Забава
СЗО: Здравите лица не треба да земаат Тамифлу
На здравите луѓе кои ќе заболат од свински грип нема да им треба лекување со Тамифлу, но децата, старите лица и бремените жени ќе мора да го користат, се вели во новиот совет што денес СЗО го декларираше за докторите
Здравствената агенцијата на ОН објавила дека лицата кои во други услови се здрави, и имаат можност да го совладаат барем регуларниот сезонски грип, нема да имаат потреба од лекот, иако ќе биде потребна медицинска грижа за лицата со послаб имунитет.Но, лицата за кои има ризик од компликации предизвикани од свинскиот грип, како што се децата помали од пет години, бремените жени, лицата постари од 65 години и оние со други здравствени проблеми како срцеви болести, ХИВ или дијабетес, дефинитивно имаат потреба од лекот, соопштува Светската здравствена организација.СЗО исто така препорачува дека сите пациенти, вклучително и деца, кај кои свинскиот грип е во сериозна или влошена состојба, со отежнато дишење, болки во градите или зголемена заслабнатост, треба итно да добијат третман со Тамифлу, а може и во поголема доза од онаа што се користи.Советот на СЗО е во контрадикторност со некои моментални мерки за контрола на владите во светот, како на пр. оние во Англија, каде агенцијата за здравство слободно го препишува Тамифлу и на здравите лица со свински грип.Оваа реакција на СЗО доаѓа како дел од мерките што се преземаат за да се спречи злоупотребата на Тамифлу. Лекот во Британија е достапен до секој кој се сомнева дека ја има болеста, па и здравите луѓе.По неколку месечна експертска анализа се открило дека употребата кај здравите луѓе може да предизвика намалување на дејството и создавање отпорност од лекот.Светската здравствена организација пресметала дека во наредниве две години, најмалку 2 билиони луѓе можат да заболат од новиот вирус, што претставува една третина од целото човештво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Леонардо ди Каприо го игра Френк Синатра во новиот филм на Мартин Скорсезе
Леонардо ди Каприо наводно добил улога на Френк Синатра во новиот филм на Мартин Скорсезе, пишува „Вараети“. Улогата на Ава Гарднер ѝ припадна на Џенифер Лоренс, со која Ди Каприо соработуваше на филмот Don’t Look Up.
Од друга страна, Ди Каприо и Скорсезе соработуваа неколкупати.
Ова дуо е еден од најплодните актерско-режисерски парови, зад нив се филмовите, како „Бандите на Њујорк“, „Авијатичарот“, „Заминат“, „Островот затворач“ и „Волкот од Волстрит“. Нивниот последен филм, Killers of the Flower Moon, беше номиниран за 10 „Оскари“.
Веста за биографскиот филм на Френк Синатра беше дочекана со ентузијазам од фановите и коментираа на социјалните мрежи дека „Ди Каприо е одличен избор за улогата на Френк Синатра“.
Забава
Роберт де Ниро откри кои се неговите омилени актери на сите времиња
Има малку актери што може да се споредат со Роберт де Ниро.
Добитник е на два „Оскара“ и седум номинации во актерски категории. Де Ниро е титан на холивудското платно, кој постигна некои од неговите најнезаборавни изведби во филмовите на Мартин Скорсезе, Френсис Форд Копола и Квентин Тарантино.
Де Ниро ја имаше својата прва улога во филмот на Скорсезе, Mean Streets, од 1973 година. Тој толку многу го освои славниот режисер што го нарече најголемиот актер на неговата генерација.
Кариерата на Роберт де Ниро беше обележана со улоги во мрачни трилери и гангстерски филмови за кои стана синоним за Ал Пачино, Џо Пеши и Реј Лиота.
Запрашан за неговите најрани филмски влијанија, Де Ниро откри дека црпел инспирација од британската кинематографија. Што се однесува до Америка, тој како најинтересни актери ги издвојува Џејмс Дин, Марлон Брандо, Монтгомери Клифт, Ким Стенли и Грета Гарбо.
Омилени актери на Роберт де Ниро му се: Марлон Брандо, Монтгомери Клифт, Џејмс Дин, Грета Гарбо, Алберт Фини, Ричард Харис, Ким Стенли.
Забава
Хороскопски знак кој има најмногу среќа во животот
Астролозите тврдат дека еден знак од Зодијакот има повеќе среќа во текот на животот од сите други. Благодарение на својата природа, но и на среќниот пат на судбината, тие често успеваат да се најдат на вистинското место во вистинско време, а голема е веројатноста дека околностите во животот ќе бидат такви што сè ќе им се случи на најповолен можен начин.
Овој среќен знак се Близнаците. Нивниот хороскоп е поволен и често во текот на животот ќе забележат дека работите одеднаш тргнале на подобро и дека одеднаш биле опкружени со изненадувачки добри околности.
Кај Близнаците коегзистираат две личности и двете се водат од логиката, но секоја од нив има своја посебна логика, а како што наведуваат астролозите, токму тој „поларитет во ставовите и погледите на светот“ резултира со неверојатна среќа.
Исто така, среќата ги следи Близнаците поради нивниот оптимизам. Ниту еден друг знак не покажува таква самодоверба.
Понекогаш Близнаците се окарактеризирани и како „дволични“, бидејќи знаат совршено да балансираат меѓу двата огна, притоа секогаш следејќи ги сопствените интереси. Како и да е, слободно може да се каже дека Близнаците се тие кои ќе победат во секоја борба.
Припадниците на овој знак речиси секогаш имаат среќа во изборот на брачен партнер, делумно поради фактот што нивната вистинска љубов е искрена и трае вечно. Дури и кога се чини дека нивниот брак виси на конец, Близнаците успеваат да ги надминат проблемите, а врската се продлабочува.