Забава
Лукот како превентива од новиот грип
Епидемијата на новиот грип предизвика многу дилеми меѓу обичниот свет, но повеќето веруваат во едно – во благотворното дејство на лукот.
Епидемијата на новиот грип предизвика многу дилеми меѓу обичниот свет, но повеќето веруваат во едно – во благотворното дејство на лукот. Кај народот лукот од дамнешни времиња е лек за сè. Во тоа речиси фанатично исконско верување се оди толку далеку, што лукот денеска се употребува не само како превентивен лек, туку и како средство против „лошите духови“ и другите „невидливи опасни сили“. Лукот има широка примена во народната медицина, а во последно време, по многу научни истражувања во кои се потврдени неговите делотворни својства, сè повеќе се користи и во современата фармацевтска индустрија. Своето латинско име Allium sativum лукот го добил по својата најзначајна состојка, алицин, кој делува антибактериски. Експертите велат дека потребно е внимание ако со лукот се користи витамин Е, препаратите гинко билоба, лековите трентал, аспирин, фарин, хепарин, бидејќи може да дојде до засилено крварење. Во народот лукот не се користел само како лек, туку и како средство за баење и фрлање магија. И денеска многумина на пат не тргаат без лук. Кога синот заминувал во војска, или кога ќерката излегувала, во облеката им се ставало лук да ги зачува. Од историските списи се гледа дека и во стариот, и во средниот, но и подолго време во новиот век, лукот бил признат и од службената медицина. Но во последните векови, посебно во 19. век, лукот речиси целосно бил исфрлен од фармацијата. Дури во Првата, а особено во Втората светска војна и по неа, започнува вистинското научно проучување на лукот, па тој денеска разновидно се употребува во медицината. Лукот влегува во состав на различни препарати за јакнење, како стимуланс на нервниот систем, па против високиот крвен притисок, артериосклерозата, како антисептичко превентивно средство против разни заразни болести (тифус, грип, дифтерија, колера), против хроничниот бронхитис, големата и мала кашлица… Лукот е многу старо растение. Кинезите, Индусите, Евреите, Египќаните и другите народи го одгледувале повеќе векови пред новата ера како хранливо, зачинско и лековито растение. Во Библијата се спомнува една течност од лук и оцет што им се давала на жетварите. Во старата индиска медицина лукот бил многу ценет лек, а бил употребуван и како љубовна напивка. Старите Египќани, благодарејќи на моќите на лукот, спречиле болести и успеале да ги изградат пирамидите. Старите Грци им забранувале пристап во храмовите на оние што јаделе лук (го нарекувале „смрдлива роза “), но малку растенија почитувале како лукот. Римјаните, исто така, го употребувале како лек, зачин и храна. Вергилиј спомнува за исцеден сок од лук и мајчина душичка. „Жетварите треба да се намачкаат со тоа ако сакаат мирно и безгрижно напладне да се одморат, бидејќи тогаш змиите нема да ги касаат“. Арапските лекари во средниот век многу придонеле на ширењето на употребата на лукот како лек, како што впрочем, тоа го правеле и со многу други растенија за кои тогаш не знаела „назадната“ Западна Европа. Лукот е најуниверзална амајлија во растителниот свет бидејќи заштитува од несреќи и уроци. Кај многу народи постои верување дека на лукот „не оди никаква зла сила“. Особено му се плашат вештерките, маѓесничките, гатачките. Затоа лукот обично се чува над влезните врати во домот. На новороденчето под глава му се става лук да го чува од секакво зло. Во актуелната приказна за новиот грип, заштитните маски, вакцината, миењето раце, можеби не е на одмет да се сетиме и на лукот. Сигурно нема да штети. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.