабоко и реално и дека никој не може да си поигра со тоа“, рече Обама.
Авобиографската книга, во која Обама пишува за мајчинството, политиката и пронаоѓањето на нејзиниот глас, е продадена во повеќе од 10 милиони примероци.
„Becoming: Мојата приказна“ урива рекорди во светски рамки и е на пат да станe најуспешна книга во поновата издавачка историја, оценуваат светските медиуми и додаваат дека книгата, која беше промовирана во ноември 2018 година, бргу стана бестселер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кралицата Камила откри како се чувствува Кејт Мидлтон после се
Кралицата Камила проговори за принцезата од Велс за прв пат по нејзината дијагноза рак. 76-годишната жена го посетила Шрусбери каде запознала две млади сестри кои донеле цртежи украсени со срца и цвеќиња за Кејт.
10-годишната Хариет и шестгодишната Лоис Вотерстон ја прашале кралицата дали ќе и ги даде на принцезата, на што таа одговорила да. „Знам дека Кетрин е преплавена од сите со добри желби и поддршка“, им рекла таа, според People.
Едно од девојчињата се извини бидејќи мислеше дека нејзиниот цртеж е малку неуреден. „Жал ми е што е стуткано“, но Камила застана до неа и ѝ рече дека внимателно ќе ги носи и ќе се погрижи Кејт да знае од кого доаѓаат цртежите.
Забава
Хајди Клум: Лута сум на Софија Вергара поради Гризелда
Хајди Клум изјави за Entertainment Tonight дека е лута на колешката, судијката на America’s Got Talent, Софија Вергара, затоа што актерката не успеала да и даде улога во нејзината нова серија на Нетфликс, Гризелда.
„Бев вознемирена, па ја прашав: „Зошто не можев да бидам една од твоите роднини? Можев да бидам братучетка што не зборува, бидејќи очигледно не зборувам шпански“, рече 50-годишниот легендарен, германски модел.
Да потсетиме, биографската криминалистичка драма Гризелда за кумата на кокаинот, озлогласената нарко шефица Гризелда Бланко ги маѓепса гледачите ширум светот.
Забава
Алберт од Монако проговори за сопругата: „Многу е вознемирена поради тоа што се пишува“
Принцот Алберт од Монако во ново интервју, по повод неговиот 66-ти роденден, изјави дека неговото семејство и јавноста го поддржале откако поранешен сметководител го обвини за финансиски неправилности. Сепак, тој призна дека неговата сопруга, принцезата Шарлин, е многу вознемирена поради се.
Принцот Алберт зборуваше за Paris Match два месеци откако сметководителот Клод Палмеро откри дека личните трошоци на Шарлин скокнале на повеќе од 1 милион евра годишно.
„Шарлин беше многу вознемирена и тажна поради одредени работи кои излегоа во медиумите. Се поддржувавме еден со друг. Таа се врати на многу нејзини активности, презема повеќе јавни ангажмани, на општо задоволство на сите“, рече тој.
Протечените документи го обвинуваат и кралското семејство дека вработува илегални имигранти. Палмеро (67) беше задолжен за финансиите на кралското семејство повеќе од две децении, но се повлече во јули.
Принцезата Шарлин ја нарекуваат „најтажната принцеза на светот“ затоа што речиси никогаш не се насмевнува во јавност. Нејзиниот брак со Алберт често се зборуваше дека е во криза, но парот продолжува да се појавува заедно во јавноста.