Забава
Палата во предградие на Њујорк продадена за рекордни 147 млн долари
Палата на њујоршкиот остров Лонг Ајленд е продаден за 147 милиони американски долари што претставува рекорден износ на американскиот пазар на недвижности, пишуваат во саботата американските медиуми.
Раскошниот имот се наоѓа во престижната дестинација за одморање Ист Хемптон, опфаќа површина од речиси 7,3 хектари заедно со градини и езерце. Претходниот сопственик на имотот бил Кристофер Браун, извршен директор на инвестициските фондови „Tweedy” и „Browne”, кој почина во 2009 година. Наследниците на Браун, според американските медиуми, за да заштедат на провизија, ја продавале палатата без посредници.
Новиот сопственик на имотот е челникот на хеџ фондот „JANA Partners”, Бари Розенстин, Неговата компанија, основана во 2001 година, управува со средства во вредност од 4,5 милијарди долари. Според процените на магазинот Forbes, Розенстин во 2013 година заработил околу 140 милиони долари.
Купувањето на Розестин го надмина рекордот што го постави пред две седмици продажбата на имотот наречен „Copper Beech Farm” во градот Гринвич, во сојузната американската држава Конектикат, кој беше продаден за 120 милиони долари, откако не беше прифатена првичната цена од 190 милиони долари. Новиот сопственик на споменатиот имот е компанија со седиште во Конектикат.
„Copper Beech Farm” се простира на 20 хектари на кои има базени, солариуми, оранжерии, капела и тениски игралишта. Во имотот на спротивниот брег на Лонг Ајленд спаѓаат и два острова. Вилата била изградена во 1898 година, а во 1904 година неа ја купил Џорџ Лаудер, братучед на челичниот магнат Ендрју Карнеги./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.