Забава
Пушењето може да уби една милијарда луѓе во 21-от век
Пушењето може да убие една милијарда луѓе во светот во овој век ако не се преземат енергични мерки за да се спречи млади луѓе да се откажат од пушењето.Тоа е предупредување од Светската фондација за заштита на белите дробови и Американското онколошко здружение
Само во оваа година пушењето ќе биде причина за смрт на 5,5 милиони луѓе во светот кои ќе починат од рак, срцеви заболувања и редица други болести. Следната година бројот на жртвите од пушење ќе биде шест милиони. Ако таа тенденција продолжи, во 2020 година годишно седум милиони луѓе ќе ги загубат животите. Во 2030 година таа цифра ќе биде осум милиони луѓе.Во извештајот се наведува дека во изминатите четириесет години пушењето е намалено во богатите држави, но се зголемило во државите во развој. На глобално ниво се трошат по 500 милиони долари за лекување на болести предизвикани од пушење, се додава во извештајот.Во 20 век пушењето „убило“ 100 милиони луѓе.Пушачите умираат во просек 15 години порано од непушачите; ризикот од смрт од рак на белите дробови е 23 пати поголем кај мажите кои пушат отколку кај мажите непушачи, и 13 пати повисок кај жените што пушат; т.н. пасивно пушење на рaботното место убива годишно 200.000 работници; цигарите ќе бидат причина за смрт на 250 милиони од денешните деца и тинејџери; речиси една четвртина од младите луѓе кои пушат, ја запалиле првата цигара пред да наполнат 10 години; во светот пушат една милијарда мажи или 25 отсто од мажите во богатите држави и 50 отсто од мажите во државите во развој; околу 25 милиони жени пушат цигари секој ден; речиси 60 отсто оd мажите во Кина пушат и во таа држава се трошат 37 отсто од производите од тутун во светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Фустаните на принцезата Дијана изложени во Хонг Конг пред аукцијата
Светло жолта јакна обложена на рамениците и украсена со блескави златни копчиња, која ја носеше принцезата Дијана на патувањето во Хонг Конг во 1989 година, ќе биде една од шесте нејзини парчиња облека изложени во поранешната британска колонија пред аукцијата закажана за јуни.
Колекцијата на фустани, чевли и чанти на принцезата од Велс е изложена во трговскиот центар во Хонг Конг во следните 12 дена од четврток, пред колекцијата да се пресели во Ирска до аукцијата на 27 јуни. Принцезата Дијана, која загина во сообраќајна несреќа во Париз во 1997 година, ја диктираше модата „секогаш кога се облекуваше и излегуваше“, рече Мартин Нолан, директор на аукциската куќа „Џулиенс“ со седиште во Калифорнија.
Познатата јакна од нарциси на дизајнерката Кетрин Вокер би можела да достигне цена од 50.000 долари, додека синиот вечерен фустан со ѕвездички би можел да достигне цена од 400.000 долари. Принцезата го носеше овој фустан од дизајнерот Мареј Арбејд на премиерата на „Фантом од операта“ во 1986 година во Вест Енд, Лондон.
Изложена е и свилена и тантелна вечерна тоалета од дизајнерот Виктор Еделштајн и цветна тоалета на Кетрин Вокер што Дијана ја носеше во 1991 година.
Еден од посетителите, 69-годишниот Фунг, се присетува како толпата се насобрала низ улиците на Хонг Конг кога Дијана пристигнала во тој град во 1989 година. “Таа беше харизматична, грижлива и посветена на добротворната работа. Затоа е исклучително почитувана во Хонг Конг”, вели Фунг.
Во 2023 година, аукциската куќа „Џулиен“ продаде вечерен фустан на принцезата Дијана за рекордни 1,14 милиони долари.
Забава
Најдобри љубовници во зодијакот: четири знаци што немаат конкуренција
Дали сте љубопитни кои хороскопски знаци се огнени во креветот и маѓепсуваат со својот неодолив шарм и магнетна привлечност? Астрологијата ги открива тајните на сексуалната компатибилност.
Без разлика дали барате огнена страст или сензуална интимност, разбирањето на астролошките особини на вашиот партнер може да го однесе вашиот љубовен живот на нови височини.
Овие четири хороскопски знаци се познати по своите извонредни вештини во областа на интимноста:
1. Шкорпија
Шкорпиите се олицетворение на интензитет и страст. Со ненаситен апетит за задоволство ги оставаат без здив партнерите со своите заводливи вештини.
Нивната магнетна привлечност ги вовлекува другите во нивната мрежа на желби, каде што секој нивни допир го разгорува пламенот на страста. Во спалната соба Шкорпиите се бестрашни истражувачи, кои не се плашат да се нурнат во најдлабоките зони на интимност. Нивната интуитивна природа им овозможува да ги разберат желбите на партнерот создавајќи врска што го надминува физичкото.
2. Лав
Лавовите зрачат со самодоверба и во и надвор од спалната соба. Со својата магнетна харизма и енергија тие ги освојуваат партнерите со својот разигран и авантуристички дух. Лавовите сакаат да бидат во центарот на вниманието, а нивниот ентузијазам за задоволство нема граници. Во спалната соба тие зрачат со страст и креативност, а секоја средба ја претвораат во возбудлив спектакл. Со Лавовите очекувајте огномет и незаборавно искуство, кое ќе ве натера да сакате повеќе.
3. Бик
Бикот е синоним за сензуалност и уживање.
Како земјени знаци, тие се длабоко поврзани со физичкиот свет и уживаат во задоволствата што ги нуди. Бикот одлучно пристапува кон интимноста уживајќи во секој момент и препуштајќи им се на пофините работи во животот. Во спалната соба тие се внимателни љубовници, кои одвојуваат време да ја истражат секоја сензуалност и да ги исполнат желбите на партнерот. Со Бикот очекувајте фантастично искуство во креветот.
4. Вага
Вагите се мајстори за хармонија и рамнотежа. Со нивното шармантно однесување и силно чувство на емпатија тие без напор се поврзуваат со своите партнери на длабоко емотивно ниво. Во спалната соба Вагите им даваат приоритет на комуникацијата и заедничкото задоволство и создаваат безбедна и стимулативна средина за истражување. Тие се внимателни љубовници, кои секогаш се трудат да создадат чувство на хармонија и поврзаност што ја надминува физичката област.
Забава
Воз во Јапонија задоцнил 17 минути
Во Јапонија времето се почитува до тој степен што ако (по некое чудо) воз доцни неколку минути, патниците веднаш добиваат формално извинување.
Од Централната железничка компанија соопштуваат дека возот навреме пристигнал во Токио од Нагоја, но поаѓањето за Осака било привремено прекинато, а причината е повеќе од бизарна.
Имено, персоналот забележал змија од 40 сантиметри како се влече на подот во еден од вагоните.
Повеќе од 600 патници морале да се префрлат во друг воз бидејќи Шинкансен бил исклучен од мрежата, а змијата подоцна била фатена.
Властите истражуваат како таа завршила во возот.
„Тешко е да се замисли дека змија ќе влезе во вагон на една од станиците. Имаме правила, кои забрануваат внесување диви животни. И покрај ова, ние не го проверуваме багажот на патниците“, беше соопштено.