Забава
Објaвена ретка фотографија на Монро и Кенеди
Ретка фотографија на која е легендарната холивудска актерка со поранешниот американски претседател снимена на неговиот роденден на 19-ти мај 1962 г. о Њујорк е објавена вечерва на изложба во Њујорк
Како што пишуваат американските медиуми тој ден славната Мерилин Монро се појавила на прославата на 45-от роденден на американскиот претседател Џон Фицџералд Кенеди со кого имала врска, во Медисон Сквер Гарден и му ја отпеа легендарната Happy Birthay, многу сензуално и провокативно што стана најпознатата изведба на оваа роденденска честитка. Тоа воедно е нејзиниот последен настап пред мистериозната смрт во август истата 1962 г. Следната година 1963 г., пак претседателот Кенеди е убиен во атентат во Далас, исто така мистериозен и до денес нерасветлен.Инаку, оваа фотографија е објавена токму на денот кога Монро би наполнила 84 години.Како што пишуваат медиумите, на црно-белата фотографија, која ја снимил официјалниот фотограф на Белата куќа во тоа време, Сесил Стоугтон, на забавата по прославата во Медисон Сквер Гарден, Мерилин се’ уште е во славниот тесно припиен фустан украсен со лажни дијаманти кој го носела и при изведбата на честитката. Медиумите забележуваат дека Џон Кенеди на фотографијата се свртува од камерата, што велат ретко го правел, а до двојката е и неговиот брат Роберт Кенеди, во тоа време министер за правда. „Нема друга позната фотографија на Роберт Кенеди со Мерилин и на Џ.Ф. Кенеди со Мерилин, и тоа не затоа што никогаш не се снимени. Всушност тие се снимени заедно многу пати, но тајната служба и ФБИ ги запленија сите фотографии.“, изјавил сопственикот на овој оригинален примерок од фотографијата флмаџијата Кеија Морган за CNN.
Стогтон кој му ја продал фотографијата една година пред неговата смрт во 2008 г. му рекол на Морган дека агентите пропуштиле еден негатив во нивната собирање на можни компромитирачки фотографии од Кенеди и Мерилин. „Тајната служба дошла додека ги развивал негативите и ги одзела сите на кои биле Џон и Боби со Мерилин. Преживеал само оној кој бил во сушилницата“, додал Морган.Во прилогот на CNN се наведува дека тајната служба никогаш не дозволувала да се објават фотографии бидејќи се зборувало за љубовната врска меѓу Џон Кенеди и Мерилин Монро. Историчарот Артур Шлезингер Џуниор кој му бил помошник на претседателот Кенеди се појавува на фотографијата со чашка и со цигара широко насмевнат. Тој во својот личен дневник објавен во 2007 г. забележал впечатоци за Монро на таа приватна забава.
„Сликата а оваа извонредна, забавна и очајна девојка секогаш ќе остане со мене. Не мислам дека сум видел некој што е толку убав. Бев зашеметен од нејзините манири и нејзината остроумност, а истовремено така маскирана, така искрена и така продорна“, запишал Шлезингер.Иако со текот на годините односот меѓу Монро и браќата Кенеди е документиран, Стоугтон не сакал да дозволи фотографијата да се појави во јавноста пред смртта на поранешната прва дама на САД, Жаклин Кенеди, подоцна Оназис, која почина во 1994 г. Па Морган морал да почека и да го откупи негативот во текот на работата за неговиот нов документарен филм за смртта на славната актерка со наслов „Мерилин Монро: Убситвото на Хелен Драјв бр.5“.Во интервјуто за филмот Стоугтон сведочел дека Жаклин одбила да биде присутна на роденденската прослава на нејзиниот сопруг. „Тој бил оној кој на Жаклин и’ кажал дека Мерилин ќе биде на прославата, и таа не отишла на таа подоцна позната прослава’, вели Морган.Фотографот Стоугтон направил десет отисоци на фотографијата за Морган со димензии 76 на 76 сантиметри. Девет од нив вечерва во вторник се ставени на продажба во Art & Artifakt Gallery во Западен Холивуд, а десеттата Морган пред две години ја подарил на пејачот Мајкл Џексон кој беше голем обожавател на Мерилин Монро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мрачните страни на секој од хороскопските знаци
Секој хороскопски знак носи своја темна страна која може да биде предизвик, но нуди и можност за личен раст и развој. Разбирањето и прифаќањето на овие помалку светли аспекти на нашите астролошки профили може да ни помогне да станеме подобри верзии на себе.
Што се крие во сенката на секој хороскопски знак.
Овен: Импулсивност и агресивност
Овните се познати по својата храброст и енергија, но нивната импулсивност може да ги доведе во неволја. Тие се склони кон ненадејни реакции и понекогаш агресивно однесување кога работите не одат според нивниот план.
Бик: Посесивност и материјализам
Бикот ја цени сигурноста и удобноста, што може да ги доведе до прекумерна посесивност и материјализам. Тие имаат тенденција да акумулираат имот до тој степен што може да ги задуши другите аспекти од нивниот живот.
Близнаци: Неконстантност и дволичност
Близнаците се прилагодливи и комуникативни, но нивната способност да ги гледаат работите од различни перспективи може да ги направи непостојани, а понекогаш и со две лица, збунувајќи ги оние околу нив.
Рак: Преосетливост и манипулативност
Раковите се исклучително емотивни и сочувствителни, но нивната пречувствителност може да ги доведе до емоционална манипулација со цел да го заштитат своето ранливо срце.
Лав: Егоизам и доминација
Лавовите се родени како лидери и сакаат да бидат во центарот на вниманието, но нивното его може да прерасне во себичност и потреба да доминираат, што може да ги отуѓи другите.
Девица: Перфекционизам и критичност
Девиците се познати по тоа што се методички и аналитички настроени, но нивниот перфекционизам може да доведе до парализа на анализата и прекумерна критика кон себе и кон другите.
Вага: Неодлучност
Вагите се стремат кон хармонија и рамнотежа, но нивната потреба да им угодат на сите може да резултира со неодлучност. Исто така, нивната фасцинација со убавината може да ги наведе да прават површни проценки на луѓето и ситуациите.
Шкорпија: Опсесивност и одмаздољубивост
Шкорпиите се интензивни и страсни, но нивните длабоки емоционални вложувања можат да станат опсесивни. Кога се повредени, можат да бидат крајно одмаздољубиви.
Стрелец: Непромисленост и тактичност
Стрелците се познати по својата искреност и оптимизам, но нивната директност може да биде непромислена и да ги повреди другите. Исто така, нивната желба за слобода може да ги доведе до неодговорно однесување.
Јарец: Песимизам и непопустливост
Јарците се дисциплинирани и амбициозни, но нивната тенденција да го гледаат светот црно-бело може да ги направи песимисти и крајно непопустливи.
Водолија: Отсуство и студенило
Водолиите се иновативни и неконвенционални, но нивната потреба за индивидуалност може да ги направи емотивно отсутни и ладни, што го отежнува градењето длабоки врски.
Риби: Се жртвуваат и бегаат од реалноста
Рибите се сочувствителни и интуитивни, но нивната тенденција да се жртвуваат за другите може да ги истроши. Исто така, нивната желба да избегаат од реалноста може да ги доведе до нездрави облици на бегство.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.