Забава
Дојче Веле: Хормоните во реките како „темпирана бомба“
Загаденоста на водата придонесува за уште една опасност – хормоните кои човекот ги исфрла во водата преку лековите, тн. ксенобиотици, кои некои научници ги нарекуваат темпирана бомба, влијае врз процесот на размножување.
Загаденоста на водата придонесува за уште една опасност – хормоните кои човекот ги исфрла во водата преку лековите, тн. ксенобиотици, кои некои научници ги нарекуваат темпирана бомба, влијае врз процесот на размножување. Економскиот развој и урбанизацијата имаат драматични последици по водотеците на целата планета Земја, пренесува Дојче веле. Се претпоставува дека до 2050. година во градовите ќе живеат околу пет милијарди луѓе. На нив ќе мора да им се обезбеди снабдување со вода, а ќе мора и да се преработи канализациската отпадна вода. Научниците предупредуваат дека постои и опасност која е скоро невидлива, таканаречените ксенибиотици, кои се наоѓаат во реките и морињата. Истражувачите го докажаа нивното постоење во телата на рибите, птиците, па дури и кај белите мечки. Малин Фалкенмарк, хидролог од Шведска, говори дури и за темпирана бомба. „Овие супстанци се проблем за нас и идните генерации бидејќи влијаат на процесот за размножување. Доколку се најдат еднаш во водата, тие ќе се рашират низ светот, бидејќи водата е насекаде околу нас,“ вели таа. Хемикалиите кои се користат во индустријата исто така може да содржат материи кои имаат хормонско дејство. Тие остануваат многу долго активни бидејќи тешко се разградуваат во водата, тврди Патриција Холм од универзитетот од Базел. „Поради тоа што материите делуваат на ист начин како хормоните, тие предизвикуваат иста реакција во телото на другите живи суштества. Така хормоните кои ги излачуваме во водата делуваат на рибите, амфибиите и другите ‘рбетници кои живеат во водата, на ист начин на кој овие супстанци делуваат во нашето тело“. Научниците се сè уште на почетокот на истражувањето на последиците на оваа појава. Така се знае дека мешањето на различните супстанци, до кое доаѓа во реките и морињата, може да го засили нивниот ефект, пишува Дојче Веле. „Утврдивме дека во изминатите педесет години радикално, понекогаш дури и за 50 отсто е намалена количината на сперматозоидите кои ги произведува машкото тело. Постои зголемување на стапката на заболени жени од рак на дојката. Од друга страна истражувањата докажаа дека кај стаорец со зголемена доза на естроген расте стапката на заболување од тумор кој е сличен на оној на дојката“, вели Патриција Холм. Холм бара отварање на широка јавна дебата во која нема да учествуваат само биолози и хемичари, туку и политичари и правници. Потрошувачите исто така мораат да се запрашаат кои супстанци се неопходни а кои се купуваат едноставно затоа што го прават животот полесен. Во ЕУ е дозволена употребата на околу 30.000 разни медицински препарати. Освен тоа, истражувањата покажуваат дека околу третина од тие препарати не се искористуваат, туку се фрлаат во ѓубре или во WC шолјата. Експертите се единствени во едно: доколку некои штетни материи успеат да дојдат до водотеците, порано или подоцна ќе го пронајдат патот до нашите тела, низ водата или преку продуктите што се трошат./крај/дв/бл/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хајди Клум: Лута сум на Софија Вергара поради Гризелда
Хајди Клум изјави за Entertainment Tonight дека е лута на колешката, судијката на America’s Got Talent, Софија Вергара, затоа што актерката не успеала да и даде улога во нејзината нова серија на Нетфликс, Гризелда.
„Бев вознемирена, па ја прашав: „Зошто не можев да бидам една од твоите роднини? Можев да бидам братучетка што не зборува, бидејќи очигледно не зборувам шпански“, рече 50-годишниот легендарен, германски модел.
Да потсетиме, биографската криминалистичка драма Гризелда за кумата на кокаинот, озлогласената нарко шефица Гризелда Бланко ги маѓепса гледачите ширум светот.
Забава
Алберт од Монако проговори за сопругата: „Многу е вознемирена поради тоа што се пишува“
Принцот Алберт од Монако во ново интервју, по повод неговиот 66-ти роденден, изјави дека неговото семејство и јавноста го поддржале откако поранешен сметководител го обвини за финансиски неправилности. Сепак, тој призна дека неговата сопруга, принцезата Шарлин, е многу вознемирена поради се.
Принцот Алберт зборуваше за Paris Match два месеци откако сметководителот Клод Палмеро откри дека личните трошоци на Шарлин скокнале на повеќе од 1 милион евра годишно.
„Шарлин беше многу вознемирена и тажна поради одредени работи кои излегоа во медиумите. Се поддржувавме еден со друг. Таа се врати на многу нејзини активности, презема повеќе јавни ангажмани, на општо задоволство на сите“, рече тој.
Протечените документи го обвинуваат и кралското семејство дека вработува илегални имигранти. Палмеро (67) беше задолжен за финансиите на кралското семејство повеќе од две децении, но се повлече во јули.
Принцезата Шарлин ја нарекуваат „најтажната принцеза на светот“ затоа што речиси никогаш не се насмевнува во јавност. Нејзиниот брак со Алберт често се зборуваше дека е во криза, но парот продолжува да се појавува заедно во јавноста.
Забава
Италијански модел: Толку сум убава што луѓето мислат дека сум вештачка интелигенција, тоа е фрустрирачки
Италијанската манекенка Инес Трокија има 1,6 милиони следбеници на Инстаграм и ги израдува обожавателите со своите фотографии. 29-годишната инфлуенсерка од Неапол соработувала со многу познати имиња во светот на модата, од Филип Плејн до Долче и Габана, а со своите следбеници често споделува фотографии кои собираат стотици илјади лајкови.
View this post on Instagram
Сепак, убавата Италијанка се соочува со малку бизарни обвинувања. Имено, Инес тврди дека е толку убава што луѓето често ја обвинуваат дека е модел со вештачка интелигенција, пишува New York Post.
View this post on Instagram
„Исклучително е фрустрирачки што луѓето мислат дека сум модел со вештачка интелигенција. Тоа е сосема лудо за мене”, се пожалила Инес, која со години позира пред камерите и го усовршува својот талент.
View this post on Instagram
„Шокантно ми е тоа што некои луѓе се прашуваат дали сум реална. Мислам дека мојот профил не личи на бот-профил. Секогаш можеш да кажеш кога се користел модел со вештачка интелигенција бидејќи тие го имаат истиот тажен израз на секоја фотографија и видео“, објасни таа.
Покрај тоа, таа објасни дека измамниците често и прават фотографии и видеа, а потоа и фотошопираат друго лице на нејзиното тело.
View this post on Instagram
„Некој од бот профил ми украде едно од видеата и таму доби повеќе прегледи отколку на мојот профил. Разговарав со некои мои колеги и пријатели од индустријата и тие го имаат истиот проблем“, објасни Инес, на која не и се допаѓаат модели со вештачка интелигенција.
View this post on Instagram
„Некои од профилите со вештачка интелигенција што ги видов поставуваат невозможни стандарди. Моделите со вештачка интелигенција имаат тенденција да имаат супер бебешки лица со гради и црти на лицето непропорционални со нивните тела“, заклучи таа.
View this post on Instagram
Инаку, моделите со вештачка интелигенција неодамна станаа хит на Инстаграм, а една од нив е виралната сензација Емили Пелегрини, која го привлече вниманието на милионерите и спортистите. Единствениот проблем е што, за разлика од Инес, таа не е вистинска.