Познатата пејачка Тејлор Свифт, конечно, издејствува судска забрана за приоѓање обожавател кој ја следи веќе две години и ѝ испраќа заканувачки писма.

Ерик Свабрик (26) во писмата што ги испраќа од 2016 година напиша навистина ужасни работи, пишува „Дејли мејл“.

„Сакам да ја силувам Тејлор Свифт. Јас знам дека таа е мојата сродна душа и тоа е причината зошто ја мразам”, „Научив да го потиснам чудовиштето во себе, но наскоро ќе станам одговорен за себе и не постои друг логичен заклучок освен смртта”, „Јас нема да се двоумам да те убијам, и не постои ништо што ти, адвокатот или полицијата можат да направи во врска со тоа. Запомни кој сум јас”, пишува тој, меѓу другите нешта.

Пејачката овие писма толку ја вознемируваат што таа е во постојан страв и стрес, а нејзините адвокати сметаат дека заканите се многу реални и дека тој ќе се обиде да ги оствари.

Судијата веднаш издаде забрана за приод и контакт со пејачката, а на лудиот обожавател му е забрането да се приближи до нејзината куќа.

Ова не е првпат Тејлор да ја прогонува манијак. Минатиот месец полицијата уапси маж кој се обидел да влезе во нејзината куќа, носејќи маска и гумени ракавици. Тој носел нож, муниција и јаже, додека во неговиот автомобил пронашле уште маски, куршуми, дрога и психијатриска документација.

Раперот Џеј Зи е прогласен за најплатен хип-хоп музичар во 2018 година. Во изминатите 12 месеци заработил 76,5 милиони американски долари.

Шон Картер, познат како Џеј Зи, успеал да го помине раперот и продуцент Шон Комб или Паф Деди, кој три години по ред беше на врвот на листата на „Форбс“.

Џеј Зи во втората половина на 2017 година го промовира својот последен албум „4.44“, а оваа година настапуваше со својата сопруга Бијонсе на заедничката турнеја „Он д ран 2“. Двојката во јуни го објави албумот „Евритинг ис лав“.

Паф Деди заработил 64 милиони долари, Кендрик Ламар е трет на листата со годишна заработка од 58 милиони долари. Зад него се наоѓа Дрејк со заработка од 47 милиони долари.

Оскаровката Сали Филдс (71) целиот живот го помина под светлата на рефлекторите, но успеа вешто да сокрие еден мрачен дел од својот живот.

Филдс открила неколку шокантни факти од својот живот во својата книга „Во делови“, која наскоро ќе биде објавена. Во мемоарите таа пишувала за злоупотребата што ја трпела со години од нејзиниот очув, но и за тајниот абортус што го имала на 17 години во Мексико.

Во мемоарите, таа пишува дека очувот, додека нејзината мајка не била дома, ја повикувал во спалната соба. „Тогаш знаев“, напишала таа. „Во истиот момент се чувствував како беспомошно дете, а не бев. Моќно. Тоа беше моќ. Сакав да бидам дете“, додала.

Во книгата останало нејасно кога почнала  злоупотребата, но се наведува дека престанала кога таа имала 14 години. Неколку години подоцна, поточно во 1968 година, мајка ѝ се развела од очувот.

Сали ѝ признала на мајка ѝ дека очувот ја злоупотребувал дури кога имала 66 години во 2012 година.