Забава
Проѕирен дијамант продаден за над 30 млн долари
Проѕирниот дијамант од 118,28 карати во форма на јајце е продаден во понеделникот за 30,6 милиони американски долари на наддавање на аукциската куќа Sotheby’s којашто го претстави како најголемиот проѕирен дијамант кога и да е понуден за продажба.
Овој скапоцен камен со големина на помало јајце од кокошка кој беше продаден на аукцијата во Хонгконг, е клaсифициран со ознаката D, што претставува највисокиот степен кој го доделува американскиот институт за драги камења.
Инаку постигнатата цена се наоѓа во близина на очекуваниот минимум, затоа што на почетокот на септември, во Sotheby’s проценуваа дека за него ќе постигнат цена меѓу 30 и 35 американски долари. Сепак, станува збор за цена повисока од 26,7 милиони долари којашто ја плати сегашниот сопственик за проѕирен дијамант од 101,73 карати.
Дијамантот кој ќе биде понуден во октомври е ископан во 2011 година во земја во јужна Африка чиешто име не се открива. Во необработена состојба каменот тежел 299 карати.
Неодамна беше најавено дека на октомвриската аукција на дијаманти во Хонгконг ќе биде понуден и дијамантот наречен „Premier Blue“ од 7,59 карати, за кој се очекува дека ќе достигне цена од 19 милиони долари.
Хонгконг стана центар за аукциски продажби на накит благодарение на сé поголемиот број богати луѓе во Кина и во пацифичкиот регион кој пројавува се поголем интерес и за уметничките дела.
Вљубениците во скапоцените камења сега се во исчекување на наддавањето за извонредниот розов дијамант проценет на повеќе од 60 милиони долари, кој ќе биде понуден во ноември во Женева.
Обоените скапоцени камења, на кои отпаѓаат 0,01 отсто од ископаните дијаманти во светот, доминираат според цените на пазарот на накити и драгоцени камења. Нивните посебности и естетскиот изглед предизвикуваат рекордни цени на наддавањата, како што е на пример 24,78-каратниот дијамант „Fancy Intense Pink“ за кој на аукцијата во ноември 2010 година во Женева, лондонската јувелирница „Graff“ плати рекордни 45,6 милиони американски долари./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.
Забава
Џенифер Лопез за првпат во сосема „обично“ издание
Џенифер Лопез (54) носи беспрекорни фустани на јавната сцена и ја нарекуваат кралица на стилот, а често ги раздвижува модните трендови, па дури и знае совршено да носи необични комбинации.
Нејзиниот фантастичен изглед во шестата деценија се должи на нејзината посветеност на спортот и здравиот начин на живот. Познато е дека латино дивата секој ден оди во теретана и дека цел живот напорно тренира, како и дека папараците будно ја следат, па често ја фаќаат во тренерки и патики кога оди на тренинг.
Меѓутоа, додека ја напуштала луксузната зграда во Њујорк, таа изгледала речиси непрепознатливо, без шминка и со мокра коса. Се качила во луксузен автомобил, а се претпоставува дека одела на адресата каде што ја чекале нејзиниот долгогодишен тим експерти – шминкери, фризери и стилисти , за да може да блесне во изданието на кое сме навикнати од оваа голема ѕвезда.