Забава
Виолината од ‘Титаник' продаденa за повеќе од милион евра
Виолината на којшто било свирено додека тонел „Титаник’ во 1912 година во саботата е продадена на наддавање на британски колекционер а повеќе од милион евра, 101 година по потонувањето на легендарниот брод.
„Апсолутно сум одушевена“, изјави Кристин Олдриџ, портпаролка на британската аукциска куќа Henry Aldridge & Son, додавајќи дека наддавањето не повеќе од десет минути.
Виолината е продадена за 1,063 милиони евра, со што стана предмет од „Титаник“ кој е продаден за највисока цена. Името на британскиот колекционер не е соопштено, а тој пред почетокот на аукцијата депонирал 300 илјади фунти.
Инструментот бeше изложен за целата јавност во северноирскиот музеј „Титаник Белфаст’, посветен на историјатот на бродоградилиштетот „Harland & Wolff“ каде што е изграден „Титаник“. Изложбата беше отворена на 18-ти септември и траеше до 13-ти октомври. Потоа виолината беше предадена на аукциската куќа Henry Aldridge & Son, којашто е специјализирана за продажба на предмети од „Титаник“.
Виолината, којашто со чудо ја „преживеала“ трагедијата, во март 2013 година, по 101 година од потонувањето беше вештачена и го доби сертификатот дека му припаѓала на 25-годишниот Волис Хартли, шеф на оркестарот од „Титаник“ кој се прослави свирејќи сѐ додека бродот не потонал во ледените води на Атлантскиот Океан во април 1912 година. Посмртните останки на Хартли биле најдени во водата по десет дена, а виолината во ковчег обложен со кожа била врзана за телото, појасни Ендрју Олдриџ од аукциската куќа која по седум години работа ја утврди автентичноста на музичкиот инструмент.
Своевремено, мајката на Хартли по трагедијата им се доверила на лондонските весници дека е „сигурна оти нејзиниот син умрел стискајќи ја виолината. Беше страсно поврзан со тој инструмент“.
Виолината била подарок од неговата вереница Марија Робинсон, за што сведочи сребрената плочка со натпис „За Волис, по повод нашата веридба. Марија“, На основа на оваа плочка потврдена е и автентичноста на инструментот.
Талогот од корозија настанал поради долгата изложеност на морската вода, потврдиле експертите.
Инструментот од морето го извлекле канадските власти и го испратиле на Марија Робинсон. По нејзината смрт во 1939 година, виолината била доверена на организацијата Војската на спасот, за што сведочи писмото од почетокот на 1940-те во кое една професорка по музика меѓу другото пишува „Речиси е невозможно да се свири на неа, сигурно поради бурниот живот што го проживеала“.
Виолината потоа била доверена на семејство коешто ја чувала на таванот од семејната куќа. Инструментот кој првично беше проценет на најмалку 100 илјади евра, семејството прво соопшти дека нема а го продава, туку дека преговара со музеи.
Бродот, гордоста на британската цивилна морнарица, најсовремен и најлуксузен дотогаш во светот, потонал за 2 часа и 40 минути ноќта кон 15-ти април 1912 година во ледените води на Северен Атлантик на своето прво патување кон Њујорк откако се судрил со санта мраз. Од 2.200 патници и членови на екипажот, се удавиле 1.500, а меѓу нив и осумте членови на оркестарот што го водел Волис Хартли./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.