Принцезата Шарлота (4), ќерка на принцот Вилијам (37) и Кетрин (37), војвотката од Кембриџ, е голем љубител на коњи, страст што ја наследи од својата прабаба, кралицата Елизабета (93). Според близок пријател на славната кралска двојка, четиригодишната принцеза сака пони како божикен подарок.

Нејзината прабаба кога имала четири години добила шетландско пони наречено Пеги, но не ѝ било дозволено да го јава сè додека не наполнила шест години.

Принцот Вилијам не е сигурен дека ќе ѝ ја исполни божикната желба на својата ќерка бидејќи смета дека таа е премала за да има сопствено пони.

Нејзиниот постар брат, принцот Џорџ (6), е голем љубител на спортови, па наводно на родителите им побарал пинг-понг и нов тениски рекет.

„И Шарлота и Кетрин ќе добијат сетови за готвење затоа што сакаат да прават хаос во кујната“, вели пријателот.

Само неколку часа по номинацијата за „Златен глобус“ за новиот филм Bombshell, актерката Шарлиз Терон говореше за тоа дека годинава не биле номинирани жени режисери.

Холивудското здружение на странски медиуми, кое всушност ги доделува „Златните глобуси“, досега има номинирано само пет филмски режисерки – Барбра Стрејсенд (Yentl), Џејн Кампион (The Piano), Софија Копола (Lost in Translation), Кетрин Бигелоу (Hurt Locker, Zero Dark Thirty) и Ава Дувернај (Selma), а Стрејсенд е единствената жена што освоила „Златен глобус“ за најдобра режија.

Иако многумина годинава ја сметаа за добра за жените режисери, Терон во интервју за „Лос Анџелес тајмс“ открива дека навистина е тешко да не се види ниту една жена режисер номинирана оваа година.

„Мислам дека навистина е фрустрирачки имајќи предвид дека жените режисери само се обидуваат да го зголемат својот број“, додаде таа. Тие претставуваат 10 отсто од режисерите во индустријата и кога имате добра година, како што беше оваа со толку многу работа, тоа е неверојатно фрустрирачки“, додаде таа.

„Навистина е тешко и неправедно и токму поради тоа, не треба да ја прекинеме битката. Ние мора да правиме врева сè додека не нè чујат и не ги препознаат овие приказни“, рече Терон.

Таа зборува и за новиот филм Bombshell, кој се фокусира на жените во „Фокс њуз“ – Мегин Кели (Терон) и Гретчен Карлсон (Никол Кидман) – кои јавно проговорија против вознемирувањето на претседателот на „Фокс њуз’, Роџер Ејлс. Во филмот жртвите на омразениот медиумски могул го возвраќаат ударот.

Филмот во кој глуми Терон ја открива внатрешноста на најмоќната и контроверзна медиумска империја на сите времиња и истовремено е експлозивна приказна за жените што го срушија озлогласениот маж, кој, всушност, ја создал оваа империја.

И покрај тоа што приказната се фокусира на три силни жени, филмот е во режија на Џеј Роуч, а го напиша Чарлс Рандолф. Терон беше запрашана зошто го поддржала него, а во исто време се залага за повеќе можности за жените, на што таа одговори: „Фактот дека треба да има повеќе можности за жените не мора нужно да ја негира умешноста на мажите“.

Иако смета дека жените заслужуваат повеќе можности, таа не чувствува дека жените се единствените што може да пишуваат женски приказни, а мажите може да пишуваат само машки приказни.

Пејчката на групата „Роксет“, Мари Фредриксон, почина на 61 година, потврди нејзиниот менаџер. Шведската музичка ѕвезда постигна глобален успех во 90-тите години со своите хитови, како што се The look и It must have been love.

Таа починала вчера по 17-годишната битка со ракот, се наведува во соопштението.

„Беше прекрасна пријателка изминативе 40 години. Работите никогаш нема да бидат исти“, порача нејзиниот пријател од бендот, Пер Гесл.