Забава
Џон Бон Џови соработува со фановите за нова песна за коронавирус
Рок-ѕвездата неодамна сподели видео во кое говори за својот најнов музички проект, Do What You Can.
Во четириминутниот клип Џон Бон Џови објаснува дека тој веќе го напишал првиот стих и рефренот на сè уште недовршената песна.
„Кога не можете да го правите она што го правите/правете тоа што можете/Ова не е моја молитва/Ова е само мисла што сакам да ја испратам/Сега сме наведнати, но нема да потклекнеме/Кога не можете да го направите тоа што го правите/вие го правите она што можете“, пее тој во рефренот.
Насловот на песната очигледно се однесува на натписот на фотографија на која се гледа како фронтменот Бон Џови мие садови во ресторанот JBJ Soul Kitchen во неговиот роден град Њу Џерси. Во овој ресторан нема ценовник, а гостите плаќаат онолку колку што можат. Ресторанот е отворен во поранешна продавница за автоделови, а наменет е за сиромашните луѓе.
58-годишниот музичар ги повика фановите да го пополнат вториот стих на песната со свои приказни, и воедно ги повика да му кажат низ што минуваат среде глобалната пандемија на коронавирус.
„Кажете ми како се чувствувате, дали ви е тешко. Кажете ми за матурата што ќе биде откажана…за матурската вечер што можеби ќе ја немате, кажете ми за бебето што доаѓа а вие не можете ништо да сторите во овој момент. Кажете ми за платата што ја губите, за вашите стравувања…за тоа дека се плашите додека гледате од вашиот прозорец и се прашувате што да направите. Само запомнете, ние ќе го пребродиме ова“, додава тој.
Покрај тоа што работи на Do What You Can („Прави што можеш“), рокерот од Њу Џерси се подготвува за издавање на 15. студиски албум на неговиот бенд, насловен Bon Jovi 2020, кој треба да излезе на 15 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.