Маж почина во експлозија на машина за билети во Дортмунд

Маж на возраст од 31 година е пронајден мртво во вторник наутро на железничка станица во Дортмунд, Германија, откако експлодирала машината за билети.

Обдукција на телото ќе се врши денеска, а обвинителот верува дека до смртта дошло поради експлозија.

Силна експлозија била слушната на станицата во раните утрински часови, а полицијата била на местото во 4.20 часот.

Откако стигнале на платформата, полицијата открила дека машината за билети е комплетно уништена, а мажот покрај неа се здобил со сериозни повреди, па и покрај обидите на сведоците и на итната помош да му помогнат, тој починал. Телото е отстрането од местото.

Уапсен е 26-годишен маж, кој бил на местото на настанот, а полицијата го испрашува. Тој рекол дека го познава починатиот, но дека таму го сретнал случајно.
Неколку часа сообраќајот на линијата Дортмунд – Хам бил во прекин како резултат на експлозијата.

Ова не е прв пат некој да почине откако автомат експлодира во Германија. Имено, во декември 2015 година експлодира машина за кондоми, откако еден маж постави рачно направен експлозив, но не успеа навреме да избега па дел од метал се заби во неговата глава и тој почина на неколку чекори од автоматот./крај/тл/бб