Забава
Како да се заштитите на Фејсбук
Иако кликнавте на опцијата „прескокни“, Фејсбук ќе најде начин да ја тргне таа опција и да ве присили да го ажурирате прилагодувањето пред да почнете со користење на таа страница. Кога ќе ги прифатите препораките на Фејсбук или доколку ги промените прилагодувањата за
Иако кликнавте на опцијата „прескокни“, Фејсбук ќе најде начин да ја тргне таа опција и да ве присили да го ажурирате прилагодувањето пред да почнете со користење на таа страница. Кога ќе ги прифатите препораките на Фејсбук или доколку ги промените прилагодувањата за приватност, тоа може да значи дека сте објавиле повеќе информации отколку што сте планирале.Во исто време, Фејсбук им овозможува на своите корисници да ги контролираат прилагодувањата за приватност многу повеќе за разлика од другите социјални мрежи.Доколку сакате да бидете на Фејсбук и вашиот статус да биде „исклучен“, треба да погледнете некои можности во вашите прилагодувања.
1. Некои од вашите податоци се видливи за секој корисник на Фејсбук.Секој може да го гледа вашето име, вашата фотографија на профилот, името на работното место или, пак, школските мрежи на кои сте член, како и страниците на кои сте обожавател. Ако не сакате вашиот работодавец да дознае за вашите чудни фетиши или секти и политички движења, избегнувајте да станете обожавател на таквите страници. Можете да изберете опција која нема јавно да објави дека сте станале обожавател на тие страници. Вашиот пол и сегашен град на живеење се исто така видливи, ако ја одберете таа опција. Ако сакате да промените нешто на вашиот профил, можете да не одберете да се гледа „вашиот пол на профилот“ или да оставите празно место на „ваша локација“.
2. Вашата листа на пријатели исто така може да биде видлива.Фејсбук ја смета вашата листа на пријатели како информација што може да биде видлива за сите корисници на Фејсбук. Но, со објавување на вашата листа на пријатели, многу работи може да се откријат за вас, како на пример вашата сексуална ориентација. Но, има начин да се прикрие листата. Одете на вашиот профил и кликнете на икончето со сино пенкало на десниот агол од вашата рамка со пријатели, доколку не сакате да се покаже „вашата листа на пријатели“. Но, сепак, оние кои веќе ви се пријатели, можат да ја видат вашата листа на пријатели.
3. Можете да се скриете од веб-пребарувачите.Има дел за „пребарување“ под страницата за лични прилагодувања, која се наоѓа во горниот десен агол на веб-страницата под „прилагодувања“. Ако кликнете на рамката „дозволи“, која се наоѓа веднаш до „јавни пребарувачки резултати“, информацијата што Фејсбук ја покажува јавно (како, на пример, фотографијата, страниците на кои сте обожаватели и вашата листа на пријатели), како и сè останато за кое сте направиле да биде видливо за секој корисник на Фејсбук, ќе се појави кога некој би го исчукал вашето име на Гугл. Работите кои сте избрале да останат тајни, нема да се прикажат на веб-пребарувачите.Сега луѓето со кои сте изгубиле каков било контакт се во можност да ве пронајдат на Фејсбук. Ако, пак, не сакате да ве пронајдат, тогаш е најдобро да кликнете на опцијата за ограничен пристап до вашиот профил.Второ прилагодување, кое ги контролира пребарувањата во рамките на Фејсбук, ви дозволува да видите кој е вклучен. Ограничете го пребарувањето, на пример само за пријатели, ако сметате дека ги имате сите потребни пријатели и не сакате некој да ве најде штом го внесе вашето име на Фејсбук.
4. Бидете претпазливи на апликациите од трета страна.Квизовите и игрите се забавни, но секојпат кога ги играте, најпрво треба да овластите пристап до вашиот профил иако е видлив само за вашите пријатели. Со самото овластување, вие дозволувате пристап до апликациите посетувани од вашите пријатели.Под „апликациски прилагодувања“, Фејсбук ги вбројува сите апликации кои ги имате отворено на вашиот профил. Ако не сакате да се покажува апликацијата „Која златна девојка си ти?“, тогаш кликнете на „Х“ и со тоа ќе ја отстраните таа апликација. Апликациите кои ги користите редовно и со ажурирање на вашиот профил, би останале на профилот.Со кликање на „апликации и веб-страници“ на страницата за лични прилагодувања, можете да изберете дали сакате вашиот роденден, фотографии и други информации да бидат видливи за вашите пријатели.
