Забава
Џоли бара изземање на приватниот судија што го надгледува разводот со Пит
На повидок е една од најдолгите бракоразводни битки во историјата на Холивуд бидејќи станува очигледно дека сагата за Бранџелина е далеку од готова.
Во понеделникот Анџелина Џоли побара приватниот судија што го надгледува нејзиниот развод од Бред Пит да биде изземен од случајот поради неоткривање негови деловни односи со еден од адвокатите на Пит.
Во поднесокот до судот во Лос Анџелес, Џоли тврди дека судијата Џон В. Оудеркирк треба да биде изземен од случајот со разводот што таа го поднесе во 2016 година. Актерката вели дека судијата многу одолжувал и доцнел бидејќи бил ангажиран за други случаи од страна на адвокатката на Пит, Ани Кили.
Во поднесокот стои дека за време на бракоразводната постапка на Џоли – Пит, Оудеркирк не открил дека работи на случаи што демонстрираат врски помеѓу судијата и бранителот на другата страна. Таа смета дека ова е судир на интереси.
Пит и Џоли, како и многу други парови од висок профил, плаќаат за приватен судија во случај на развод со цел да останат запечатени сите лични финансиски податоци, иако некои правни потези мора да се направат во рамките на вообичаена судска процедура.
Џоли потенцира дека приватниот судија мора да ги следи истите правила на откривање и конфликт на интереси исто како и другите судии.
Најновиот пресврт во формалното финализирање на разделбата доаѓа по вестите во таблоидите дека односите помеѓу некогаш најпопуларниот пар во Холивуд се подобруваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.