Забава
Што кажува вашето лице за вашето здравје?
Што гледате кога ќе погледнете во огледало? Според кинеската медицина, вашето лице е прозорец кон вашето здравје. Вашето чело, нос, брада, десен образ, лев образ – секоја од овие пет зони е индикатор што се случува во вашето тело – ако знаете што да гледате
Повеќето луѓе не сфаќаат дека нивното лице носи информации за тоа што се случува под површината. Вашето тело зборува со свој јазик со кој кажува за изместувањата на рамнотежата во него. Кинеската медицина ги довела до мајсторство уметноста и науката на читањето на јазикот на телото Низ практиката што трае веќе пет илјади години. Секој дел од вашето лице е знак што кажува за различен елемент од кинеската мрежа на пет елементи – оган, земја, вода, метал и дрво – односно, знак кој е индикатор за одредена група органи. Вашиот одраз во огледалото емитува визуелни сигнали за тоа што се случува во вашите внатрешни системи, како срцето, стомакот, хормоните, па дури и за мислите и духот.
Во некои ситуации визуелните сигнали веднаш ќе ве информираат дека има некаков проблем, така што ќе можете веднаш да преземете нешто. Но вистинската вредност на следењето на својата состојба е откривањето прикриени дисбаланси и превентивно дејствување за нивно решавање преку диети, прихранувањето со билки и менување на дел од животните навики.Читајќи го вашето тело, можете навреме да се погрижите за ситните проблеми, пред тие да станат големи здравствени проблеми.
ЧелоСпоред кинеската медицина, челото одговара на елементот оган. Ова се однесува на срцето и на системот на тенките црева и црниот дроб, како и на состојбата на мислите и духот. Погледнете дали има црвенило или дали има бледило кај ситните крвни садови, што може да биде знак за проблеми со срцето. Бледилото на кожата исто така може да биде предизвикано од емотивен товар, како загуба или прекин на врска. Луѓето чии емоции се редовно во некаква збрка имаат бразда меѓу веѓите.
Често пати може да се предвиди срцев удар, ако челото има синкасто-зелена нијанса. Бледило на челото, комбинирано со силно чукање на срцето, вртоглавица и тешкотии во дишењето, зуење во ушите и болки во левата рака, се знак веднаш да се обратите кај кардиолог или да побарате помош во ургентен центар.
Нос
Носот одговара на елементот земја, и е индикатор за тоа што се случува во стомакот, слезината и панкреасот. Симптомите на внатрешната нерамнотежа типично се покажуваат како мозолче на врвот или на страните на носот. Размислете за храната што сте ја внеле претходниот ден. Дали сте јаделе нешто презачинето, пржено, мрсно или сте се прејале. Ако е така, проблемот е храната што сте ја одбрале. Тоа упатува дека најверојатно имате проблеми со варењето, тврда столица или дијареа.
Испукани капилари или црвенило по должината на носот можат да бидат сигнал за претерано консумирање алкохол или дека сте загрижени или под стрес, што ќе се одрази на вашите органи од елементот земја. Опуштете ги нервите и обидете се со медитација или со некоја техника за намалување на стресот.
Долна вилица
Долната вилица, или брадата, е поврзана со елементот вода, кој упатува на бубрезите и жолчката и системот на хормони и жлезди. Дамки, бледило или модрило околу брадата и устата се знак за проблеми со бубрезите или жолчката. Повремената појава на мозолчиња околу брадата се знак за хормонска нерамнотежа. Тоа е знак дека телото произведува вишок на естроген или тестостерон, што обично е проследено со нередовна менструација кај жените или симптоми на проблеми со простатата кај мажите.
Не заборавајте да го погледнете и браздата меѓу носот и средината на горната усна. Оваа мала површина се поврзува со матката и јајчниците кај жените и со простатата и гениталиите кај мажите. Хоризонтални линии, дамки или бледило може да бидат знак за неплодност предизвикана од нарушувања на репродуктивните органи.
