Забава
10 најпреценети филмови според „Дигитал трендс“
Има филмови што се сметаат за култни. Некои од нив го оправдуваат тој статус, и кога ќе седнете да ги гледате, ќе сфатите и зошто. „Кум“ навистина е добар како што сите велат дека е. „Казабланка“ можеби е стар 80 години, но сепак е една од најголемите љубовни приказни некогаш снимени, пишува „Дигитал трендс“, кој направи листа со 10 најпреценети филмови на сите времиња.
Сепак, понекогаш филмовите добиваат репутација што не ја заслужуваат целосно. Можеби се добри, но не се врвни како што некои сметаат.
Ова е листата на „Дигитал трендс“ на 10 прилично преценети филмови:
10. „Кошмар пред Божиќ“ (1993)
Стоп-моушн анимацијата во „Кошмарот пред Божиќ“ е чудо, а поради прецизниот дизајн на филмот, повеќето луѓе сè уште го сметаат за класика. Сепак, она на што повеќето луѓе не обрнуваат внимание се вистинските ритми на приказната, кои главно се многу предвидливи.
9. „Волшебникот од Оз“ (1939)
Генерално омилен филм, кој содржи голем број музички класици, „Волшебникот од Оз“ е малку досаден и конвенционален според современите стандарди. Неговите дизајнерски елементи се извонредни, но многу е тешко да се влезе во филм, без да се знае што ќе се случи.
Џуди Гарланд е навистина слатка како Дороти, но магијата на филмот не е толку волшебна како некогаш. Тоа е убава приказна и можеби е одлична за децата денес, но веројатно ќе откриете дека не е ремек-делото на кое се сеќавате.
8. „Клуб за појадок“ (1985)
Приказната на Џон Хјуз за петмина тинејџери од разни општествени кругови, кои се принудени заедно во саботен притвор, можеби додаде вистинска патос во животите на тинејџерските ликови, но тоа е уште еден филм кој се чини дека е подобар поради она што следуваше по него.
7. „Американски снајперист“ (2014)
Иако можеби беше феномен кога беше објавен, American Sniper не старееше многу добро. Најтрајната слика на филмот на интернет е веројатно Бредли Купер како држи лажно бебе.
Вистинската приказна на филмот, која се фокусира на најсмртоносниот снајперист во американската историја, се комплицира со прикажување разни противници од Блискиот Исток и со општиот пристап кон траумата што се обидува да ја разоткрие. Можеби беше хит во кината, но овој филм не е направен да трае.
6. „Говорот на кралот“ (2010)
Овој добитник на „Оскар“ за најдобар филм се смета за преценет уште од моментот кога ја доби златната статуетка и во голема мера ја заслужи таа репутација.
Филмот за кралот Џорџ Шести, кој се искачува на тронот и се бори да ја надмине говорната мана, во одредени моменти е смешен и трогателен, но изгледа разводнет. Колин Фирт е навистина одличен во главната улога, но во целина „Говорот на кралот“ е конвенционална приказна за победа над неволјите, а во фокусот е човек што, всушност, нема многу неволји што треба да ги надмине.
5. „Замрзнати“ (2013)
Овој филм беше вистински феномен по објавувањето во 2013 година, делумно поради успехот на песната Let It Go, но навистина не е толку добар. Анимацијата веќе изгледа застарена и додека повеќето од песните се прилично добри, искривенатаст руктура на филмот е поочигледна при повторено гледање.
4. „Возејќи ја госпоѓицата Дејзи“ (1989)
„Возејќи ја госпоѓицата Дејзи“ беше актуелен во 1989 година и иако освои „Оскар“ за најдобар филм, тоа навистина не помогна на неговата репутација. Филмот зборува за богата постара жена, која има предрасуди кон Афроамериканците и завршува со таков возач.
Додека двајцата се поврзуваат, почнуваат подобро да се разбираат и сфаќаат дека сепак толку не се разликуваат.
