Забава
Американските конгресмени во канцелариите работат и ноќеваат
Педесетина претставници во американскиот Конгрес, повеќето републиканци, сериозно ја сфаќаат својата работа и луѓето коишто ги избрале и поради тоа во канцелариите работат и преспиваат, според практиката почната во 1990-те која со Претставничкиот дом претседаваше Њут Грингич
Сите овие, како што ги нарекуваат медиумите „кампери од Капитол“, се мажи кои сметаат дека штедат време преспивајќи во канцеларијата, бидејќи така можат подобро и потемелно да се подготват за работата и подобро да ги застапуваат своите избирачи.
Тим Валберг, претставник од Мичиген, спиел три ноќи во седмицата на душек на надување . Откако беше повторно избран на 6-ти ноември се преселил во малку поголема канцеларија и сега има кревет кој го чува во нишата меѓу фрижидерот и шкафот полн со житарки и готови јадења.
„Со тоа им покажувам на моите гласачи дека не ме заразила вашингтонската треска“, вели Валберг убеден дека многу политичари на Капитол со вемето ја губат врската со вистинскиот свет.
Џо Валш од сојузната држава Илиноис на своите гласачи им вети дека ќе спие во канцеларијата „бидејќи така секогаш се потсетува дека тој е тука за да им случи ним а не затоа да врши добро платена работа“.
Пол Госар од Аризона со спиењето во канцеларијата покажува дека штеди и време и пари, бидејќи не минува многу часови во сообраќајните метежи. Тој често и викендите ги минува во својата канцеларија во Вашингтон, за да заврши работа и да заштеди време на патувањето до неговиот дом во Аризона. Госар, кој инаку е стоматолог, спие на мала софа или душек која наутро ја спакува во вграден плакар.
Пресметал дека изнајмување на гарсониера во Вашингтон би го чинела 20 илјади долари годишно. Со годишната плата од 174 илјади долари и три деца кои ги школува, задоволен е што штеди живеејќи речиси како монах.
Претставниците се тушираат во гимнастичкиот клуб на Капитол, пет минути пешки до најоддалечената канцеларија, и тоа им е добра рекреација. Истакнуваат дека им одговара мирот на нивите канцеларии навечер.
„Не сум принц, ниту господар, дури ни ноќен чувар, Мојата единствена привилегија е што сум обичен претставник на гласачите“, вели Тим Валберг, среќен што не преспива во студена хотелска соба, туку во зграда каде се одвивала историјата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.