Забава
Алкохолизмот во Холандија се лечи со пиво
Во Холандија се спроведува необичен третман за лечење од алкохол, иако се смета дека златното правило на одвикнување од пиење е апстиненцијата, холандските лекари им дозволуваат на своите штитеници и до пет литри пива дневно.
Во Холандија се спроведува необичен третман за лечење од алкохол, иако се смета дека златното правило на одвикнување од пиење е апстиненцијата, холандските лекари им дозволуваат на своите штитеници и до пет литри пива дневно.Бездомниците и алкохоличарите се неизбежен дел од секое општество. Исклучок не е ниту богатата Холандија. Поради тоа лекарите таму одлучија да им помогнат на тие луѓе.Центарот Малибан, оддалечен 20 километри од Амстердам, пред година дена ја отвори својата врата на бездомниците кои се тешки алкохоличари, кои во центарот дневно можат да испијат и до пет литри пиво дневно.„За ваквата група луѓе, кои со децении се зависни од алкохол, а притоа и бездомниците без семејство, за таквата група, најтешки зависници, сметам дека апстиненцијата, барем во овој период на нивниот живот, не е реална и не треба да тежнееме кон тоа“ изјави водачот на оваа програма, психијатарот Јуџин Шоутен за германското радио „Дојче веле“.Поради ова, Јуџин на своите штитеници им дозволува да пијат алкохол, но со одредени правила. Прво, пивото може да го пијат само во рамките на установата и тоа по литар на еден час. Првото пиво мораат да го нарачаат веќе во 7:30 часот наутро, а последното во 21:30 часот.„Моите родители умреа многу млади. Јас тогаш бев само разгален тинејџер. Најпрвин почнав да пушам трева, а по дувањето, на ред дојде и пијалокот. Сега имам жена и 20 годишен син. Тој ме мрази бидејќи пијам и често завршувам во затвор“ вели Маршал ван Зајтерен, еден од тешките алкохоличари, кои се приклучија на оваа програма.„Во рамките на нашата програма, штитениците консумираат само лесни пива. Поради тоа можеме и лесно да им пријдеме и да ги разбереме. Забележуваме дека нивната психичка состојба се подобрува, но и физичкото здравје. Кај нас добиваат по три оброци на ден“ вели Ѓоутен.Програмата која е преземена од Канаѓаните, малку е прилагодена и за прв пат применета во Европа. По една година, лекарите се задоволни бидејќи не очекуваат чудо. За нив е доволно штитениците по третманот да го намалат количеството на алкохол што го консумираат и да почнат пристојно да живеат.Слично мислење има и штитеникот Маршал, кој не мисли дека засекогаш ќе престане да пие.„Пробав да го оставам алкохолот многу пати, но мислам дека се лажев. Ова е за мене најдобро решение, бидејќи успевам алкохолот да го држам под контрола. Исто така овде јадам здраво, а храната е мошне важна. Прво јадење, па пиење“ порачува тој./крај/блиц/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хит панталони за пролетва: ги издолжуваат нозете
Широките панталони се идеални за пролетен изглед бидејќи одлично одат со романтични блузи, топови и широки сакоа. А доколку изберете ваков тип на бели панталони, даваат ефект на долги нозе и вита линија.
Широките панталони може да се носат во разни ситуации, од лежерни излегувања до елегантни настани, а тајната на добриот изглед е во нивното комбинирање со соодветни модни парчиња и додатоци. Но, пред сè, треба да ги пронајдете вистинските, модел што ѝ одговара и на вашата фигура.
Моделот со средно висока половина ја истакнува силуетата, а самиот крој создава ефект на долги нозе. Покрај тоа, овој модел на панталони во бела боја е идеален за комбинирање со клучните пролетни трендови.
Совршено се вклопуваат со сандали на потпетици.
Забава
Никол Кидман ги изненади фановите со промена на имиџот
Оскаровката Никол Кидман се пофали со својата промена на имиџот на својот инстаграм-профил.
56-годишната актерка ја покажа својата нова боб-фризура заменувајќи ги препознатливите долги кадрици.
Обожавателите во коментарите го пофалија нејзиниот нов изглед, а многумина напишаа дека актерката изгледа помладо.
„Безвременски“, „Ја сакам твојата коса“, „Време беше“, „Изгледаш фантастично“, се дел од коментарите.
Сепак, имаше и такви што беа разочарани од новата фризура.
„Каде ти се локните?“, „Извини, но воопшто не личиш на себе“, „Никогаш не би помислил дека ова е Никол“, напишале тие.
Забава
Real tribute – симфониски концерт на Тина Тарнер на 1 јуни во Скопје
Ексклузивниот концерт, кој го има пропатувано речиси целиот свет, конечно, и во Македонија.
Рок симфонијата Simply the best, посветена на кралицата на рокенролот и музичката икона Тина Тарнер, ќе биде изведена на 1 јуни во арената „Борис Трајковски“ со повеќе од 40 луѓе на сцената.
Тина Тарнер беше славна по своите бурни, енергични сценски изведби и по моќниот вокал, често нарекувана кралица на рокенролот и музичар што остави неизбришлива трага во светот на музиката, забавата и културата. Неисцрпна инспирација е за многумина, а нејзината важност се чувствува и кај генерациите што доаѓаат.
Присутните ќе имаат можност да уживаат слушајќи ги највлијателните и најпознати хитови, како што се Proud Mary, What’s Love got to do with It, Simply the best, We don’t need another hero и многу други. Добро познатите балади ќе ги разнежнат сите присутни, а брзите ритми ќе ги подигнат сите на нозе, вели организаторот.
Рок-симфонијата е посветена токму на неа, а на неа ќе се изведуваат и песни од бендови, како „Ганс анд роузес“, „Дип парпл“, „Еј-си/Ди-си“, како и познати дуети, кои ја одбележаа светската кариера на Тина. На 1 јуни публиката ќе има можност на еден поинаков начин да ја почувствува енергијата на легендарната Тина.
Тина Тарнер беше една од најголемите рок-пејачки на сите времиња и така и ќе остане запаметена.
Сите оние што сакаат да доживеат ноќ исполнета со многу енергија и страст може уште веднаш да ја купат својата влезница.
Влезниците се пуштени во продажба.