3. „Борачки клуб“ (1999)
Fight Club постигна култен статус веднаш штом се појави во кината и тоа е филм што некои луѓе го сфаќаат многу сериозно, а други го третираат како сатира, каков што првично требаше да биде. За жал, филмот не функционира толку добро како сериозен филм или сатира и завршува во ничија земја негде помеѓу.
Бред Пит е оправдано фален како Тајлер Дарден, но многу од она за што е Fight Club во денешно време изгледа бесмислено штом ќе сфатите што навистина се случува.
2. „Форест Гамп“ (1994)
Можеби најзбунувачкиот феномен на сите времиња, „Форест Гамп“ е филм за носталгија на бебе-бум, кој излезе токму во вистинско време.
Форест е во интеракција со голем број главни историски фигури во овој сеопфатен еп, но специфичниот американски дух на филмот и ирационалната омраза кон хипиците го прават многу попросечен денес отколку што можеби бил во своето време. Том Хенкс е одличен, но „Форест Гамп“ е досаден и сентиментален без причина.
1. „Слепата страна“ (2009)
Сандра Булок е речиси секогаш одлична, но дури и таа не може да го спаси овој филм од сите клишеа што на крајот го голтаат. Филмот ја раскажува вистинската приказна за Мајкл Охер, момче бездомник посвоен од богато семејство од југот и на крајот станува ѕвезда на американскиот фудбал. Инспиративен, но исто така прилично досаден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бесплатна тетоважа за Пленковиќ; сопственикот на салонот: Ме повикуваат од сите страни
За само еден ден на социјалните мрежи урнебесно се прошири најавата за тетовирање во Пожега. Тие напишаа дека нудат бесплатна тетоважа за Андреј Пленковиќ и покажаа како би изгледала.
Многумина можеби мислат дека ова е добра шега среде избори – но не е. Згора на тоа, сопственикот на салонот за „Индекс“ изјави дека многу луѓе веќе се јавиле за термин.
„Понудата е повеќе од сериозна, што е поткрепено со големиот одѕив на споменатата објава. Ме повикуваат од сите страни. Во мојата долгогодишна работа истетовирав многу личности, а сега решив да направам една тетоважа подарок, со оглед на тоа дека изборите се актуелни“, објасни сопственикот на првото и најстаро студио за тетовирање во Пожега.
View this post on Instagram
Сепак, признава, настанал проблем што повеќе луѓе се пријавиле за тетоважа – многу повеќе отколку што очекувал.
„Ќе треба да подготвам неколку верзии на тетоважата. На пример, лут Пленковиќ, среќен, загрижен Пленковиќ, Пленковиќ во разни пози, варијации во боја или црно-бело“, додал сопственикот, кој, изгледа, ќе има многу повеќе работа овие денови отколку што се надеваше.
„Постојано правам некоја игра со акција или подарок, но овој одговор ме изненади“, заклучил тој.
Забава
Бјелогрлиќ ги откри деталите од третата сезона на „Сенки над Балканот“
Третиот циклус од популарната серија „Сенки над Балканот“, која публиката долго време ја чекаше со големо нетрпение, е во фаза на пишување, а како што најави режисерот и актер Драган Бјелогрлиќ, снимањето ќе почне кон крајот на летото.
Драган Бјелогрлиќ и неговиот тим соработници интензивно работат на сценариото за третата сезона на една од најпопуларните серии на нашите простори – „Сенки над Балканот“, а овој пат актерската екипа ќе ја комплетираат Нина Јанковиќ, Милан Мариќ и Милош Биковиќ во Јосип Броз Тито, пишува Nova.rs.
