Бизарно
Библијата повлечена од училиштата во Јута: Содржи „вулгарност и насилство“ е образложението

Училишен округ во американската држава Јута ја отстрани Библијата од основните и средните училишта затоа што содржи „вулгарност и насилство“, пренесува Би-би-си.
Овој потег уследи по поплаката од родител дека Библијата (верзијата на кралот Џејмс) има содржини кои се несоодветни за деца.
Републиканската влада на Јута донесе закон во 2022 година со кој се забрануваат „порнографски или непристојни“ книги во училиштата.
Повеќето од книгите кои досега беа забранети се однесуваат на теми како што се сексуалната ориентација и идентитетот.
Забранувањето на Библијата доаѓа во време на поголеми напори на американските конзервативци во државите да ги забранат учењата за контроверзни теми како што се ЛГБТИ+ правата и расниот идентитет. Забрани за одредени книги кои се сметаат за навредливи се во сила и во Тексас, Флорида, Мисури и Јужна Каролина. Некои либерални држави, исто така, забранија книги во некои училишта и библиотеки, повикувајќи се на расна навредлива содржина.
Одлуката во Јута беше донесена неделава од училишниот округ Дејвис северно од Солт Лејк Сити по жалбата поднесена во декември 2022 година. Официјалните лица велат дека веќе ги отстраниле седумте или осумте копии од Библијата што ги имале на нивните полици, истакнувајќи дека текстот никогаш не бил дел од наставната програма на учениците.
Комитетот не го образложи својот потег или кои делови содржат „вулгарност или насилство“.
Според весникот Солт Лејк Трибјун, родителот кој се пожалил рекол дека Библијата на кралот Џејмс „нема сериозни вредности за малолетниците“ бидејќи е порнографска според нашата нова дефиниција“, повикувајќи се на законот за забрана на книги од 2022 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Бизарно
Филмска кражба во Париз: Крадци украле камион од модната куќа „Балмен“, однеле десетици парчиња облека

Француската модна куќа „Балмен“ остана без десетици парчиња облека што требаше да бидат претставени на ревијата во Париз подоцна овој месец, откако крадци украдоа камион што ја превезуваше облеката, изјави креативниот директор на модната куќа Оливие Рустон.
Тој на Инстаграм напиша дека крадците зеле возило кое превезувало околу 50 предмети од новата колекција на „Балмен“ меѓу парискиот аеродром и седиштето на модната куќа во Париз, наведувајќи дека возачот на камионот е безбеден.
Својата колекција пролет-лето за следната година „Balmen“ треба да ја претстави на 27 септември за време на модната недела во Париз, каде ќе учествуваат и модните куќи Луј Витон, Диор, Шанел и Херме.
Бизарно
Украле древна кинеска вазна од музеј во Швајцарија и се обиделе да ја продадат на инспектори

Судот во Лондон прогласи двајца мажи виновни за обид да украдат неколку порцелански предмети од кинеската династија Минг (1368-1644) од музеј во Швајцарија. Уште еден маж веќе се изјасни за виновен за делото.
Сите тројца се обидоа да продадат вазна вредна два милиони фунти украдена од Музејот на уметноста на Далечниот Исток во Женева во 2019 година. Тие биле фатени во стапица кога истражители во цивилна облека се претставиле како потенцијални купувачи, соопштија од полицијата викендов.
Вазната е вратена во музејот. Казната ќе им биде изречена на 13 октомври, информираат од полицијата. Од трите предмети украдени во 2019 година, еден сè уште недостасува – кригла со мотив од пилешко. За информации за случајот се нуди награда од 10.000 фунти.
Вториот предмет беше продаден на аукција во Хонг Конг во 2019 година, но подоцна беше вратен во музејот. Украдените предмети биле проценети на вкупна вредност од 3,5 милиони фунти.
Бизарно
Како се рекламираат милионери: Маск не се откажува од тепачка со Закерберг

Борбата меѓу Зак и Маск ќе се пренесува во живо на платформата „Х“, а целиот приход ќе оди во хуманитарни цели за ветераните, напиша на поранешен „Твитер“ сега Х, новиот сопственик на мрежата Илон Маск.
Zuck v Musk fight will be live-streamed on 𝕏.
All proceeds will go to charity for veterans.
— Elon Musk (@elonmusk) August 6, 2023
Не се знае што точно сакал Маск да каже со ова. Објавата беше објавена рано наутро во неделата, без да се наведат дополнителни детали.
Марк Закерберг, првиот човек на „Мета“ и Маск не се во најдобри односи.
Нова провокација меѓу двајцата ривалски милијардери се случи откако Маск на крајот на јуни почна да се расправа со шефот на „Фејсбук“ Марк Закерберг. Потоа ја исмејуваше неговата компанија „Мета“ која се обидува да лансира платформа за „микро-блогирање“ која е конкурент на „Твитер“.
„Сигурен сум дека Земјата едвај чека да биде исклучиво под палецот на Цукерберг без други опции“, напиша тогаш Маск на „Твитер“ и додаде дека е за „тепачка во кафез“ со сопственикот на Фејсбук, „ако и тој е за тоа“.
Закерберг одговори на Инстаграм, пишувајќи: „Испрати ми ја локацијата“.
Инаку, Закерберг е мајстор во боречката вештина џуџицу.