Забава
Кулинарско шоу со јадење во кои е користен тутун во Хавана
На гостите на петнаесеттото издание на Меѓународниот фестивал на пурата, кој се одржува во кубанската престолнина Хавана, им беше понудена риба печена во листови тутун, како и сол, леб, сосови, пијалаци, па дури и сладолед, во кои една од состојките е тутунот.
Кулинарското шоу со дегустација на вкусни јадења приготвени со употреба на тутун, се одржа во четвртокот во Конгресната палата во Хавана. Гостите на XV Меѓународен фестивал на пурата, можеа да пробаат риби печени во листови од тутун, како и други прехранбени продукти, како сол, леб, сосови, пијалаци и сладолед, во кои една од состојките е тутунот. Хрватските готвачи Гргур Баксич, Зоран Симуниќ и Пантелија Пекиќ на сцената во конференциската сала ги демонстрираа сите тајни на „високата кујна со чад и никотин” од најдобрите и најскапи пури во светот – Habanos.
„Не знам зошто, но тутунот порано не се користел во готвењето. Шоуто што се одржа во Хавана, е првото такво. Месен бифтек или рибно филе маринирани со медот од листот во кој се завиткува пурата, во процесот на подготовка, стануваат неповторлив и прекрасен вкус”, изјави за РИА Новости хрватскиот готвач Гргур Баксиќ.
Според него, таквите егзотични јадења наскоро ќе влезат во постојаните менија на рестораните на Куба, чијашто своевидна „легитимација” е пурата. Хрватскиот готвач додава дека тој е „фанатик” на Habanos пурите и последните две години заедно со колегите работеле на десетици рецепти во кои како компонента на оброкот се употребува тутунот.
„Ми се допадна путерот од пура и салатата од ананас натопена во тутунов лист. Имав чувство како да сум пушел Habano”, вели за своите впечатоци на сопственикот на московскиот клуб Куќа на кубанските пури, Владимир Сушков. Според него, неговите колеги ресторатери во Русија се заинтересирани за ваквото тутунско кулинарство.
Широкиот избор на јадења од тутун ќе биде презентиран на завршната фестивалска гала вечера што ќе се одржи во сабота, на којашто ќе појават поранешниот прв светски рекет Борис Бекер, поранешниот НБА кошаркар и олимписки шампион во 1996 и 2000 година, Гери Пејтон, италијанскиот оперски пејач Дарио Балзанели (ученик на славниот Лучијано Павароти) и други познати личности.
Меѓународниот фестивал на кубанските пури, годинава е посветен на двете најпрестижни Montecristo и Partagаs, се одржува во кубанската престолнина Хавана од 26-ти февруари до 2-ри март. Привлече илјадници претставници на тутунската индустрија и експерти од 70 земји од светот кои ги посетија плантажите на најдобрите сорти тутун во светот во провинцијата Пинар-дел-Рио, учествуваа на конференцијата под мотото „Повеќе од 500 чекори од семе до чад”, експертски предавања на техники за изработување и виткање пури. Пурите Habanos, кои се продаваат во повеќе од 150 земји, станаа симбол на респектабилен животен стил и на висока статусна позиција во општеството. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мрачните страни на секој од хороскопските знаци
Секој хороскопски знак носи своја темна страна која може да биде предизвик, но нуди и можност за личен раст и развој. Разбирањето и прифаќањето на овие помалку светли аспекти на нашите астролошки профили може да ни помогне да станеме подобри верзии на себе.
Што се крие во сенката на секој хороскопски знак.
Овен: Импулсивност и агресивност
Овните се познати по својата храброст и енергија, но нивната импулсивност може да ги доведе во неволја. Тие се склони кон ненадејни реакции и понекогаш агресивно однесување кога работите не одат според нивниот план.
Бик: Посесивност и материјализам
Бикот ја цени сигурноста и удобноста, што може да ги доведе до прекумерна посесивност и материјализам. Тие имаат тенденција да акумулираат имот до тој степен што може да ги задуши другите аспекти од нивниот живот.
Близнаци: Неконстантност и дволичност
Близнаците се прилагодливи и комуникативни, но нивната способност да ги гледаат работите од различни перспективи може да ги направи непостојани, а понекогаш и со две лица, збунувајќи ги оние околу нив.
Рак: Преосетливост и манипулативност
Раковите се исклучително емотивни и сочувствителни, но нивната пречувствителност може да ги доведе до емоционална манипулација со цел да го заштитат своето ранливо срце.
Лав: Егоизам и доминација
Лавовите се родени како лидери и сакаат да бидат во центарот на вниманието, но нивното его може да прерасне во себичност и потреба да доминираат, што може да ги отуѓи другите.
Девица: Перфекционизам и критичност
Девиците се познати по тоа што се методички и аналитички настроени, но нивниот перфекционизам може да доведе до парализа на анализата и прекумерна критика кон себе и кон другите.
Вага: Неодлучност
Вагите се стремат кон хармонија и рамнотежа, но нивната потреба да им угодат на сите може да резултира со неодлучност. Исто така, нивната фасцинација со убавината може да ги наведе да прават површни проценки на луѓето и ситуациите.
Шкорпија: Опсесивност и одмаздољубивост
Шкорпиите се интензивни и страсни, но нивните длабоки емоционални вложувања можат да станат опсесивни. Кога се повредени, можат да бидат крајно одмаздољубиви.
Стрелец: Непромисленост и тактичност
Стрелците се познати по својата искреност и оптимизам, но нивната директност може да биде непромислена и да ги повреди другите. Исто така, нивната желба за слобода може да ги доведе до неодговорно однесување.
Јарец: Песимизам и непопустливост
Јарците се дисциплинирани и амбициозни, но нивната тенденција да го гледаат светот црно-бело може да ги направи песимисти и крајно непопустливи.
Водолија: Отсуство и студенило
Водолиите се иновативни и неконвенционални, но нивната потреба за индивидуалност може да ги направи емотивно отсутни и ладни, што го отежнува градењето длабоки врски.
Риби: Се жртвуваат и бегаат од реалноста
Рибите се сочувствителни и интуитивни, но нивната тенденција да се жртвуваат за другите може да ги истроши. Исто така, нивната желба да избегаат од реалноста може да ги доведе до нездрави облици на бегство.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.