5. Прегледајте ја вашата листа на пријатели.Во просек, еден корисник на Фејсбук има 130 пријатели. Но, многу луѓе контактираат со многу помала група, кога коментираат на статусот, фотографиите и линковите. Не би било лошо да погледнете кој ги гледа вашите фотографии и кој коментира на вашите статуси. Не се обврзувајте да прифатите некого кого не го познавате, иако тој ве прифатил прв. Некои училишта имаат правила за Фејсбук во врска со односите меѓу работодавците и работниците или меѓу професорите и учениците.
6. Создадете ваша група на пријатели.Ако имате многу пријатели, поделете ги во групи. Почнете со група на пријатели со кои најмногу комуницирате. Со креирањето на овие групи, можете да избирате кои информации би биле видливи за вашите пријатели. На пример, можете да го ограничите пристапот за луѓето кои не ги познавате многу добро или, пак, за некои далечни роднини.
7. Ограничете пристап до вашите огласи.Ставете статус „Јас сум гладен“. Потоа кликнете на иконата со клуч. Ќе видете неколку контроли за приватност кои ви дозволуваат да го ограничите пристапот до вашите објави. Може да изберете да ги гледате само вие и потоа ќе кликнете „зачувај прилагодување“. Притоа, може да го зголемете или да го намалете пристапот до вашите информации на профилот.
8. Дајте им на знаење на своите пријатели дека имате свои граници – лице в лице.Многу од нас се наоѓаат во ситуација кога ќе се вклучат на Фејсбук да видат објавени фотографии на кои воопшто не се сеќаваат, некои добри, некои лоши и смешни. Вашите пријатели, всушност, не знаат дека не сте сакале овие фотографии да бидат објавени. Затоа, ако некој ве фотографира на некоја забава, речете им најпрво да ве прашаат пред да ги објават фотографиите на Фејсбук.
9. Никогаш не се надевајте на целосна приватност. Сепак, и најдобро заштитениот профил не е гаранција дека некои чудни пораки, лоши фотографии и лоши статуси нема да излезат на виделина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Bitsiani водич за матури 2024: Нова енергија на уникатност!
„Што ќе носиш за матура“ е прашањето со кое знаеш дека сезоната на матурските прослави веќе започнала. Но, одговорот сега е полесен од било кога – Bitsiani!
Познатиот бренд оваа пролет има нова колекција подготвена со идеја момците да ја сменат „играта“. Како? Да одберат нешто поинакво, свежо и светски!
Bitsiani водичот за оваа матурска сезона вели дека боите се тренд број еден. Од сини до пастелно розови комбинации, во нив се инкорпорирани младешката енергија, смелост и живот! Нема простор за здодевност на матурската забава, па дури и кога се работи за изгледот. Лежерната елегантност која се содржи во кројот овозможува удобност и лесни движења во вечерта кога треба навистина да доминираат.
За момците кои сакаат нешто уште похрабро – одела со принт или уште повеќе – принт + боја. Одличен начин да се спои новото со класичното. Да се привлече внимание, но со вистинската доза на стил и уникатност. Супер избор за оние кои уживаат да привлекуваат погледи.
Не ги забораваме ниту момците кои за ваква (или било која друга) свечена пригода би ѝ дале предност на елеганцијата и безвременоста. Кога некој сака вака да изгледа, одбира црно струкирано Bitsiani одело и добриот впечаток е веќе загарантиран.
Секако дека овде понудата на Bitsiani не завршува, но е добар вовед во она што можеш да го очекуваш оваа пролет кога ќе имаш многу причини за славење.
Биди добро облечен Bitsiani фраер со манири! А ако ти треба совет или сугестија како да издоминираш во оваа сезона на прослави, тимот на Bitsiani е секогаш тука за да ти помогне да ја понесеш уникатноста со стил!
Организација и реализација: Fashion Group
Фотограф: Мартин Трајановски
Локации: Клуб Хазард, Куглана Мусандра, Тениски клуб Александар Палас
Модели: Ќамил, Лука и Давид
ПР
Забава
(Видео) „Сила и нервоза“ нов сингл на „Суперхикс“ и „Фолтин“
По долго крчкање, конечно излезе најновиот албум на „Суперхикс“, со наслов како и истоимениот сингл „Сила и нервоза“.
