Бизарно
Љубители на селфи до смрт измачија делфинче

Корисниците на социјалните мрежи се гневни поради инцидентот кој се одиграл на плажата кај Санта Тересите во Аргентина, кога толпата опкружила младенче на делфин кое се насукало во плиткото, измачувајќи го до смрт снимајќи со него селфи, наместо да му помогнат на животинчето да се врати во водата.
На социјалните мрежи се појавија фотографии и видеа, на коишто се гледа како прво луѓето го галат делфинот кој лежи на песокот, а потоа го земаат и се фотографираат со него.
„Требаше да биде вратено во водата, всушност, тоа уште дишеше. Но сите почнаа да се сликаат со него. Зборуваа дека веќе умрело“, изјавил еден од очевидците за телевизијата C5N.
Iинцидентот предизвика бурни реакции на социјалните мрежи. Корисниците на Twitter се гневни затоа што летувалците на плажата дозволиле делфинчето да умре заради добра фотографија.
„Гледате? Ете затоа јас не давам свој придонес во репродукцијата. Затоа што ‘човештво’ во превод значи ‘глупавост’“, пишува Camicisn14.
„Вие навистина сте спремни да убиете животни за глупаво селфи? Сериозно ли сте толку идиоти?“, огорчено реагира Mora__Florencia.
„Нечие дете угинува поради човечкиот егоизам и алчност“, пишува Broken_Paws_Int.
Инцидентот, исто така, го коментираше организацијата The Wildlife Foundation Argentina, којашто се занимава со заштитата на животната средина.
„Доколку на плажа видите животно, не е потребно да го фотографирате. Таквите ситуации може да доведат до негово угинување“, порачува фондацијата на својот Twitter профил./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Бизарно
Филмска кражба во Париз: Крадци украле камион од модната куќа „Балмен“, однеле десетици парчиња облека

Француската модна куќа „Балмен“ остана без десетици парчиња облека што требаше да бидат претставени на ревијата во Париз подоцна овој месец, откако крадци украдоа камион што ја превезуваше облеката, изјави креативниот директор на модната куќа Оливие Рустон.
Тој на Инстаграм напиша дека крадците зеле возило кое превезувало околу 50 предмети од новата колекција на „Балмен“ меѓу парискиот аеродром и седиштето на модната куќа во Париз, наведувајќи дека возачот на камионот е безбеден.
Својата колекција пролет-лето за следната година „Balmen“ треба да ја претстави на 27 септември за време на модната недела во Париз, каде ќе учествуваат и модните куќи Луј Витон, Диор, Шанел и Херме.
Бизарно
Украле древна кинеска вазна од музеј во Швајцарија и се обиделе да ја продадат на инспектори

Судот во Лондон прогласи двајца мажи виновни за обид да украдат неколку порцелански предмети од кинеската династија Минг (1368-1644) од музеј во Швајцарија. Уште еден маж веќе се изјасни за виновен за делото.
Сите тројца се обидоа да продадат вазна вредна два милиони фунти украдена од Музејот на уметноста на Далечниот Исток во Женева во 2019 година. Тие биле фатени во стапица кога истражители во цивилна облека се претставиле како потенцијални купувачи, соопштија од полицијата викендов.
Вазната е вратена во музејот. Казната ќе им биде изречена на 13 октомври, информираат од полицијата. Од трите предмети украдени во 2019 година, еден сè уште недостасува – кригла со мотив од пилешко. За информации за случајот се нуди награда од 10.000 фунти.
Вториот предмет беше продаден на аукција во Хонг Конг во 2019 година, но подоцна беше вратен во музејот. Украдените предмети биле проценети на вкупна вредност од 3,5 милиони фунти.
Бизарно
Како се рекламираат милионери: Маск не се откажува од тепачка со Закерберг

Борбата меѓу Зак и Маск ќе се пренесува во живо на платформата „Х“, а целиот приход ќе оди во хуманитарни цели за ветераните, напиша на поранешен „Твитер“ сега Х, новиот сопственик на мрежата Илон Маск.
Zuck v Musk fight will be live-streamed on 𝕏.
All proceeds will go to charity for veterans.
— Elon Musk (@elonmusk) August 6, 2023
Не се знае што точно сакал Маск да каже со ова. Објавата беше објавена рано наутро во неделата, без да се наведат дополнителни детали.
Марк Закерберг, првиот човек на „Мета“ и Маск не се во најдобри односи.
Нова провокација меѓу двајцата ривалски милијардери се случи откако Маск на крајот на јуни почна да се расправа со шефот на „Фејсбук“ Марк Закерберг. Потоа ја исмејуваше неговата компанија „Мета“ која се обидува да лансира платформа за „микро-блогирање“ која е конкурент на „Твитер“.
„Сигурен сум дека Земјата едвај чека да биде исклучиво под палецот на Цукерберг без други опции“, напиша тогаш Маск на „Твитер“ и додаде дека е за „тепачка во кафез“ со сопственикот на Фејсбук, „ако и тој е за тоа“.
Закерберг одговори на Инстаграм, пишувајќи: „Испрати ми ја локацијата“.
Инаку, Закерберг е мајстор во боречката вештина џуџицу.