Забава
Заљубени и покрај разликата од 40 години
Во северниот дел на Лондон среќно живее сигурно еден од најчудните брачни парови на светот, Една и Симон Мартин.
Во северниот дел на Лондон среќно живее сигурно еден од најчудните брачни парови на светот, Една и Симон Мартин.
Една и Симон од 2005. година живеат во среќен брак, што изненади многумина пријатели и семејствата на парот, бидејќи разликата во годините меѓу двајцата заљубени е дури 38 години.
Имено, Една има 73, а Симон само 35 години. На среќниот пар кој ужива во филмските класици од 30-сетите години на минатиот век воопшто не им сметаат погледите и покажувањето со прст, бидејќи тие, како што тврдат, уживаат во секој миг на животот и бракот.
Симон инаку боледува од дислексија и има исклучително лош вид и слух, но тоа не му пречи добро да свири оргуљи, а при еден концерт ја запознал и својата сегашна сопруга.
Парот тврди дека се работело за обострана љубов на прв поглед и дека најмногу ги зближила истата смисла за хумор и љубовта кон музиката. Но, на почетокот работите не иделе многу мазно, бидејќи Симон, кој живеел со родителите, не знаел како ќе реагираат на фактот дека се заљубил во 70-годишна жена, а Една сакала Симон да најде некоја негова врсничка и не сакала да им стои на патот.
Откако повеќе месеци секојдневно се слушале по телефон, Симон решил еден ден да ја запроси Една без оглед на сè, а таа, на негова голема радост, прифатила.
Децата на Една од првиот брак, 47-годишниот Расел и 51-годишната Лорен веќе навикнале да имаат очув што е помлад од нив, додека родителите на Симон биле малку „потврд орев“, но со време се навикнале на необичната снаа. /крај/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.
Забава
(Видео) Џорџина и Роналдо објавија видео од плажа, им се допадна на три милиони луѓе
Џорџина Родригез на „Инстаграм“ објави романтично видео на кое ужива на плажа со својот партнер Кристијано Роналдо ставајќи крај на шпекулациите за проблеми во врската.
View this post on Instagram
„Во рајот со тебе“, напиша таа покрај видеото на кое се шетаат на плажа и се бакнуваат, а видеото им се допадна на повеќе од 3 милиони луѓе.
Роналдо на својот „Инстаграм“ сподели и фотографии од одморот, каде што покажа како се забавуваат и напиша: „Среќа“.