Овој сингл е плод на едно долгогодишно музичко скопско-битолско пријателство и носи една локална, многу вистинита порака. Снимен во студиото „Тра ла ла“ под продуцентска палка на Мите Димовски. Во снимањето на спотот и видеото учествуваа сите, вкупно на број 12 члена на овие бендови.
Албумот е веќе поставен на сите можни музички платформи, а се наоѓа и во цеде-формат. Набргу следува и винилот.
Забава
Најдобрите цимери во Зодијакот: животот го прават полесен
Тешко е да се најдат добри цимери. Тие често забораваат да го платат својот дел од киријата или едноставно се премногу мрзливи да го завршат својот дел од работата. Но, ако знаете кои се најдобрите цимери од Зодијакот, тогаш имате мала предност во изборот.
Најдобри цимери се оние кои се грижат за вашиот личен простор, како и за поделбата на обврските и работата. Иако секој има различна идеја за тоа што е добар цимер, постојат одредени работи кои ни се допаѓаат на сите. Обично е идеално ако не сте зависни еден од друг, а сепак кога ви треба друштво, тие се таму. Од астролошка страна, најдобри цимери се оние кои имаат чувство за правичност, што ги намалува шансите за досадни и ситни конфликти.
Најдобрите цимери во Зодијакот
Бик
Животот со Бик е лесен како ветре. Тие се многу сигурни и ја ценат удобната средина за живеење. Ова значи дека никогаш нема да остават садови неизмиени или да заборават да го платат својот дел од сметката. Биковите едноставно сакаат да ги чуваат своите убави нешта во добра состојба, па сигурно нема да најдете влажни алишта оставени во машината за перење.
Ова е знак со кој владее Венера, планетата на луксузот, па многу е можно дека со нив ќе уживате во неверојатен внатрешен дизајн. Доколку одат во шопинг, бидете сигурни дека ќе се вратат со најдобрите светилки и естетски совршени детали кои ќе се вклопат во вашиот дом.
Покрај тоа, ова е знак кој ќе избегне типични расправии со цимерите. Затоа, сигурно нема да дојдете во конфликт со нив поради намалената температура на термостатот или поради вклученото светло. Сè што треба да направите е да ја почитувате нивната рутина и да им помогнете со неколку задолженија. Наскоро ќе се чувствувате како да живеете со вашиот најдобар пријател.
Вага
Нема подобри цимери од Вагите. Ќе се потрудат да создадат пријатна средина за секого, па се позиционираат и како вистински домаќини. Ќе размислат однапред и ќе ви прават слатки услуги, како што е утринското кафе или да проверат дали ви треба нешто кога ќе одат до продавница.
Претставниците на овој знак се познати по дипломатското размислување и желбата да воспостават хармонија. Расправиите со него не траат повеќе од пет минути. Тие едноставно ќе свикаат итен состанок и ќе се погрижат да укажат на проблемот и нема да се откажат додека не се реши.
Од друга страна, немаат проблем да прифатат конструктивна критика без лутина. Ова значи дека секогаш можете да им кажете дали имате проблем со нивните навики без оглед на тоа како тие реагираат. Покрај тоа, тие се многу комуникативни и добри пријатели, па можете да сметате на нив за возбудливи забави во петок навечер.
Водолија
Доколку барате опуштени цимери кои претежно остануваат во нивната соба, тогаш Водолијата е она што ви треба. Овој воздушен знак е неверојатно опуштен и прилагодлив, па ќе ја почитува сечија потреба за личен простор.
Никогаш нема да ги фатите како ви висат над глава или проверуваат што сте направиле. Ако изгледате зафатено, ќе го препознаат и ќе ви се тргнат од патот. Од друга страна, ако барате интересно друштво, тие се повторно тука.
Исто така, нема да биде проблем ако се вратите со маче кое сте го нашле на улица или партнерот остане подолго од договореното. Нивната хуманитарна природа е таа што ќе обезбеди секој да се чувствува како дома кога е во вашиот дом.
Врз основа на кој проект е продолжена реконструкцијата на Универзалната сала, праша Арсовска
Градоначалничката на град Скопје, Данела Арсовска, праша врз основа на кој проект е продолжена реконструкцијата на Универзалната сала, како и...
Намален е бројот на ученици во училиштата во државата
Намален е бројот на ученици во основните и средните училишта, во учебната 2022/2023 година, укажуваат податоците во извештајот на Државниот...
Со нова систематизација Синдикатот на „Македонска пошта“ сам ќе ги укине вработените што не доаѓаат на работа оти Владата и Управниот одбор молчат
Синдикатот на „Македонска пошта“, во соработка со вработените и со ангажирање експерти, ќе подготви нова систематизација, која ќе ја достави...
