Забава
Традиционална Галичка велосипедска тура
Tрадиционалната рекреативна Галичка велосипедска тура, во организација на велосипедското спортско друштво „Енерџи“ од Скопје, ќе се одржи в недела од Маврово
На патека долга осумдесетина километри ќе се вози од Маврово – Лазарополе – Тресонче – Селце – Галичник – Маврово. На турата ќе учествуваат неколку десетици професионални и рекреативни велосипедисти, а право на учество имаат сите што се чувствуваат способни и кои имаат исправен и соодветен велосипед да ја извозат долгата планинска тура. Дел од патеката води преку жичарницата, за која се потребни 200 денари. Целта на турата е да се промовира планинскиот велосипедизам и велосипедските патеки низ мијачкиот крај, како и да се поттикнат сите оние кои се занимаваат со велосипедизам ја искористат шансата одблиску да ја запознаат нашата земја и природните убавини што таа ги нуди. Велосипедизмот е спорт, но и можност од друг агол да се биде поблиску до природата, велат од велосипедското спортско друштво Енерџи.
Стартот на турата е пред Хотел Алпина во Маврово од 7.30 до 07.45 часот, а должина на патеката е точно 78 километри. Учесниците ќе доживеат висинска разлика од околу 1900 метри. Целата тура се предвидува да трае од 8 до 10 часа возење. За сите учесници обезбеден е чај.
Учесниците со себе треба да несат кацига, вода, резервна гума, основен алат, храна, соодветна облека, мобилен телефон и лична карта, како и mount bike велосипед, во исправна состојба. Од безбедносни причини учесниците задолжително треба да се придржуваат кон планот на турата, а превозот до Маврово е во сопствена режија.
Возењето велосипед е опасен спорт, не го правете да биде поопасен, внимавајте на себе и групата, велат од Енерџи. Учеството е на сопствена одговорност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.