Забава
Најсексапилната хакерка на светот изведена пред суд
Дваесет иедно-годишната Кристина Свечинскаја е обвинета дека е припадничка на група хакери кои преку компјутерските мрежи сакале да украдат 220 милиони долари од британските и од американските банки пренесува Daily Mail
Репортерот на весникот ја опишува Кристина Свечинскаја како девојка која оддава многу самоувереност кога пред судот се појавила во тесни фармерки и кожени чизми, но пред судот се расплакала откако и било прочитано обвинението за банкарска измам и фалсификување пасош. Дококу биде прогласена за виновна, таа може да добие затворска казна до 40 години.Во овој случај се обвинети дури 37 лица, најмногу студенти од Русија, кои наводно планирале да искористат компјутерски вирус со кој би извадиле пари од банки, а меѓу нив е и Свечинскаја. Таа инаку студира во Њујорк а нејзината улога била заедно со уште четворица студенти да отвори стотици банкарски сметки.Овинителството тврди дека Свечинскаја отворила најмалку пет сметки, на кои „легнале“ украдени 22 илјади долари. Во акцијата била вклучена и британската полиција која уапси 11 лица од источноевроспките земји во Есекс. Тие се обвинети за перење пари и банкарски грабеж на шест милиони фунти.Во акцијата што ја започна американското FBI, се вклучи и Украина.Американското федерално истражно биро тврди дека станува збор за најголемиот сајбер криминал со кој некогаш се сретнале неговите агенти. Според нив, целиот хакерски синџир, преку вирус тројанец којшто го купиле за само 400 фунти, успеал да украде дури 70 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хит панталони за пролетва: ги издолжуваат нозете
Широките панталони се идеални за пролетен изглед бидејќи одлично одат со романтични блузи, топови и широки сакоа. А доколку изберете ваков тип на бели панталони, даваат ефект на долги нозе и вита линија.
Широките панталони може да се носат во разни ситуации, од лежерни излегувања до елегантни настани, а тајната на добриот изглед е во нивното комбинирање со соодветни модни парчиња и додатоци. Но, пред сè, треба да ги пронајдете вистинските, модел што ѝ одговара и на вашата фигура.
Моделот со средно висока половина ја истакнува силуетата, а самиот крој создава ефект на долги нозе. Покрај тоа, овој модел на панталони во бела боја е идеален за комбинирање со клучните пролетни трендови.
Совршено се вклопуваат со сандали на потпетици.
Забава
Никол Кидман ги изненади фановите со промена на имиџот
Оскаровката Никол Кидман се пофали со својата промена на имиџот на својот инстаграм-профил.
56-годишната актерка ја покажа својата нова боб-фризура заменувајќи ги препознатливите долги кадрици.
Обожавателите во коментарите го пофалија нејзиниот нов изглед, а многумина напишаа дека актерката изгледа помладо.
„Безвременски“, „Ја сакам твојата коса“, „Време беше“, „Изгледаш фантастично“, се дел од коментарите.
Сепак, имаше и такви што беа разочарани од новата фризура.
„Каде ти се локните?“, „Извини, но воопшто не личиш на себе“, „Никогаш не би помислил дека ова е Никол“, напишале тие.
Забава
Real tribute – симфониски концерт на Тина Тарнер на 1 јуни во Скопје
Ексклузивниот концерт, кој го има пропатувано речиси целиот свет, конечно, и во Македонија.
Рок симфонијата Simply the best, посветена на кралицата на рокенролот и музичката икона Тина Тарнер, ќе биде изведена на 1 јуни во арената „Борис Трајковски“ со повеќе од 40 луѓе на сцената.
Тина Тарнер беше славна по своите бурни, енергични сценски изведби и по моќниот вокал, често нарекувана кралица на рокенролот и музичар што остави неизбришлива трага во светот на музиката, забавата и културата. Неисцрпна инспирација е за многумина, а нејзината важност се чувствува и кај генерациите што доаѓаат.
Присутните ќе имаат можност да уживаат слушајќи ги највлијателните и најпознати хитови, како што се Proud Mary, What’s Love got to do with It, Simply the best, We don’t need another hero и многу други. Добро познатите балади ќе ги разнежнат сите присутни, а брзите ритми ќе ги подигнат сите на нозе, вели организаторот.
Рок-симфонијата е посветена токму на неа, а на неа ќе се изведуваат и песни од бендови, како „Ганс анд роузес“, „Дип парпл“, „Еј-си/Ди-си“, како и познати дуети, кои ја одбележаа светската кариера на Тина. На 1 јуни публиката ќе има можност на еден поинаков начин да ја почувствува енергијата на легендарната Тина.
Тина Тарнер беше една од најголемите рок-пејачки на сите времиња и така и ќе остане запаметена.
Сите оние што сакаат да доживеат ноќ исполнета со многу енергија и страст може уште веднаш да ја купат својата влезница.
Влезниците се пуштени во продажба.