Британскиот актер Том Холанд откри дека ќе го портретира легендарниот Фред Астер во претстојниот биографски филм за човекот кој ќе остане запаметен по танцувањето и пеењето со Џинџер Роџерс во повеќе мјузикли како Top Hat и Swing Time.

Познат како еден од најголемите танчери на сите времиња, Астер имаше седумдецениска кариера во филмот и на сцената во Бродвеј и Вест Енд.

„Го глумам Фред Астер. Сценариото стигнало пред една недела. Сè уште не сум го прочитал. Не ми го дадоа“, изјави Холанд.

„Ејми Паскал го има сценариото“, рече тој, мислејќи на продуцентката на „Спајдермен“.

Еди Фалко, која е трезна веќе три децении, откри дека додека била млада лошите финансии ја навеле да се откаже од кокаинот и да се сврти кон алкохолот.

„Со години не пиев, потоа го испив првиот пијалак на факултет и пронајдов нирвана. Тоа беше одговор на сите мои проблеми и причината за сите мои други проблеми. Бев љубител на кокаин, но никогаш немав доволно пари, марихуаната ми предизвикаше вознемиреност,“ призна таа во интервју за британски „Гардијан“.

58-годишната актерка, која е будист, исто така откри дека кога била зависна од алкохол, нејзиниот порок бил одлучувачки фактор за тоа со кого ќе избере да биде во врска. „Чекав да слушнам колку брзо ќе спомне алкохол и така знаев дека тој е следниот човек“.

Ѕвездата на „Сопранови“, која има две посвоени деца, подоцна се откажала од пиењето кога се разбудила со мамурлак и сфатила дека ја оставила својата влезна врата ширум отворена. Години подоцна доби главна улога во серијата „Медицинска сестра Џеки“ (Nurse Jackie), каде требаше да глуми зависничка од дрога.

„Тешко ми падна идејата за комедија за зависноста,“ рече Еди за „Гардијан“.

„Им реков: ако последната сезона главниот лик не оди на групна терапија и не добие помош, на крајот мора да биде мртва, за луѓето да знаат како е.“

Вториот најбогат човек на светот, Илон Маск, го исполни ветувањето и ја продаде својата последна куќа и официјално повеќе нема дом.

Извршниот директор на „Тесла“ и „SpaceX“, го продаде својот имот во Силиконската долина за 30 милиони долари, што е за 7,5 милиони долари помалку од првичната барана цена од 37,5 милиони долари.

Илон Маск, тежок повеќе од 151 милијарда долари, претходно изјави дека имотот од 47 хектари јужно од Сан Франциско е неговиот последен преостанат дом.

I am selling almost all physical possessions. Will own no house.

— Elon Musk (@elonmusk) May 1, 2020

Маск, кого шефот на „Амазон“, Џеф Безос, го прескокна на врвот на листата на „Форбс“ за најбогати луѓе во светот, моментално живее во куќа што ја изнајмува за 50.000 долари во Бока Чика, Тексас, во близина на неговата фабрика за ракети.

Yeah, sold my houses, except for 1 in Bay Area that’s rented out for events.

Working on sustainable energy for Earth with Tesla & protecting future of consciousness by making life multiplanetary with SpaceX. Also, AI risk mitigation with Neuralink & fixing traffic with Boring.

— Elon Musk (@elonmusk) June 9, 2021

„ Мојот примарен дом е буквално куќа од 50.000 долари во Бока Чика која ја изнајмувам од SpaceX. На крајот на краиштата, тоа е некако одлично“, напиша Маск на Твитер.

Новиот сопственик на вилата Хилсборо во Калифорнија на 891 Crystal Springs Road не е објавен во јавноста.

Огромниот имот има седум спални соби, седум бањи, музичка соба, голема сала за бал и коктел соба со полици за библиотека на извлекување.