Забава
Кадилакот на Елвис Присли и очилата на Џон Ленон на аукција
Кадилакот на Елвис Присли, стариот камионет на Стив Меквин и очилата за сонце со диоптрија на Џон Ленон се само некои од стотината предмети што кон крајот на јули ќе се најдат на аукција во Калифорнија.
Аукциската куќа „Мекум“ соопшти дека на 26 и 27 јули на аукција ќе стави околу 2.000 предмети, од кои некои припаѓале на многу славни личности.
Според нив, главна ѕвезда на вечерта ќе биде кадилакот на Елвис Присли, од 1972 година.Кралот на рокенролот го возел овој автомобил од 1972 до својата смрт во 1977 година, а автомобилот бил гаражиран во домот на менаџерот на Елвис, полковникот Том Паркер, а потоа во хотелот „Хилтон“ во Лас Вегас.
Подоцна е однесен во Грејсленд, за во 1999 година биде продаден на аукција со другите работи на Елвис Присли.
Покрај кабриолетот на аукцијата ќе се мајдат и камионет шевролет и два мотори кои му припаѓале на Стив Меквин.
Моторот во сопственост на Денис Хупер исто така ќе се најде на аукција, заедно со автомобилите на Френк Синатра, Ринго Стар и Бет Дејвис.
Секако, дел од аукцијата ќе бидат и `авијатичарките` на Ленон од 1970-тите, колекцијата на Џон Хангер во која се наоѓа и костимот на Капетан Америка од 1944 година и камшикот користен во „Индијана Џонс“.
Дека се работа за една единствена аукција зборува и фактот што на неа че се најдат и предмети од Џон Вејн, Мерлин Монро, Џек Никлсон, Хантер С.Томпсон, ЏИми Стјуарт, Џин Кели, Барт Рејнолсд и други./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.
Забава
Ќерката на познатата актерка блесна во фустанот што го носеше нејзината мајка пред 25 години
Наследничката на славната двојка го прослави својот роденден во она во што порано блескаше нејзината мајка Кетрин Зета Џонс.
Ќерката на познатата актерска двојка Кетрин Зета Џонс и Мајкл Даглас пред неколку дена го прослави својот 21 роденден, а за таа прилика облече прекрасен фустан кој нејзината мајка го носеше дури пред 25 години.
Дека јаболкото не паѓа далеку од дрвото и дека некои парчиња облека се вечни, без разлика на модните трендови, покажала младата и убава Керис Зита Даглас, која не била ни родена кога нејзината мајка ја носела оваа креација од свила и тантела.