Забава
Последен лет на шатлот Ендевор врз грбот на Боинг747
Американското вселенско летало Ендевор во среда на грбот на авионот Боинг 747 тргна на своето последно патување од Флорида кон Калифорнија, каде што ќе биде изложено во Музејот во Лос Анџелес, наведува НАСА.
Авионот без проблем полета рано наутро полокално време, а доаѓањето на аеродромот во Лос Анџелес се очекува за два дена. Со ова завршува 19 годишната историја на леталото што стана второ од трите американски шатла што престануваат да се користат.
Вселенското летало тешко 85 тони ја заврши својата последна мисија во вселената во мај-јуни 2011 година.
НАСА соопшт5и дека Ендевор минал вкупно 198 милиони километри за време на 25 мисии во вселената.
Најстарото и најмногу користено летало Дискавери летачката кариера ја заврши со минати 238 милиони километри и 365 дена во вселената.
Дискавери првпат беше лансиран во 1984 година и 39 пати леташе во вселената, повеќе од било кој шатл. Тој е најстариот од трите шатла на американската вселенска агенција и прв што замина во музеј.
НАСА минатата година, по 30 години, ја заврши програмата на вселенски летала и на приватните американски компании им ги препушти вселенските летови за снабдување на Меѓународната вселенска станица. /крај/кл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.