Мерил Стрип го обвини Карл Лагерфелд дека ѝ ја упропастил вечерта на Оскарите

Американсата актерка Мерил Стрип во саботата го обвини дизајнерот Карл Лагерфелд дека ѝ ја упропастил вечерта на доделувањето на најпрестижните филмски награди Оскарите, лажно обвинувајќи ја дека ѝ е платено носењето на фустанот на црвениот тепих.

Стрип одговори на тврдењето на Лагерфелд кажано претходно седмицава дека оваа актерка од култниот филм „Изборот на Софија“, не одлучила да ја облече креацијата на Шанел на свеченоста на доделувањето на Оскарите во неделата, поради тоа што ѝ е платено да носи вечерна тоалета на друг дизајнер. Неговите зборови одекнаа како бомба во сите светски медиуми.

„Приказната е пренесена ширум светот и продолжува да се шири низ светот засенувајќи го моето доаѓање на Оскарите и мојата рекордна 20-та номинација, и ја надмина во очите на медиумите, колегите и публиката оваа чест“, наведе 67-годишната Мерил Стрип во писмената изјава.

Мерил Стрип е една од најомилените и најпочитувани актерки од нејзината генерација, номинирана е за Оскар за улогата на ексцентрична оперска пејачка во комедијата „Florence Foster Jenkins“. Таа има веќе освоено три Оскара.

Ги отфрли во саботата извинувањата од Лагерфелд, Тој рече дека погрешно сфатил дека Стрип можеби избрала друг дизајнер поради паричен надомест и рече дека жали поради контроверзната ситуација.

„Воопштените изрази на жалење на господин Лагерфелд поради ‘контроверзиите’ не претставуваат извинување“, возврати Стрип./крај/мф/сн