Забава
Сите лица на Гугл
Олимписките игри во Ванкувер беа прилика уште еднаш да се присетиме на повремените изненадувања што ни ги приредува најпопуларниот интернет пребарувач, Google, со изгледот на почетната страница. Решивме да прочепкаме малку во историјата на пребарувачот и на пригодните логоа
Олимписките игри во Ванкувер беа прилика уште еднаш да се присетиме на повремените изненадувања што ни ги приредува најпопуларниот интернет пребарувач, Google, со изгледот на почетната страница, во деновите кога се одбележуваат важни датуми во историјата на светот, кога се празнуваат големите празници или, како во примерот со Ванкувер, денови на големи спортски случувања.Брзајќи да дојдеме до некоја информација преку пребарувачот, често бидуваме изненадени од новиот изглед на логото на Google, на кое обично и немаме доволно време да му обрнеме внимание. Но, Зимските олимписки игри во Ванкувер беа прилика 16 денови по ред да ги забележуваме промените и нестрпливо да ја очекуваме следната, да видиме „со што денеска Гугл ќе не’ изненади“.Решивме да прочепкаме малку во историјата на пребарувачот и на пригодните логоа. Дојдовме до заклучок кој не’ изненади: низ својата историја, Гугл испродуцирал толку многу пригодни логоа, што нема да не’ изненади ако некој веќе си нашол пасија во тоа – да ги прибира во некаков албум, како што филателистите собираат поштенски марки.И уште нешто. Ни на крајот на умот не ни било дека дел од овие „лого-изненадувања“ настанале на конкурс, изработени од деца од училишна возраст.
Ви презентираме дел од нашиот избор:
– Ден на планетата Земја, 22 април 2007 г.
– Ден на ветераните, САД, 12 ноември 2008 г.
– Ден на избори, Израел, 10 февруари 2009 г.
– 25 години Тетрис
– Роденден на Џузепе Верди, 10 октомври 2009 г.
– Годишнина од воведувањето на морзеовата азбука
– Олимпијада Сиднеј 2000, 20 септември 2002 г.
Ако ја загризавте јадицата, имајте ги на ум и следниве адреси:
http://www.google.com/logos/index.htmlhttp://www.google-logos.com/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мрачните страни на секој од хороскопските знаци
Секој хороскопски знак носи своја темна страна која може да биде предизвик, но нуди и можност за личен раст и развој. Разбирањето и прифаќањето на овие помалку светли аспекти на нашите астролошки профили може да ни помогне да станеме подобри верзии на себе.
Што се крие во сенката на секој хороскопски знак.
Овен: Импулсивност и агресивност
Овните се познати по својата храброст и енергија, но нивната импулсивност може да ги доведе во неволја. Тие се склони кон ненадејни реакции и понекогаш агресивно однесување кога работите не одат според нивниот план.
Бик: Посесивност и материјализам
Бикот ја цени сигурноста и удобноста, што може да ги доведе до прекумерна посесивност и материјализам. Тие имаат тенденција да акумулираат имот до тој степен што може да ги задуши другите аспекти од нивниот живот.
Близнаци: Неконстантност и дволичност
Близнаците се прилагодливи и комуникативни, но нивната способност да ги гледаат работите од различни перспективи може да ги направи непостојани, а понекогаш и со две лица, збунувајќи ги оние околу нив.
Рак: Преосетливост и манипулативност
Раковите се исклучително емотивни и сочувствителни, но нивната пречувствителност може да ги доведе до емоционална манипулација со цел да го заштитат своето ранливо срце.
Лав: Егоизам и доминација
Лавовите се родени како лидери и сакаат да бидат во центарот на вниманието, но нивното его може да прерасне во себичност и потреба да доминираат, што може да ги отуѓи другите.
Девица: Перфекционизам и критичност
Девиците се познати по тоа што се методички и аналитички настроени, но нивниот перфекционизам може да доведе до парализа на анализата и прекумерна критика кон себе и кон другите.
Вага: Неодлучност
Вагите се стремат кон хармонија и рамнотежа, но нивната потреба да им угодат на сите може да резултира со неодлучност. Исто така, нивната фасцинација со убавината може да ги наведе да прават површни проценки на луѓето и ситуациите.
Шкорпија: Опсесивност и одмаздољубивост
Шкорпиите се интензивни и страсни, но нивните длабоки емоционални вложувања можат да станат опсесивни. Кога се повредени, можат да бидат крајно одмаздољубиви.
Стрелец: Непромисленост и тактичност
Стрелците се познати по својата искреност и оптимизам, но нивната директност може да биде непромислена и да ги повреди другите. Исто така, нивната желба за слобода може да ги доведе до неодговорно однесување.
Јарец: Песимизам и непопустливост
Јарците се дисциплинирани и амбициозни, но нивната тенденција да го гледаат светот црно-бело може да ги направи песимисти и крајно непопустливи.
Водолија: Отсуство и студенило
Водолиите се иновативни и неконвенционални, но нивната потреба за индивидуалност може да ги направи емотивно отсутни и ладни, што го отежнува градењето длабоки врски.
Риби: Се жртвуваат и бегаат од реалноста
Рибите се сочувствителни и интуитивни, но нивната тенденција да се жртвуваат за другите може да ги истроши. Исто така, нивната желба да избегаат од реалноста може да ги доведе до нездрави облици на бегство.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.