„Во моментот пишуваме. ‘Сенките’ се многу тежок проект за мене, но страшно инспиративен“, почна Бјелогрлиќ опишувајќи го процесот на создавање:
„Многу се плашам кога влегувам во процесот на пишување, а по процесот на снимање и сѐ друго толку ме обземаат ‘сенките’, што веќе не можам да правам ништо друго и да се занимавам со ништо. Веќе сум на возраст кога би сакал да живеам малку поопуштено, затоа и го одложив. Сепак, влеговме во процесот на пишување, ја напишавме целата приказна, првите две епизоди се завршени, сега ја пишуваме третата. Се надевам дека сѐ ќе биде готово до август и дека снимањето ќе почне во текот на август, дека ќе завршиме до Нова година и дека ќе се емитува напролет“.
Во серијата , покрај стандардните ликови, ќе бидат и Милан Мариќ, Нина Јанковиќ и Милош Биковиќ, а Драган Бјелогрлиќ го откина временскиот период што ќе се прикажува во третиот циклус од популарната серија.
„Имаме работа со периодот од 1939 година, приказната почнува кога Милан Стојадиновиќ распишува избори, тоа беа многу важни избори на кои победи, но не дојде на власт, го наследи принцот Павле. Тоа беше многу значајна година кога на сите им беше јасно дека доаѓа голема војна, дека светот нема да изгледа како порано и дека секој има свои планови. Можам да кажам дека една од најголемите мистерии се случува на панината ‘Ртањ“, ги откри деталите режисерот Драган Бјелогрлиќ и ја заинтригира публиката, која со нетрпение го очекува продолжението на популарната серија.
„Во Србија има многу мистицизам. Го избравме ‘Ртањ од друга причина, а ‘Ртањ е интересен поради легендите, по населението што живее таму и верува во секакви работи и затоа што таму имаше некои рудници“.
Дали овој трет циклус ќе ја заврши приказната останува да видиме. Но, едно е сигурно, а тоа е дека сите со нетрпение ја очекуваат новата и возбудлива приказна за своите омилени херои, кои ги толкуваат: Драган Бјелогрлиќ, Андрија Кузмановиќ, Марија Бергам, Наташа Нинковиќ, Небојша Дугалиќ, Ненад Јездиќ, Срѓан (Жика) Тодоровиќ, Горан Богдан, Јована Стоиљковиќ.
Забава
Фустаните на принцезата Дијана изложени во Хонг Конг пред аукцијата
Светложолтата јакна обложена на рамениците и украсена со блескави златни копчиња, која ја носеше принцезата Дијана на патувањето во Хонг Конг во 1989 година, ќе биде една од шесте нејзини парчиња изложени во поранешната британска колонија пред аукцијата закажана за јуни.
Колекцијата на фустани, чевли и чанти на принцезата од Велс е изложена во трговскиот центар во Хонг Конг во следните 12 дена од четврток пред колекцијата да се пресели во Ирска до аукцијата на 27 јуни. Принцезата Дијана, која загина во сообраќајна несреќа во Париз во 1997 година, ја диктираше модата секогаш кога се облекуваше и излегуваше, рече Мартин Нолан, директор на аукциската куќа „Џулиен“ со седиште во Калифорнија.
Познатата јакна од нарциси на дизајнерката Кетрин Вокер би можела да достигне цена од 50.000 долари, а синиот вечерен фустан со ѕвездички би можел да достигне цена од 400.000 долари. Принцезата го носеше овој фустан од дизајнерот Мареј Арбејд на премиерата на „Фантом од операта“ во 1986 година во Вест Енд, Лондон.
Изложени е и вечерната тоалета со свила и тантела од дизајнерот Виктор Еделштајн и цветната тоалета на Кетрин Вокер, што Дијана ја носеше во 1991 година.
Еден од посетителите, 69-годишниот Фунг, се присетува како толпата се насобрала на улиците на Хонг Конг кога Дијана пристигнала во тој град во 1989 година. „Таа беше харизматична, грижлива и посветена на добротворната работа. Затоа е исклучително почитувана во Хонг Конг“, вели Фунг.
Во 2023 година аукциската куќа „Џулиен“ продаде вечерен фустан на принцезата Дијана за рекордни 1,14 милион долари.