Според кинеската медицина, луѓето што имаат мала брада се генетски склони кон слабости на системот на бубрезите и жолчката. Но, тоа не значи дека по правило луѓето со мала брада ќе имаат проблем со функционирањето на овие органи. Таквата склоност на луѓето со мала брада треба да биде само знак за претпазливост и навремено менување на животните навики што можат да доведат до проблеми.
Десен образ
Десниот образ се однесува на елементот метал, што значи дека овој дел од вашето лице е поврзан со белите дробови и дебелото црево Проблемите со белите дробови или со дебелото црево се покажуваат како бледило, дамки и проблеми со кожата на десниот образ. Појавата на мозолчиња, лишаи или бледо црвенило можат да бидат знак дека ви претстои настинка, а истите симптоми можат да бидат и знак за болести на белите дробови или горните дишни патишта или најава за непријатен период кај луѓето што се склони кон респираторни алергии или имаат астма.
Лев образЛевиот образ се однесува на елементот дрво, односно – црниот дроб и жолчната кеса. Испукани капилари и црвенило, особено до носот, се знак за зголемена телесна температура, воспаление или на застој на отрови во црниот дроб. Подуени вени, црвенило или осип на кожата понекогаш се сигнал за висок крвен притисок или потисната лутина. Жолтеникави дамки под левото око би можеле да бидат сигнал за камен, триглицериди или холестерол. Надуени вени, црвенило, осип на кожата и понекогаш сигнал висок крвен притисок и затворен до бес. Жолтеникави нијанси под левото око може да бидат знак и за камен во жолчката, или високо ниво на триглицериди или холестерол. Проблемите во овој дел на лицето исто така можат да бидат знак за емоционални проблеми, како што се гнев или депресија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бесплатна тетоважа за Пленковиќ; сопственикот на салонот: Ме повикуваат од сите страни
За само еден ден на социјалните мрежи урнебесно се прошири најавата за тетовирање во Пожега. Тие напишаа дека нудат бесплатна тетоважа за Андреј Пленковиќ и покажаа како би изгледала.
Многумина можеби мислат дека ова е добра шега среде избори – но не е. Згора на тоа, сопственикот на салонот за „Индекс“ изјави дека многу луѓе веќе се јавиле за термин.
„Понудата е повеќе од сериозна, што е поткрепено со големиот одѕив на споменатата објава. Ме повикуваат од сите страни. Во мојата долгогодишна работа истетовирав многу личности, а сега решив да направам една тетоважа подарок, со оглед на тоа дека изборите се актуелни“, објасни сопственикот на првото и најстаро студио за тетовирање во Пожега.
View this post on Instagram
Сепак, признава, настанал проблем што повеќе луѓе се пријавиле за тетоважа – многу повеќе отколку што очекувал.
„Ќе треба да подготвам неколку верзии на тетоважата. На пример, лут Пленковиќ, среќен, загрижен Пленковиќ, Пленковиќ во разни пози, варијации во боја или црно-бело“, додал сопственикот, кој, изгледа, ќе има многу повеќе работа овие денови отколку што се надеваше.
„Постојано правам некоја игра со акција или подарок, но овој одговор ме изненади“, заклучил тој.
Забава
Бјелогрлиќ ги откри деталите од третата сезона на „Сенки над Балканот“
Третиот циклус од популарната серија „Сенки над Балканот“, која публиката долго време ја чекаше со големо нетрпение, е во фаза на пишување, а како што најави режисерот и актер Драган Бјелогрлиќ, снимањето ќе почне кон крајот на летото.
Драган Бјелогрлиќ и неговиот тим соработници интензивно работат на сценариото за третата сезона на една од најпопуларните серии на нашите простори – „Сенки над Балканот“, а овој пат актерската екипа ќе ја комплетираат Нина Јанковиќ, Милан Мариќ и Милош Биковиќ во Јосип Броз Тито, пишува Nova.rs.
