Забава
Тони Зен во промотивен спот на Young derm
Дерматолошки тестираната формула Young derm со докажана ефикасност, зад која стои експертизата на реномираната компанија Алкалоид, конечно доби нов имиџ.
На редизајнот на младешката колекција за кожа Young derm се работеше 10 месеци, беа спроведени две квалитативни истражувања на пазарот за навиките, ставовите и за преференциите на младата, пребирлива, по малку комплицирана и висококритична возрасна група – тинејџери на возраст од 12 до 17 години, кои во голема мера учествуваа во креирањето на новиот изглед на производот, трендовски и близок до корисниците.„Главната цел беше да се направи спот, кој не само што ќе го промовира новото пакување на производот туку и ќе предизвика интерес меѓу младите“, се вели во соопштението на компанијата. Истражувањата покажаа дека младата популација има големи соништа, живее во динамично опкружување кое понекогаш е напорно да се следи заради брзиот проток на информации, меѓутоа скоро 90% од испитаниците во анектите имаа свои идоли со кои сонуваат да се сретнат, да се фотографираат и да комуницираат. Затоа и изборот на главните ликови во новата кампања за производот Young derm падна на Јана Бурчевска, скромната девојка од соседството, несудениот македонски идол и на најславниот македонски хип-хопер – Тони Зен. Во новиот спот, тинејџерката Јана сонува да стане славна пејачка. Јана го има својот музички идол Тони Зен со когошто се појавува на концертната сцена и пее дует. Секако, тука е мајката на Јана, која како и секоја друга мајка, понекогаш знае да ги „сруши“ големите младешки и понекогаш нереални соништа, но велат: „Никогаш не се знае кој ќе се појави зад аголот“. Можеби тоа ќе е некој којшто сонуваме да го видиме…За целите на кампањата, нашата позната креаторка Росица Мршиќ, дизајнираше маичка со препознатливи елементи, трендовски форми и бои, инспирирана од динамичното секојдневие и од типичниот тинејџерски стил на изразување и на облекување.Ова ќе биде комплетна кампања, којашто Алкалоид АД – Скопје ја креираше заедно со Концепт маркетинг комуникации, во извонредна техничка изведба на студиото за продукцијата Вертиго Вижуалс. Музиката, специјално за ТВ-спотот Young derm, ја направи Јован Јованов, текстот е на Тони Зен, а наскоро се очекува пуштање на целосната верзија на песната во македонскиот етер. Креирана е интернет и Facebook-страница за колекцијата, ќе следуваат промоции на местата на продажба, а со свои стручни совети за нега на тинејџерската кожа ќе учествува врвната дерматолошка ординација Д-р Анчевски. Како централна активност на кампањата, Алкалоид најави промотивен настан кој ќе се случи на 10 јуни 2012 г., во Градскиот парк пред Школка, кој ќе го означи крајот на учебната година и ќе ги подготви тинејџерите за долгото топло лето, со нивниот нов идол – Young derm. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бесплатна тетоважа за Пленковиќ; сопственикот на салонот: Ме повикуваат од сите страни
За само еден ден на социјалните мрежи урнебесно се прошири најавата за тетовирање во Пожега. Тие напишаа дека нудат бесплатна тетоважа за Андреј Пленковиќ и покажаа како би изгледала.
Многумина можеби мислат дека ова е добра шега среде избори – но не е. Згора на тоа, сопственикот на салонот за „Индекс“ изјави дека многу луѓе веќе се јавиле за термин.
„Понудата е повеќе од сериозна, што е поткрепено со големиот одѕив на споменатата објава. Ме повикуваат од сите страни. Во мојата долгогодишна работа истетовирав многу личности, а сега решив да направам една тетоважа подарок, со оглед на тоа дека изборите се актуелни“, објасни сопственикот на првото и најстаро студио за тетовирање во Пожега.
View this post on Instagram
Сепак, признава, настанал проблем што повеќе луѓе се пријавиле за тетоважа – многу повеќе отколку што очекувал.
„Ќе треба да подготвам неколку верзии на тетоважата. На пример, лут Пленковиќ, среќен, загрижен Пленковиќ, Пленковиќ во разни пози, варијации во боја или црно-бело“, додал сопственикот, кој, изгледа, ќе има многу повеќе работа овие денови отколку што се надеваше.
„Постојано правам некоја игра со акција или подарок, но овој одговор ме изненади“, заклучил тој.
Забава
Бјелогрлиќ ги откри деталите од третата сезона на „Сенки над Балканот“
Третиот циклус од популарната серија „Сенки над Балканот“, која публиката долго време ја чекаше со големо нетрпение, е во фаза на пишување, а како што најави режисерот и актер Драган Бјелогрлиќ, снимањето ќе почне кон крајот на летото.
