Забава
Најстарата продавница за плочи во Сохо се продава на eBay
Најстарата продавници за плочи во лондонски Сохо „On the Beat Records“ се продава на eBay со почетна цена од 300 илјади фунти, откако нејзиниот сопственик одлучил да ја препушти работата на „некој друг пасиониран обожавател на музиката“.
Огласот кој го објавил на eBay светски најпознатата аукциска интернет продажна платформа е насловен со „On the Beat Records – продавници на класични винил носачи на звук во центарот на Лондон“, пишува британскиот весник The Guardian.
Сопственикот Тим Дербишир продавницата ја отворил во 1979 година во улицата „Hanway Street“. Денес тој поседува огромна колекција стари фанк и соул, џез, кантри и фолк плочи, но и со поп музика од 1990-те, и од разни други жанрови музика. Во огласот тој ги повикува потенцијалните купци: „Остварете го својот сон и зачекорете во светот на рокенролот – искористете ја својата можност да бидете сопственик на продавница на плочи!“.
„Доколку се наоѓате во животна фаза кога не морате да се грижите за заработката, туку можете да му се препуштите на боемскиот стил на живеење којшто секојдневно може да ви донесе познанства со интересни луѓе а повремено и со поп или рок ѕвезди, ви се нуди можност да ја преземете најстарата продавница на плочи во центарот на модерен Лондон. На истото место веќе со децении, во самото срце на Сохо, веднаш зад аголот од улицата Tin Pan Alley. Вистинска пештера со винилно богатство чијашто жива, интересна историја избива од секој нејзин ѕид“, пишува уште во огласот на Дербишир.
Предупредува дека доколку продавницата набрзо не биде купена, е осудена на пропаст. „Го дадов своето срце и душата сиве овие години, но време е да се повлечам и да ја препуштам работата на некој друг пасиониран обожавател на музиката“, истакнува сопственикот.
На крајот од огласот, се потенцира дека овој продавач не прима рекламации за својот производ.
До истекот на аукцискиот период преостануваат уште само 19 дена. Огласот засега го „гледаат“ 519 заинтересирани, а досега се дадени шест понуди од кои една е одбиена./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Дарко Лазиќ и Дадо Полумента станаа соседи, купија станови во луксузен комплекс
Фолкерот Дадо Полумента и неговиот помлад колега Дарко Лазиќ ќе бидат соседи во луксузен комплекс во Нови Сад.
Станува збор за новосадската населба Поповица, која се наоѓа на само четири километри од центарот на градот.
Тие вчера го посетија градилиштето за да проверат до каде се работите, а заедничките видеа завршија на нивните Инстаграм профили.
– Тоа е точно. Зедовме имоти во истиот комплекс. Ќе бидеме соседи – потврди Дадо за локалните медиуми.
Овој затворен комплекс се простира на неверојатни 9.000 метри квадратни, кои се резервирани за станбени згради и кафеани, од кои дури 2.000 м2 се наменети за зелени површини. Апартманите се движат од 45 квадрати до 175м2. Комплексот опфаќа подземни гаражи, вратар на влезот во населбата, патеки за пешачење и вежбање, како и 4 базени во населбата и 4 детски игралишта.
Сите жители на населбата ќе уживаат во прекрасните погледи од нивните станови, како и во свежиот воздух од падините на Фрушка Гора.
Забава
Мајкл Даглас: Ги посетив децата на факултет, сите мислеа дека сум нивен дедо
Мајкл Даглас отворено зборуваше за предизвиците на родителството во доцниот живот.
79-годишниот актер ги опиша предизвиците на воспитувањето деца во неговите 70-ти. Познатиот актер се присети на моментот кога бил помешан со дедо на сопствените деца додека ги посетувал на факултет. „Ова не е ден на дедото, ова е ден на родителите. Тогаш реков: „Јас сум родител! Тоа беше гадно“, изјави актерот.
Оскаровецот има две деца, синот Дилан (23) и ќерката Керис (20), со сопругата Кетрин Зета-Џонс, со која е во брак речиси 25 години, како и 45-годишниот син Камерон со поранешната сопруга Диандра Лукер.
Даглас, кој стана татко по втор пат кога имал 56 години, признал дека второто семејство подоцна во животот му овозможило да биде подобар татко.
„Камерон тогаш многу страдаше“, рече Даглас, истакнувајќи дека бил преоптоварен со кариерата додека го одгледувал својот најстар син. Тој објасни дека неговиот семеен живот бил трет на неговата листа на приоритети во тоа време, за разлика од кога основал семејство со Зета-Џонс.
„Веќе работев доволно и барав повеќе за да уживам во децата“, призна Даглас. Иако познатиот актер призна дека се мачел да ги држи Дилан и Керис кога биле помали, тој додал дека тој и неговата сопруга сега уживаат во животот без деца.
„Тоа беше одлично време за мене, но имав многу среќа. Кетрин и јас бевме заедно, ќе наполнат 25 години оваа година. Значи, тоа беше добар период и бев многу среќен, среќен со изборот што го направив и сега навистина се враќам назад и малку повеќе ги мирисам розите, повеќе патувам“, рече Даглас.
Добитникот на Златен глобус им се заблагодари и на своите деца што се извонредни суштества и радоста што ја има во животот. „Тие и на Кетрин и на мене ни донесоа огромна радост“, додаде тој.
Даглас почна да излегува со велшката актерка во 1999 година, откако се запознаа на Американскиот филмски фестивал во Довил, Франција. Двојката се венча една година подоцна во хотелот Плаза во Њујорк. Оттогаш, актерите никогаш не се срамат да ја прослават својата љубов на социјалните мрежи, каде актерката често објавува фотографии оддавајќи почит на нејзината долга врска со Даглас.
Во ноември 2023 година, таа ја одбележа нивната 23-годишнина од бракот со објавување серија фотографии од парот низ годините. „Денес славиме 23 години брак“, напиша таа во описот на Инстаграм.
Забава
Јелена Ѓоковиќ воодушеви со изборот на фустан на наградата „Лауреус“
Тенисерот Новак Ѓоковиќ синоќа заедно со сопругата Јелена присуствуваше на доделувањето на спортските награди „Лауреус“ во Мадрид.
По тој повод Новак Ѓоковиќ по петти пат стана најдобар спортист на светот. Српскиот тенисер претходно ја доби престижната награда во 2012, 2015, 2016 и 2019 година. На Новак наградата му ја врачи Том Брејди, легендата на американскиот фудбал и НФЛ.
Тенисерот на престижното доделување дојде со сопругата Јелена Ѓоковиќ, која воодушеви со изборот на фустан и целокупниот изглед.
Таа носеше црн топ фустан од модната дизајнерка Драгана Огњеновиќ.
Заедно со црниот фустан, Јелена носеше и дискретен накит, а косата ја стави во елегантна пунџа.
Новак носеше костум од италијанскиот бренд „Brunello Cucinelli“. Семејството Ѓоковиќ беше добро расположено и насмеано и им позираа на фотографите.