„Во моментот пишуваме. ‘Сенките’ се многу тежок проект за мене, но страшно инспиративен“, почна Бјелогрлиќ опишувајќи го процесот на создавање:
„Многу се плашам кога влегувам во процесот на пишување, а по процесот на снимање и сѐ друго толку ме обземаат ‘сенките’, што веќе не можам да правам ништо друго и да се занимавам со ништо. Веќе сум на возраст кога би сакал да живеам малку поопуштено, затоа и го одложив. Сепак, влеговме во процесот на пишување, ја напишавме целата приказна, првите две епизоди се завршени, сега ја пишуваме третата. Се надевам дека сѐ ќе биде готово до август и дека снимањето ќе почне во текот на август, дека ќе завршиме до Нова година и дека ќе се емитува напролет“.
Во серијата , покрај стандардните ликови, ќе бидат и Милан Мариќ, Нина Јанковиќ и Милош Биковиќ, а Драган Бјелогрлиќ го откина временскиот период што ќе се прикажува во третиот циклус од популарната серија.
„Имаме работа со периодот од 1939 година, приказната почнува кога Милан Стојадиновиќ распишува избори, тоа беа многу важни избори на кои победи, но не дојде на власт, го наследи принцот Павле. Тоа беше многу значајна година кога на сите им беше јасно дека доаѓа голема војна, дека светот нема да изгледа како порано и дека секој има свои планови. Можам да кажам дека една од најголемите мистерии се случува на панината ‘Ртањ“, ги откри деталите режисерот Драган Бјелогрлиќ и ја заинтригира публиката, која со нетрпение го очекува продолжението на популарната серија.
„Во Србија има многу мистицизам. Го избравме ‘Ртањ од друга причина, а ‘Ртањ е интересен поради легендите, по населението што живее таму и верува во секакви работи и затоа што таму имаше некои рудници“.
Дали овој трет циклус ќе ја заврши приказната останува да видиме. Но, едно е сигурно, а тоа е дека сите со нетрпение ја очекуваат новата и возбудлива приказна за своите омилени херои, кои ги толкуваат: Драган Бјелогрлиќ, Андрија Кузмановиќ, Марија Бергам, Наташа Нинковиќ, Небојша Дугалиќ, Ненад Јездиќ, Срѓан (Жика) Тодоровиќ, Горан Богдан, Јована Стоиљковиќ.
Забава
Фустаните на принцезата Дијана изложени во Хонг Конг пред аукцијата
Светложолтата јакна обложена на рамениците и украсена со блескави златни копчиња, која ја носеше принцезата Дијана на патувањето во Хонг Конг во 1989 година, ќе биде една од шесте нејзини парчиња изложени во поранешната британска колонија пред аукцијата закажана за јуни.
Колекцијата на фустани, чевли и чанти на принцезата од Велс е изложена во трговскиот центар во Хонг Конг во следните 12 дена од четврток пред колекцијата да се пресели во Ирска до аукцијата на 27 јуни. Принцезата Дијана, која загина во сообраќајна несреќа во Париз во 1997 година, ја диктираше модата секогаш кога се облекуваше и излегуваше, рече Мартин Нолан, директор на аукциската куќа „Џулиен“ со седиште во Калифорнија.
Познатата јакна од нарциси на дизајнерката Кетрин Вокер би можела да достигне цена од 50.000 долари, а синиот вечерен фустан со ѕвездички би можел да достигне цена од 400.000 долари. Принцезата го носеше овој фустан од дизајнерот Мареј Арбејд на премиерата на „Фантом од операта“ во 1986 година во Вест Енд, Лондон.
Изложени е и вечерната тоалета со свила и тантела од дизајнерот Виктор Еделштајн и цветната тоалета на Кетрин Вокер, што Дијана ја носеше во 1991 година.
Еден од посетителите, 69-годишниот Фунг, се присетува како толпата се насобрала на улиците на Хонг Конг кога Дијана пристигнала во тој град во 1989 година. „Таа беше харизматична, грижлива и посветена на добротворната работа. Затоа е исклучително почитувана во Хонг Конг“, вели Фунг.
Во 2023 година аукциската куќа „Џулиен“ продаде вечерен фустан на принцезата Дијана за рекордни 1,14 милион долари.