Драган Бјелогрлиќ и неговиот тим соработници интензивно работат на сценариото за третата сезона на една од најпопуларните серии на нашите простори – „Сенки над Балканот“, а овој пат актерската екипа ќе ја комплетираат Нина Јанковиќ, Милан Мариќ и Милош Биковиќ во Јосип Броз Тито, пишува Nova.rs.
„Во моментот пишуваме. ‘Сенките’ се многу тежок проект за мене, но страшно инспиративен“, почна Бјелогрлиќ опишувајќи го процесот на создавање:
„Многу се плашам кога влегувам во процесот на пишување, а по процесот на снимање и сѐ друго толку ме обземаат ‘сенките’, што веќе не можам да правам ништо друго и да се занимавам со ништо. Веќе сум на возраст кога би сакал да живеам малку поопуштено, затоа и го одложив. Сепак, влеговме во процесот на пишување, ја напишавме целата приказна, првите две епизоди се завршени, сега ја пишуваме третата. Се надевам дека сѐ ќе биде готово до август и дека снимањето ќе почне во текот на август, дека ќе завршиме до Нова година и дека ќе се емитува напролет“.
Во серијата , покрај стандардните ликови, ќе бидат и Милан Мариќ, Нина Јанковиќ и Милош Биковиќ, а Драган Бјелогрлиќ го откина временскиот период што ќе се прикажува во третиот циклус од популарната серија.
„Имаме работа со периодот од 1939 година, приказната почнува кога Милан Стојадиновиќ распишува избори, тоа беа многу важни избори на кои победи, но не дојде на власт, го наследи принцот Павле. Тоа беше многу значајна година кога на сите им беше јасно дека доаѓа голема војна, дека светот нема да изгледа како порано и дека секој има свои планови. Можам да кажам дека една од најголемите мистерии се случува на панината ‘Ртањ“, ги откри деталите режисерот Драган Бјелогрлиќ и ја заинтригира публиката, која со нетрпение го очекува продолжението на популарната серија.
„Во Србија има многу мистицизам. Го избравме ‘Ртањ од друга причина, а ‘Ртањ е интересен поради легендите, по населението што живее таму и верува во секакви работи и затоа што таму имаше некои рудници“.
Дали овој трет циклус ќе ја заврши приказната останува да видиме. Но, едно е сигурно, а тоа е дека сите со нетрпение ја очекуваат новата и возбудлива приказна за своите омилени херои, кои ги толкуваат: Драган Бјелогрлиќ, Андрија Кузмановиќ, Марија Бергам, Наташа Нинковиќ, Небојша Дугалиќ, Ненад Јездиќ, Срѓан (Жика) Тодоровиќ, Горан Богдан, Јована Стоиљковиќ.
Забава
Фустаните на принцезата Дијана изложени во Хонг Конг пред аукцијата
Светложолтата јакна обложена на рамениците и украсена со блескави златни копчиња, која ја носеше принцезата Дијана на патувањето во Хонг Конг во 1989 година, ќе биде една од шесте нејзини парчиња изложени во поранешната британска колонија пред аукцијата закажана за јуни.
Колекцијата на фустани, чевли и чанти на принцезата од Велс е изложена во трговскиот центар во Хонг Конг во следните 12 дена од четврток пред колекцијата да се пресели во Ирска до аукцијата на 27 јуни. Принцезата Дијана, која загина во сообраќајна несреќа во Париз во 1997 година, ја диктираше модата секогаш кога се облекуваше и излегуваше, рече Мартин Нолан, директор на аукциската куќа „Џулиен“ со седиште во Калифорнија.
Познатата јакна од нарциси на дизајнерката Кетрин Вокер би можела да достигне цена од 50.000 долари, а синиот вечерен фустан со ѕвездички би можел да достигне цена од 400.000 долари. Принцезата го носеше овој фустан од дизајнерот Мареј Арбејд на премиерата на „Фантом од операта“ во 1986 година во Вест Енд, Лондон.
Изложени е и вечерната тоалета со свила и тантела од дизајнерот Виктор Еделштајн и цветната тоалета на Кетрин Вокер, што Дијана ја носеше во 1991 година.
Еден од посетителите, 69-годишниот Фунг, се присетува како толпата се насобрала на улиците на Хонг Конг кога Дијана пристигнала во тој град во 1989 година. „Таа беше харизматична, грижлива и посветена на добротворната работа. Затоа е исклучително почитувана во Хонг Конг“, вели Фунг.
Во 2023 година аукциската куќа „Џулиен“ продаде вечерен фустан на принцезата Дијана за рекордни 1,14 милион долари.