Забава
Осумдесетгодишен Јапонец стана најстариот освојувач на Еверест
Осумдесетгодишниот јапонски алпинист Јуиширо Миура, кој имал четири операции на срцето, се искачи во четвртокот на Монт Еверест со што стана најстариот освојувач на највисокиот планински врв на планетата.
Јуиширо Миура се искачи на врвот висок 8.848 метри на Хималаите, по стандардната југоисточна траса по којашто пред шеесет години први минаа британскиот алпинист сер Едмунд Хилари и шерпасот Тенцинг Норгаи. На Еверсет Јапонецот се искачил во придружба на уште тројца сонародници, меѓу кои и неговиот син, како и шест непалски шерпаси, пренесуваат светските агенции.
„Чувството е прекрасно“, изјавил Миура по доаѓањето на врвот, јавувајќи им се со сателитски телефон на роднините и пријателите собрани во јапонската престолнина Токио, пренесува Reuters.
Инаку трето искачување на Јуиширо Миура на Монт Еверест или познат и како „покривот на светот“. Миура веќе влезе во Гинисовата книга на рекордите кога беше регистриран како најстариот освојувач на Еверсет кога во 2003 година како 70-годишник го совлада врвот. Тогаш тоа беше неговото прво искачување на легендарната планина.
Неговиот рекорд беше надминат во 2007 година од страна на неговиот сонародник Катцусуке Јанагисава, кој тогаш имаше 71 година, а од мај 2008 година рекордот го држеше Непалецот Бахадур Перчан кој се искачи на Еверест на возраст од 76 години. И Миура истата година го направи своето второ искачување на Еверест, имаше 75 години, односно една година беше помлад од тогашниот најстар искачувач на врвот.
„Кога се искачив на 75-годишна возраст, сфатив дека ништо не е невозможно“, изјави Миура.
Дека станува збор за несекојдневен алпинист потврдува и податокот дека во 1970 година Миура бил првиот кој од Еверест се спуштил со скии. Тргнал од височина од околу осум илјади метри и користел падобран за кочење при спуштањето.
Филмот „Човекот кој со скии се спушти од Еверест“ кој беше награден со Оскар во категоријата документарни филмови, е снимен токму за Јуиширо Миура кој инаку потекнува од навистина здрава и долговечна фамилија, бидејќи неговиот татко Кеизо Миура од Мон Блан се спушти со скии на возраст од 99 години./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хајди Клум: Лута сум на Софија Вергара поради Гризелда
Хајди Клум изјави за Entertainment Tonight дека е лута на колешката, судијката на America’s Got Talent, Софија Вергара, затоа што актерката не успеала да и даде улога во нејзината нова серија на Нетфликс, Гризелда.
„Бев вознемирена, па ја прашав: „Зошто не можев да бидам една од твоите роднини? Можев да бидам братучетка што не зборува, бидејќи очигледно не зборувам шпански“, рече 50-годишниот легендарен, германски модел.
Да потсетиме, биографската криминалистичка драма Гризелда за кумата на кокаинот, озлогласената нарко шефица Гризелда Бланко ги маѓепса гледачите ширум светот.
Забава
Алберт од Монако проговори за сопругата: „Многу е вознемирена поради тоа што се пишува“
Принцот Алберт од Монако во ново интервју, по повод неговиот 66-ти роденден, изјави дека неговото семејство и јавноста го поддржале откако поранешен сметководител го обвини за финансиски неправилности. Сепак, тој призна дека неговата сопруга, принцезата Шарлин, е многу вознемирена поради се.
Принцот Алберт зборуваше за Paris Match два месеци откако сметководителот Клод Палмеро откри дека личните трошоци на Шарлин скокнале на повеќе од 1 милион евра годишно.
„Шарлин беше многу вознемирена и тажна поради одредени работи кои излегоа во медиумите. Се поддржувавме еден со друг. Таа се врати на многу нејзини активности, презема повеќе јавни ангажмани, на општо задоволство на сите“, рече тој.
Протечените документи го обвинуваат и кралското семејство дека вработува илегални имигранти. Палмеро (67) беше задолжен за финансиите на кралското семејство повеќе од две децении, но се повлече во јули.
Принцезата Шарлин ја нарекуваат „најтажната принцеза на светот“ затоа што речиси никогаш не се насмевнува во јавност. Нејзиниот брак со Алберт често се зборуваше дека е во криза, но парот продолжува да се појавува заедно во јавноста.
Забава
Италијански модел: Толку сум убава што луѓето мислат дека сум вештачка интелигенција, тоа е фрустрирачки
Италијанската манекенка Инес Трокија има 1,6 милиони следбеници на Инстаграм и ги израдува обожавателите со своите фотографии. 29-годишната инфлуенсерка од Неапол соработувала со многу познати имиња во светот на модата, од Филип Плејн до Долче и Габана, а со своите следбеници често споделува фотографии кои собираат стотици илјади лајкови.
View this post on Instagram
Сепак, убавата Италијанка се соочува со малку бизарни обвинувања. Имено, Инес тврди дека е толку убава што луѓето често ја обвинуваат дека е модел со вештачка интелигенција, пишува New York Post.
View this post on Instagram
„Исклучително е фрустрирачки што луѓето мислат дека сум модел со вештачка интелигенција. Тоа е сосема лудо за мене”, се пожалила Инес, која со години позира пред камерите и го усовршува својот талент.
View this post on Instagram
„Шокантно ми е тоа што некои луѓе се прашуваат дали сум реална. Мислам дека мојот профил не личи на бот-профил. Секогаш можеш да кажеш кога се користел модел со вештачка интелигенција бидејќи тие го имаат истиот тажен израз на секоја фотографија и видео“, објасни таа.
Покрај тоа, таа објасни дека измамниците често и прават фотографии и видеа, а потоа и фотошопираат друго лице на нејзиното тело.
View this post on Instagram
„Некој од бот профил ми украде едно од видеата и таму доби повеќе прегледи отколку на мојот профил. Разговарав со некои мои колеги и пријатели од индустријата и тие го имаат истиот проблем“, објасни Инес, на која не и се допаѓаат модели со вештачка интелигенција.
View this post on Instagram
„Некои од профилите со вештачка интелигенција што ги видов поставуваат невозможни стандарди. Моделите со вештачка интелигенција имаат тенденција да имаат супер бебешки лица со гради и црти на лицето непропорционални со нивните тела“, заклучи таа.
View this post on Instagram
Инаку, моделите со вештачка интелигенција неодамна станаа хит на Инстаграм, а една од нив е виралната сензација Емили Пелегрини, која го привлече вниманието на милионерите и спортистите. Единствениот проблем е што, за разлика од Инес, таа не е вистинска.