Забава
Климатските промени закана за здравјето на жителите на средоземјето
Жителите на средоземните градови како што се Атина, Рим или Марсеј, веројатно најмногу во Европа ќе страдаат од зголемувањето на температурите предизвикано од климатските промени во овој век, објавија научниците во списанието Нејчр Геосајенс.
Жителите на средоземните градови како што се Атина, Рим или Марсеј, веројатно најмногу во Европа ќе страдаат од зголемувањето на температурите предизвикано од климатските промени во овој век, објавија научниците во списанието Нејчр Геосајенс. Во периодот 1961-1990 медитеранските земји во просек имале по еден жежок бран на секои три години, а во периодот од 2071 до 2100 година такви бранови ќе има секое лето, се наведува во студијата на американските и швајцарските научници. Исто така, во наведениот период земјите од Средоземјето имале во просек 1,6 денови годишно со температури повисоки од 40,6 степени Целзиусови, додека кон крајот на векот бројот на таквите денови ќе се зголеми на 16 годишно. Здравствените проблеми поради таквото зголемување на температурите најмногу ќе почувствуваат жителите на градовите што се наоѓаат покрај бреговите, како и оние градови и населени места што се наоѓаат во долините на реките на ниски надморски височини. Ова е прва студија што укажува на одредени делови од Европа каде растежот на температурите ќе се поклопи со зголемувањето на влажноста во воздухот, зголемување на ноќните температури и долготрајните бранови на горештини, што се заедно се фактори кои можат да ја влошат здравствената состојба на срцевите или белодробните болни. /крај/ хи/мв
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.