Забава
Полска ги повикува туристите: „Дојди да кукаме заедно“
Полска реши на специфичен начин да привлече туристи, искористувајќи го за рекламна кампања својот, како што велат, национален спорт „жалопојките“.
Полјаците сметаат дека се ненадминливи во кукање дека ништо не е како што треба, а на интернет се појавија клипови од кампањата „Дојди и жали се“.
Кампањата е смислена преку три видео-клипа кои духовито ги прикажуваат постигнувањата на Полјаците и нивната татковина, но иронично, преку жалење дека и тоа било одамна или за нешто помало.
„Во што се Полјаците најдобри? Веројатно во ништо. Освен можеби во кукумјавчење“, вели во еден од клиповите полски таксист.
„Дали полската култура значи нешто во светот?“, се прашува еден научник во универзитетски амфитеатар и додава дека можеби светот го знае писателот Станислав Лем, но тој никогаш не добил Нобелова награда. Според неговите зборови, познат е и режисерот Анжеј Вајда, кој додуша добил Оскар, но само за придонес кон светската кинематографија, а и тоа било одамна.
Трите промотивни спота се дел од кампањата нарачана од државна институција, но сé уште не се открива која.
Веќе сега капмањата предизвика негодувања и одушевувања, а на фејсбук има 15.000 `лајкови`.
„Тоа е како Нигерија да се промовира со шегата ‘Дојди кај нас да се заразиш од СИДА’, коментира еден од незадоволните Полјаци, но други предупредуваат дека за таква кампања потребна е специфична смисла за хумор.
„Тој ироничен хумор на своја сметка во стилот на ‘Монти пајтон’, злобен и интелигентен е тоа што ние го сакаме и во што сме силни. Меѓутоа, имаме предвид дека тоа нема секаде во светот да се сфати добро“, вели експертот за реклама и медиуми, професорот Вјеслав Гоџич./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.