„Немам партиска книшка, само крводарителска“ – приватните специјализанти реагираат на изјавата на Демири за политичка заднина на штрајкот
Штрајкот на приватните специјализанти продолжи и денес и како што најавуваат ќе трае додека не добијат на писмено од Владата...
Израел: Мораме да го запреме Иран пред да биде предоцна, воведете му санкции
Министерот за надворешни работи на Израел, Израел Кац, денеска ги повика земјите да воведат санкции за ракетната програма на Иран...
Иран: Следниот напад ќе биде во рок од неколку секунди
Се’ повеќе високи ирански претставници ги предупредуваат и Израел и Западот за последиците од можната израелска одмазда. Така, иранскиот воен...
ВМРО-ДПМНЕ: Во ЕУ не се оди со политичари како Пендаровски
Во ЕУ не се оди со политичари како Пендаровски. Во ЕУ се почитуваат основните човекови права и се унапредуваат, а...
Стојаноска во Тетово: угостителите сезонски се селат во други држави, не се задоволни од актуелната власт
Вчерашниот ден Дафина Стојаноска – членка на ИК на ВМРО-ДПМНЕ го искористи и за средба со Здружението на угостители од...
Го искористи правото да не сведочи: заврши сослушувањето на мајката на осомничениот за убиството на Данка Илиќ
Светлана Драгијевиќ, мајката на Дејан Драгијевиќ, кој е осомничен за убиството на двегодишната Данка Илиќ го искористи законското право да...
Полицијата нападот во црквата во Сиднеј го карактеризира како терористички чин, напаѓачот уапсен
Австралиската полиција го прогласи прободувањето со нож во црква во Сиднеј за верски мотивиран „терористички чин“. Момче (15) е уапсено...
Иран зад себе има незамислива сила, која е закана за целиот свет: група од најбруталните терористи подготвени да интервенираат
Иранскиот напад врз Израел го отвори патот за нова ескалација на Блискиот Исток. Директен конфликт меѓу овие две земји ќе...
Земјотрес ја погоди Грција
Земјотрес со јачина од 3,5 степени според Рихтеровата скала утрово ја погоди Грција. Епицентарот на земјотресот бил на Крит на...
Силјановска -Давкова: Ќе се залагам АРМ секогаш да ги исполнува НАТО стандардите и да вклучва повеќе жени
„Претседателот е врховен командант на вооружените сили. А вооружените сили се бранителот на територијалната независност и интегритет на Македонија. Во...
(Видео) „Ако го интересира Мицкоски кој од неговите најблиски соработници биле кај мене, ќе му кажам“, рече Пендаровски
Вечерва претседателскиот кандидат Стево Пендаровски беше меѓу жителите на Гази Баба и одговараше на нивните прашања. Граѓаните побараа одговор дали...
Протестите на специјализантите имаат политичка заднина, колкав притисок и да прават, решение е можно по изборите, вели Демири
Министерот за здравство ги поддржува барањата за поголеми плати и платени придонеси на приватните специјализанти, но нема мерки што би...
Демири: Ќе предложам невакцинирани да не може да се вработат во јавното здравство
Министерот за здравство во техничката Влада, Илир Демири, ќе побара законски измени со кои ќе биде забрането во јавното здравство...
Деветвалентната ХПВ-вакцина, која спречува 80 отсто од аналниот карцином и 70 отсто од карциномот на грлото на матката, достапна кај нас од следниот месец
За еден месец сите вакцинални пунктови ќе ја добијат деветвалентната ХПВ-вакцина, која од оваа година, покрај девојчињата на возраст од...
Припадници на затворската полиција се сомничат дека му овозможиле на осуденикот да побегне од Идризово – може да добијат и до 10 години затвор
Седумнаесет полицајци се приведени по повеќемесечна предистражна постапка за бегството на затвореникот од Идризово, кое се случи во октомври минатата година....
Османи со порака до Израел: Воздржете се од возвраќање, спиралата на конфликти може да се влоши
Министерот за надворешни работи Бујар Османи порача до Израел да не возраќа на нападот на Иран бидејќи состојбата може да...
Укината социјалната помош на 1.134 лица оти имале возило и за 18 месеци ја оштетиле државата за над 2,5 милиона евра
Министерството за труд изготвило 1.134 решенија за прекин на гарантирана минимална помош и социјална пензија на лица што 18 месеци...
