Забава
Поради selfies-ите зголемен бројот на естетските операции
Популарноста на „selfies”-те придонела за зголемениот број естетски хируршки зафати на лицето, покажа истражувањето на американската академија за пластична и реконструктивна хирургија.
Со ова истражување е утврдено дека секој трет естетски хирург забележал зголемен број барања за операција откако пациентите станале свесни за својот изглед на социјалните мрежи.
„Социјалните платформи како Instagram, Snapchat и апликацијата Selfie.im за iPhone, коишто исклучиво содржат фотографии, и принудија пациентите да се набљудуваат под микроскоп и да се гледаат покритично отколку претходно”, вели претседателот американската академија за пластична и реконструктивна хирургија, Едвард Фариор.
„Тие фотографии честопати првиот впечаток кој за себе го нудат младите лица на идните пријателите, лицата од спротивниот пол или на работодавците и сакаат да се претставуваат со најубави можни лица”, вели Фариор.
Еден од причините за зголемувањето на барањата за естетски операции е и злоставувањето (bullying) на социјалните мрежи. Според хирурзите кои учествувале во истражувањето 69 отсто од децата и тинејџерите кои се подложиле на естетски операции, тоа го сториле како последица на злоставување, а 31 отсто за да го спречат тоа. Хирурзите, исто така, известиле дека 58 отсто од нив забележале зголемување на бројот оперирани лица помлади од 30 години.
Фариор вели дека напредокот во неинвазивните методи на естетските зафати, вклучително и технологиите против стареењето го направил можно одложувањето на стареењето со задржување на природниот изглед, а и времето на заздравувањето е намалено.
Истражувањето покажало и дека жените и натаму почесто се подложуваат на естетските операции од мажите и во 2013 година на жените отпаѓаат 81 отсто од сите естетски хируршки зафати.
За мажите, пак, најбарани биле инјекции ботокс, хијалуронска киселина, трансплантација на коса и операции на носа, а ка жените зафатите за подмладување на лицето и операциите на носот.
Притоа, повеќе од 30 отсто од хирурзите забележале дека се зголемува бројот на брачните двојки кои се подвргнуваат естетските операции./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Мрачните страни на секој од хороскопските знаци
Секој хороскопски знак носи своја темна страна која може да биде предизвик, но нуди и можност за личен раст и развој. Разбирањето и прифаќањето на овие помалку светли аспекти на нашите астролошки профили може да ни помогне да станеме подобри верзии на себе.
Што се крие во сенката на секој хороскопски знак.
Овен: Импулсивност и агресивност
Овните се познати по својата храброст и енергија, но нивната импулсивност може да ги доведе во неволја. Тие се склони кон ненадејни реакции и понекогаш агресивно однесување кога работите не одат според нивниот план.
Бик: Посесивност и материјализам
Бикот ја цени сигурноста и удобноста, што може да ги доведе до прекумерна посесивност и материјализам. Тие имаат тенденција да акумулираат имот до тој степен што може да ги задуши другите аспекти од нивниот живот.
Близнаци: Неконстантност и дволичност
Близнаците се прилагодливи и комуникативни, но нивната способност да ги гледаат работите од различни перспективи може да ги направи непостојани, а понекогаш и со две лица, збунувајќи ги оние околу нив.
Рак: Преосетливост и манипулативност
Раковите се исклучително емотивни и сочувствителни, но нивната пречувствителност може да ги доведе до емоционална манипулација со цел да го заштитат своето ранливо срце.
Лав: Егоизам и доминација
Лавовите се родени како лидери и сакаат да бидат во центарот на вниманието, но нивното его може да прерасне во себичност и потреба да доминираат, што може да ги отуѓи другите.
Девица: Перфекционизам и критичност
Девиците се познати по тоа што се методички и аналитички настроени, но нивниот перфекционизам може да доведе до парализа на анализата и прекумерна критика кон себе и кон другите.
Вага: Неодлучност
Вагите се стремат кон хармонија и рамнотежа, но нивната потреба да им угодат на сите може да резултира со неодлучност. Исто така, нивната фасцинација со убавината може да ги наведе да прават површни проценки на луѓето и ситуациите.
Шкорпија: Опсесивност и одмаздољубивост
Шкорпиите се интензивни и страсни, но нивните длабоки емоционални вложувања можат да станат опсесивни. Кога се повредени, можат да бидат крајно одмаздољубиви.
Стрелец: Непромисленост и тактичност
Стрелците се познати по својата искреност и оптимизам, но нивната директност може да биде непромислена и да ги повреди другите. Исто така, нивната желба за слобода може да ги доведе до неодговорно однесување.
Јарец: Песимизам и непопустливост
Јарците се дисциплинирани и амбициозни, но нивната тенденција да го гледаат светот црно-бело може да ги направи песимисти и крајно непопустливи.
Водолија: Отсуство и студенило
Водолиите се иновативни и неконвенционални, но нивната потреба за индивидуалност може да ги направи емотивно отсутни и ладни, што го отежнува градењето длабоки врски.
Риби: Се жртвуваат и бегаат од реалноста
Рибите се сочувствителни и интуитивни, но нивната тенденција да се жртвуваат за другите може да ги истроши. Исто така, нивната желба да избегаат од реалноста може да ги доведе до нездрави облици на бегство.
Забава
Во новата сезона на „Симпсонови“ убиен еден од важните ликови од серијата
Серијата „Симпсонови“, која со голем успех се емитува повеќе од триесет години, во новата епизода остана без еден од своите постојани ликови, Лери – редовен гостин во Moe’s Tavern, а Хомер, Мо, Лени и Карл присуствуваа на неговиот погреб.
Тие сфаќаат дека знаеле многу малку за нивното познанство, а Хомер се прашува дали тие можеби се „ужасни луѓе“, особено откога мајката на Лери ги нарекува негови „најдобри пријатели“.
Потоа четворката од таверната има задача да ја однесе пепелта на Лери.
Иако беше тивок лик, кој немаше централна улога во серијата, Лери е редовен гостин во Moe’s Tavern уште од првите епизоди во 1989 година, што ја прави неговата смрт значајна за многу фанови на „Симпсонови“, пишува NME.
Инаку, ова е 35-та сезона на „Симпсонови“, а потврдено е дека ќе се снима и следната.
Забава
(Видео) Бијонсе ја покажа природната коса: Погрешно е мислењето дека луѓето кои носат перики немаат долга и здрава коса
Најголемата музичка ѕвезда на денешницата, Бијонсе, за прв пат во кариерата ја покажа целосно природната коса, се со цел да ја промовира својата нова линија на производи за коса која ја нарече „Cécred“.
Бијонсе често носи перики и навистина ретко ја покажува својата природна коса, но во видеото кое го објави на Инстаграм го покажа целиот процес од фризерскиот салон.
„Погрешно е мислењето дека луѓето кои носат перики немаат долга и здрава коса“, изјави поп дивата и објасни дека косата ја суши на средна температура и се труди што повеќе да ја спаси од топол воздух. Таа користи четка од стар стил за да ја исправи косата, ја фарба и не користи третмани како минивал и слично.
„Ја чувам мојата природна коса русокоса веќе 25 години и тоа одигра голема улога во идејата за лансирање на овие производи“, објасни Бијонсе.
Нејзиното видео за 24 часа е прегледано два милиони пати.